https://sputnik-georgia.com/20220131/japaridze-natelashvili-xoshtarias-sakitxis-ganxilva-gadaido-264021540.html
ჯაფარიძე–ნათელაშვილი–ხოშტარიას უფლებამოსილების შეწყვეტის საკითხის განხილვა გადაიდო
ჯაფარიძე–ნათელაშვილი–ხოშტარიას უფლებამოსილების შეწყვეტის საკითხის განხილვა გადაიდო
Sputnik საქართველო
სხდომების გაცდენა და სასამართლოს განაჩენი სადეპუტატო მანდატის მოხსნის საფუძველი შეიძლება გახდეს
2022-01-31T18:29+0400
2022-01-31T18:29+0400
2022-01-31T22:22+0400
საზოგადოება
ახალი ამბები
საქართველო
საქართველოს პარლამენტი
https://cdnn1.img.sputnik-georgia.com/img/07e5/07/12/252352824_0:67:1280:787_1920x0_80_0_0_e44ba6ce706be406510c04b6b26a70dd.jpg
თბილისი, 31 იანვარი — Sputnik. პარლამენტის საპროცედურო საკითხთა და წესების კომიტეტის სხდომა, რომელზეც სამი ოპოზიციონერი დეპუტატისთვის უფლებამოსილების შეჩერების საკითხი უნდა განეხილათ, კვორუმის არარსებობის გამო გადაიდო.როგორც კომიტეტის თავმჯდომარის მოადგილემ გურამ მაჭარაშვილმა განაცხადა, სხდომის გადადების მიზეზი კოვიდპანდემია გახდა – კომიტეტის წევრები პარლამენტში ვერ მივიდნენ, რადგანაც ინფიცირებულ პირებთან კონტაქტი ჰქონდათ.როდის გაიმართება კომიტეტის სხდომა, ჯერჯერობით უცნობია.ორშაბათს ჩანიშნულ საპროცედურო საკითხთა კომიტეტის სხდომას სამი ოპოზიციონერი დეპუტატისთვის – ელენე ხოშტარიას, შალვა ნათელაშვილისა და ბადრი ჯაფარიძისთვის მანდატების ჩამორთმევის საკითხი უნდა განეხილა. როგორც ადრე კომიტეტის თავმჯდომარემ ირაკლი ქადაგიშვილმა განაცხადა, ელენე ხოშტარიასა და ლეიბორისტული პარტიის ლიდერის შალვა ნათელაშვილისთვის უფლებამოსილების ჩამორთმევის საკითხი დადგა იმის გამო, რომ მათ საშემოდგომო სესიაზე გამართული სხდომების ნახევარზე მეტი არასაპატიო მიზეზით გააცდინეს, რაც, კონსტიტუციის მიხედვით, დეპუტატის მანდატის ჩამორთმევის საფუძველი შეიძლება გახდეს.რაც შეეხება ოპოზიციური პარტიის „ლელო საქართველოსთვის“ ლიდერ ბადრი ჯაფარიძეს, ამ შემთხვევაში დეპუტატის მანდატის მოსალოდნელი ჩამორთმევის მიზეზი სასამართლოს განაჩენია, რომლის მიხედვითაც ის თაღლითობაში დამნაშავედ ცნეს.12 იანვარს თბილისის საქალაქო სასამართლომ ჯაფარიძე დამნაშავედ ცნო 2008 წელს დიდი ოდენობით ჩადენილ თაღლითობაში და 7 წლით პატიმრობა შეუფარდა. თუმცა ის, საქმის ხანდაზმულობიდან გამომდინარე, საპატიმრო სასჯელისგან გათავისუფლდა.საქართველოს კონსტიტუციის მიხედვით, თუ პარლამენტის წევრი ძალაში შესული განაჩენის საფუძველზე დამნაშავედ არის ცნობილი, მას სადეპუტატო უფლებამოსილება შეიძლება ჩამოერთვას.
https://sputnik-georgia.com/20220120/saqartvelos-parlaments-sesazloa-ramdenime-opozioneri-gamoakldes-263770742.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო პარლამენტი უფლებამოსილების შეწყვეტა დეპუტატები ბადრი ჯაფარიძე ელენე ხოშტარია შალვა ნათელაშვილი
საქართველო პარლამენტი უფლებამოსილების შეწყვეტა დეპუტატები ბადრი ჯაფარიძე ელენე ხოშტარია შალვა ნათელაშვილი
ჯაფარიძე–ნათელაშვილი–ხოშტარიას უფლებამოსილების შეწყვეტის საკითხის განხილვა გადაიდო
18:29 31.01.2022 (განახლებულია: 22:22 31.01.2022) სხდომების გაცდენა და სასამართლოს განაჩენი სადეპუტატო მანდატის მოხსნის საფუძველი შეიძლება გახდეს.
თბილისი, 31 იანვარი — Sputnik. პარლამენტის საპროცედურო საკითხთა და წესების კომიტეტის სხდომა, რომელზეც სამი ოპოზიციონერი დეპუტატისთვის უფლებამოსილების შეჩერების საკითხი უნდა განეხილათ, კვორუმის არარსებობის გამო გადაიდო.
როგორც კომიტეტის თავმჯდომარის მოადგილემ გურამ მაჭარაშვილმა განაცხადა, სხდომის გადადების მიზეზი კოვიდპანდემია გახდა – კომიტეტის წევრები პარლამენტში ვერ მივიდნენ, რადგანაც ინფიცირებულ პირებთან კონტაქტი ჰქონდათ.
როდის გაიმართება კომიტეტის სხდომა, ჯერჯერობით უცნობია.
ორშაბათს ჩანიშნულ საპროცედურო საკითხთა კომიტეტის სხდომას სამი ოპოზიციონერი დეპუტატისთვის – ელენე ხოშტარიას, შალვა ნათელაშვილისა და ბადრი ჯაფარიძისთვის მანდატების ჩამორთმევის საკითხი უნდა განეხილა.
როგორც ადრე კომიტეტის თავმჯდომარემ ირაკლი ქადაგიშვილმა განაცხადა, ელენე ხოშტარიასა და ლეიბორისტული პარტიის ლიდერის შალვა ნათელაშვილისთვის უფლებამოსილების ჩამორთმევის საკითხი დადგა იმის გამო, რომ მათ საშემოდგომო სესიაზე გამართული სხდომების ნახევარზე მეტი არასაპატიო მიზეზით გააცდინეს, რაც, კონსტიტუციის მიხედვით, დეპუტატის მანდატის ჩამორთმევის საფუძველი შეიძლება გახდეს.
რაც შეეხება ოპოზიციური პარტიის „ლელო საქართველოსთვის“ ლიდერ ბადრი ჯაფარიძეს, ამ შემთხვევაში დეპუტატის მანდატის მოსალოდნელი ჩამორთმევის მიზეზი სასამართლოს განაჩენია, რომლის მიხედვითაც ის თაღლითობაში დამნაშავედ ცნეს.
12 იანვარს თბილისის საქალაქო სასამართლომ ჯაფარიძე დამნაშავედ ცნო 2008 წელს დიდი ოდენობით ჩადენილ თაღლითობაში და 7 წლით პატიმრობა შეუფარდა. თუმცა ის, საქმის ხანდაზმულობიდან გამომდინარე, საპატიმრო სასჯელისგან გათავისუფლდა.
საქართველოს კონსტიტუციის მიხედვით, თუ პარლამენტის წევრი ძალაში შესული განაჩენის საფუძველზე დამნაშავედ არის ცნობილი, მას სადეპუტატო უფლებამოსილება შეიძლება ჩამოერთვას.
