Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ჩხაიძე: ინფიცირების რამდენი აქტიური შემთხვევის მართვა შეუძლია ქვეყანას

© Facebook / AlpenPharma Caucasusივანე ჩხაიძე
ივანე ჩხაიძე - Sputnik საქართველო, 1920, 20.01.2022
გამოწერა
Yandex newsTelegram
ამ დროის მონაცემებით, საქართველოში კორონავირუსით ინფიცირების 57.799 აქტიური შემთხვევაა.
თბილისი, 20 იანვარი - Sputnik. თუ კორონავირუსით ინფიცირებულთა რიცხვი დღიურად 15-20 ათასს გასცდება, ასეთ დროს არც ერთ ქვეყანას არ აქვს რესურსი, რომ რომელიმე პაციენტი არ დარჩეს ყურადღების გარეშე, განაცხადა იმუნიზაციის მრჩეველთა ეროვნული ჯგუფის ხელმძღვანელმა ივანე ჩხაიძემ.
ჩხაიძის თქმით, ინფიცირების შემთხვევების ეტაპობრივი მატება მომდევნო დღეების განმავლობაშიც თუ შენარჩუნდება, პირველად ჯანდაცვას ეს პრობლემებს ვერ შეუქმნის.
„თუ პიკური მაჩვენებელი იქნება 12-15 ათასი, ამის მეტ-ნაკლებად მართვა შესაძლებელია, მაგრამ უფრო დიდი ციფრის შემთხვევაში უკვე ძალიან რთული იქნება პირველად ჯანდაცვას მოსთხოვო ყველა პაციენტის, ყველა ინფიცირებულის ყურადღება და მეთვალყურეობა“, – განაცხადა ჩხაიძემ.
მისი თქმით, გამოჯანმრთელებულთა მაჩვენებელიც მაღალია, რაც „ომიკრონის“ ხანმოკლე მიმდინარეობითაა განპირობებული და შესაძლოა, აქტიური შემთხვევების რაოდენობა არ იყოს იმდენად დიდი, რომ სამედიცინო სექტორმა გამკლავება ვერ მოახერხოს.
ჩხაიძის განცხადებით, მეოთხე ტალღის პიკზე ქვეყანამ მოახერხა 60 ათასი ინფიცირებულის მართვა, რაც იმის დასტურია, რომ ქვეყანას 60-80 ათასი აქტიური შემთხვევის მართვა შეუძლია სამედიცინო სექტორის გადატვირთვისა და პაციენტის უყურადღებოდ დატოვების გარეშე.
„მიუხედავად იმისა, რომ მაშინ დაგვჭირდა საველე ჰოსპიტალის ამოქმედება, ბინაზე არ დარჩენილა არც ერთი ისეთი პაციენტი, ვისაც სჭირდებოდა ჰოსპიტალიზაცია“, - განაცხადა ჩხაიძემ.
პალატა კორონავირუსით ინფიცირებულებისთვის - Sputnik საქართველო, 1920, 10.01.2022
COVID-19 - ბოლო ცნობები
ივანე ჩხაიძე: „ომიკრონის“ შემთხვევაში ბავშვების ჰოსპიტალიზაციის ტემპი იმატებს
ბოლო დღეებში საქართველოში ახალი კორონავირუსით დაავადებულთა რაოდენობა მკვეთრად იზრდება. ყოველდღიურად ინფიცირებულთა რაოდენობა 7–8 ათასს აჭარბებს.
ინფიცირებულთა საერთო რიცხვმა მილიონს გადააჭარბა, ხოლო გარდაცვლილთა რაოდენობამ – 14,5 ათასს.
ყველა ახალი ამბავი
0