https://sputnik-georgia.com/20220126/zamtris-olimpiadaze-vin-iasparezebs-saqartvelodan-263887209.html
ზამთრის ოლიმპიადა - ვინ იასპარეზებს პეკინში საქართველოს სახელით
ზამთრის ოლიმპიადა - ვინ იასპარეზებს პეკინში საქართველოს სახელით
Sputnik საქართველო
ზამთრის ოლიმპიადა პეკინში კოვიდრეგულაციების სრული დაცვით ჩატარდება. მასში საქართველოს სახელით ცხრა სპორტსმენი იასპარეზებს
2022-01-26T11:13+0400
2022-01-26T11:13+0400
2022-01-26T11:13+0400
სპორტი
ახალი ამბები
საქართველო
ჩინეთი
https://cdnn1.img.sputnik-georgia.com/img/07e6/01/1a/263884502_0:321:3071:2048_1920x0_80_0_0_0a2b1989b4b9e79a5f0e84eb5fbbaf53.jpg
თბილისი, 26 იანვარი - Sputnik. ზამთრის ოლიმპიური თამაშების დაწყებამდე რამდენიმე დღე რჩება. პეკინში რიგით 24-ე ზამთრის ოლიმპიადა 4 თებერვალს აიღებს სტარტს, ღონისძიება კი მსგავსად ტოკიოს ოლიმპიური თამაშებისა კოვიდრეგულაციების დაცვით გაიმართება. გულშემატკივრები შეჯიბრებებს ვერ დაესწრებიან, ხოლო სპორტსმენები მონაწილეობამდე მკაცრ კონტროლს გაივლიან.ჩინეთის დედაქალაქში საქართველოს ოლიმპიურ ნაკრებს ცხრა სპორტსმენი წარადგენს, წინა ზამთრის ოლიმპიადაზე კი საქართველოს მხოლოდ ოთხი სპორტსმენით იყო წარმოდგენილი. აღსანიშნავია, რომ ზამთრის ოლიმპიური თამაშების ისტორიაში პირველად ქართველი მოციგურავეები გუნდურ შეჯიბრებაში მიიღებენ მონაწილეობას.ქართული ფიგურული სრიალის ისტორიაში პირველად ქართველმა მოციგურავეებმა ლიცენზიები ოთხივე დისციპლინაში მოიპოვეს. პეკინში საქართველოს წარადგენენ მორის ყვითელაშვილი, ალინა ურუშაძე (ინდივიდუალური), კარინა საფინა/ლუკა ბერულავა (წყვილები) და მარია კაზაკოვა/გიორგი რევია (სპორტული ცეკვები).საქართველოს გარდა, ოლიმპიური პროგრამის აღნიშნულ სახეობაში მონაწილეობას მიიღებენ რუსეთის, აშშ-ის, კანადის, იაპონიის, ჩინეთის, იტალიის, გერმანიის, ჩეხეთისა და უკრაინის გუნდები.მოციგურავეებთან ერთად პეკინში საქართველოს დელეგაციაში იქნება 21 წლის მოციგავე საბა ქუმარიტაშვილი, რომელიც შეჯიბრებაზე 5 თებერვალს გამოვა. ახალგაზრდა მოციგავეს ჯერ საერთაშორისო შეჯიბრებებზე განსაკუთრებული წარმატებისთვის არ მიუღწევია. მიუხედავად ამისა, მისი სახელი ქართველი გულშემატკივარს ვანკუვერის 2010 წლის ზამთრის ოლიმპიურ თამაშებზე ტრაგიკულად დაღუპულ ქართველ მოციგავეს ნოდარ ქუმარიტაშვილს ახსენებს. 21 წლის მოციგავე ნოდარ ქუმარიტაშვილის ბიძაშვილის შვილია.პეკინში საქართველოს სახელით გამოვლენ ასევე სამთო მოთხილამურები ნინო წიკლაური და სოსო ჯაფარიძე. წიკლაურისთვის ეს მეოთხე ოლიმპიადა იქნება (მისი საუკეთესო შედეგი 39-ე ადგილია სლალომში), ჯაფარიძემ კი ლიცენზია პირველად მოიპოვა. ნინო წიკლაური ტრასაზე 7-9 თებერვალს გამოვა, ხოლო სოსო ჯაფარიძე – 13-16 თებერვალს იასპარეზებს.2022 წლის ზამთრის ოლიმპიურ თამაშებს პეკინი 4-20 თებერვლის პერიოდში უმასპინძლებს.
https://sputnik-georgia.com/20220119/saqartvelos-mociguraveta-semadgenloba-zamtris-olimpiadaze-263720458.html
საქართველო
ჩინეთი
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ოლიმპიადა ჩინეთი პეკინი საქართველო სპორტი
ოლიმპიადა ჩინეთი პეკინი საქართველო სპორტი
ზამთრის ოლიმპიადა - ვინ იასპარეზებს პეკინში საქართველოს სახელით
პეკინის ზამთრის ოლიმპიურ თამაშებზე ქართული დელეგაციიდან ცხრა სპორტსმენი იქნება წარმოდგენილი.
თბილისი, 26 იანვარი - Sputnik. ზამთრის ოლიმპიური თამაშების დაწყებამდე რამდენიმე დღე რჩება. პეკინში რიგით 24-ე ზამთრის ოლიმპიადა 4 თებერვალს აიღებს სტარტს, ღონისძიება კი მსგავსად ტოკიოს ოლიმპიური თამაშებისა კოვიდრეგულაციების დაცვით გაიმართება.
გულშემატკივრები შეჯიბრებებს ვერ დაესწრებიან, ხოლო სპორტსმენები მონაწილეობამდე მკაცრ კონტროლს გაივლიან.
ჩინეთის დედაქალაქში საქართველოს ოლიმპიურ ნაკრებს ცხრა სპორტსმენი წარადგენს, წინა ზამთრის ოლიმპიადაზე კი საქართველოს მხოლოდ ოთხი სპორტსმენით იყო წარმოდგენილი.
აღსანიშნავია, რომ ზამთრის ოლიმპიური თამაშების ისტორიაში პირველად ქართველი მოციგურავეები გუნდურ შეჯიბრებაში მიიღებენ მონაწილეობას.
ქართული ფიგურული სრიალის ისტორიაში პირველად ქართველმა მოციგურავეებმა ლიცენზიები ოთხივე დისციპლინაში მოიპოვეს. პეკინში საქართველოს წარადგენენ მორის ყვითელაშვილი, ალინა ურუშაძე (ინდივიდუალური), კარინა საფინა/ლუკა ბერულავა (წყვილები) და მარია კაზაკოვა/გიორგი რევია (სპორტული ცეკვები).
საქართველოს გარდა, ოლიმპიური პროგრამის აღნიშნულ სახეობაში მონაწილეობას მიიღებენ რუსეთის, აშშ-ის, კანადის, იაპონიის, ჩინეთის, იტალიის, გერმანიის, ჩეხეთისა და უკრაინის გუნდები.
მოციგურავეებთან ერთად პეკინში საქართველოს დელეგაციაში იქნება 21 წლის მოციგავე საბა ქუმარიტაშვილი, რომელიც შეჯიბრებაზე 5 თებერვალს გამოვა.
ახალგაზრდა მოციგავეს ჯერ საერთაშორისო შეჯიბრებებზე განსაკუთრებული წარმატებისთვის არ მიუღწევია. მიუხედავად ამისა, მისი სახელი ქართველი გულშემატკივარს ვანკუვერის 2010 წლის ზამთრის ოლიმპიურ თამაშებზე ტრაგიკულად დაღუპულ ქართველ მოციგავეს ნოდარ ქუმარიტაშვილს ახსენებს. 21 წლის მოციგავე ნოდარ ქუმარიტაშვილის ბიძაშვილის შვილია.
პეკინში საქართველოს სახელით გამოვლენ ასევე სამთო მოთხილამურები ნინო წიკლაური და სოსო ჯაფარიძე. წიკლაურისთვის ეს მეოთხე ოლიმპიადა იქნება (მისი საუკეთესო შედეგი 39-ე ადგილია სლალომში), ჯაფარიძემ კი ლიცენზია პირველად მოიპოვა.
ნინო წიკლაური ტრასაზე 7-9 თებერვალს გამოვა, ხოლო სოსო ჯაფარიძე – 13-16 თებერვალს იასპარეზებს.
2022 წლის ზამთრის ოლიმპიურ თამაშებს პეკინი 4-20 თებერვლის პერიოდში უმასპინძლებს.
