გორის კულტურის ცენტრში მაინინგ–ფერმა აღმოაჩინეს

© photo: Sputnik / Alexey Sukhorukov / ფოტობანკში გადასვლაბიტკოინის მონეტა–სუვენირი
ბიტკოინის მონეტა–სუვენირი - Sputnik საქართველო, 1920, 03.02.2022
გამოწერა
Yandex newsTelegram
სახელმწიფო უსაფრთხოების სამსახურის ანტოკორუფციულმა სააგენტომ გამოძიება უკვე დაიწყო.
თბილისი, 3 თებერვალი – Sputnik. საქართველოს სახელმწიფო უსაფრთხოების სამსახურმა გამოძიება მას შემდეგ დაიწყო, რაც გორის კულტურულ-საგანმანათლებლო ცენტრში, სავარაუდოდ, მაინინგ–ფერმა აღმოაჩინა, იუწყება „რუსთავი 2“.
ჩხრეკა ოპერატიული ინფორმაციის საფუძველზე ჩატარდა. ჯერჯერობით არავინ დაუკავებიათ.
ტელეარხის ვერსიით, მოწყობილობა მაინინგისთვის შენობაში ჯერ კიდევ 2020 წელს ცენტრის დირექტორის მოადგილემ გიორგი ქვათაძემ განათავსა. როგორც კი გავრცელდა ინფორმაცია, რომ ცენტრით სუსი დაინტერესდა, ქვათაძემ თანამდებობა დატოვა.
არაოფიციალური ინფორმაციით, ელექტროენერგიის საფასური კულტურის ცენტრში ყოველთვიურად დაახლოებით 6 ათას ლარს შეადგენდა.
ვითარების კომენტარისას ცენტრის დირექტორმა დავით ცერცვაძემ განაცხადა, რომ მან არაფერი იცის მაინინგ–ფერმის თაობაზე, რადგან ის ამ თანამდებობაზე სულ ორი დღის წინ დაინიშნა.
გორის საკრებულოს თავმჯდომარეს დავით რაზმაძეს კი ეჭვი ეპარება იმაში, რომ მაინინგ–ფერმის ორგანიზებას ერთი ადამიანი შეძლებდა.
როგორც რაზმაძემ ტელერხ „მთავართან“ განაცხადა, საქმეს შესაბამისი სამსახურები სწავლობენ. რთული სათქმელია, ვინ იცოდა ამის შესახებ, მაგრამ, მისი თქმით, ძალიან საეჭვოა, რომ ეს ყველაფერი მხოლოდ ერთმა ადამიანმა მოახერხა.
წმინდა გიორგის ეკლესია - Sputnik საქართველო, 1920, 30.12.2021
სვანებმა უძველეს ტრადიციას მიმართეს – მესტიაში მაინერების პრობლემა გადაიჭრება: ვიდეო
სუსს გორში დაწყებული გამოძიების შესახებ ჯერჯერობით ოფიციალური განცხადება არ გაუკეთებია.
წყარო „რუსთავი2"
ყველა ახალი ამბავი
0