რას ვჭამთ: თბილისში გაურკვეველი წარმომავლობის ხორცი აღმოაჩინეს

© Facebook / National Food Agencyინსპექცია ამოწმებს ხორცს
ინსპექცია ამოწმებს ხორცს - Sputnik საქართველო, 1920, 03.02.2022
გამოწერა
Yandex newsTelegram
საწარმოდან ამოღებული ხორცის ნიმუშები ლაბორატორიაში გადაიგზავნა, ხოლო ამოღებული პროდუქცია განადგურდება.
თბილისი, 3 თებერვალი – Sputnik. სურსათის ეროვნულმა სააგენტომ თბილისში დალუქა ხორცის საწარმო, სადაც გაურკვეველი წარმომავლობის 500 კგ ხორცპროდუქტები აღმოაჩინა, ნათქვამია უწყების მიერ გავრცელებულ განცხადებაში.
მოსახლეობის ჯანმრთელობისა და ინტერესების დაცვის მიზნით სურსათის ეროვნული სააგენტო სახელმწიფო კონტროლს 24-საათიან რეჟიმში ქვეყნის მთელ ტერიტორიაზე ახორციელებს. დარღვევების აღმოჩენის შემთხვევაში მომხმარებლებს შეუძლიათ დარეკონ უწყების „ცხელ ხაზზე“ – 1501.

„შემოსული შეტყობინების საფუძველზე სურსათის ეროვნული სააგენტოს თბილისის საქალაქო სამსახურის ინსპექტირების ჯგუფმა შეამოწმა არალეგალური საწარმო, რომელშიც მიმდინარეობდა ხორცპროდუქტების დამუშავება. ჩატარდა ინსპექტირება და გამოვლინდა ბევრი კრიტიკული შეუსაბამობა“, – განაცხადა სურსათის ეროვნული სააგენტოს დირექტორის მოადგილემ ვასილ ბასილაძემ.

საწარმოდან ამოღებული ხორცის ნიმუშები ლაბორატორიაში გადაიგზავნა. ბიოლოგიური მასალის წარმომავლობას სპეციალისტები დაადგენენ, ხორცი კი განადგურდება.
ევროპული სტანდარტის ქართული ხორცი – როგორ აკონტროლებენ საქართველოში ხორცის ხარისხს >>
სურსათის ეროვნული სააგენტოს ინიციატივით, მიმდინარე წლის გაზაფხულიდან საქართველოს მაღაზიებსა და ბაზრებში ხორცი QR–კოდით გაიყიდება, რომლის დახმარებითაც მომხმარებელი შეძლებს გაიგოს პროდუქციის შენახვის, ვარგისიანობის, პირუტყვის ასაკისა და დაკვლის თარიღის შესახებ ინფორმაცია. მომხმარებელი საქონლის შესახებ ინფორმაციის მიღებას მობილური აპლიკაციის დახმარებით შეძლებს.
ყველა ახალი ამბავი
0