Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ივანე ჩხაიძე: „ომიკრონის“ შემთხვევაში ბავშვების ჰოსპიტალიზაციის ტემპი იმატებს

© AP Photo / Achmad Ibrahimპალატა კორონავირუსით ინფიცირებულებისთვის
პალატა კორონავირუსით ინფიცირებულებისთვის - Sputnik საქართველო, 1920, 10.01.2022
გამოწერა
ბავშვებისთვის უსაფრთხო სასკოლო გარემოს შესაქმნელად სკოლებსა და საკლასო ოთახებში მნიშვნელოვანია რეკომენდაციების დაცვა, ასევე უნდა გაიზარდოს ვაქცინაციის მაჩვენებელი, აღნიშნავს ჩხაიძე.
თბილისი, 10 იანვარი – Sputnik. „ომიკრონის“ შემთხვევაში ბავშვების ჰოსპიტალიზაციის მაჩვენებელი გაცილებით მაღალია, ვიდრე წინა პერიოდში, განაცხადა იმუნიზაციის ტექნიკურ ექსპერტთა ეროვნული საბჭოს ხელმძღვანელმა ივანე ჩხაიძემ ტელეკომპანია „იმედის“ ეთერში საუბრისას.
კითხვაზე, გაუარესებული ეპიდვითარების ფონზე რამდენად უსაფრთხოა ზამთრის არდადეგების შემდეგ ბავშვების სკოლაში დაბრუნება, ჩხაიძე განმარტავს, რომ საკლასო ოთახებსა და სასკოლო გარემოში უსაფრთხო გარემოს შენარჩუნება მთავარი პირობაა. მისი თქმით, ბავშვებში ვაქცინაციის მაჩვენებელი დაბალია, ისევე, როგორც სკოლებსა და, ზოგადად, მოსახლეობაში.

„დგას გარკვეული რისკები, დაკავშირებული „ომიკრონის“ შემთხვევების მატებასთან და ასევე რისკები, დაკავშირებული ბავშვების ინფიცირებასთან. პრაქტიკულად ჩვენ ვერ ვახერხებთ უზრუნველვყოთ უსაფრთხო სახლი. ეს ეხება სკოლასაც. თუ ჩვენ დავიცავთ ეპიდსაწინააღმდეგო ღონისძიებებს – ნიღბის ტარება, დისტანცირება, საკლასო ოთახების ხშირი განიავება და ხელების ჰიგიენა, ბავშვების გაშვება სკოლაში სავსებით შესაძლებელია“, – განაცხადა ჩხაიძემ.

ივანე ჩხაიძემ „ომიკრონ“ შტამის მახასიათებლებზე კიდევ ერთხელ ისაუბრა და მოსახლეობას სიფრთხილისკენ მოუწოდა.
„ომიკრონი“, კლინიკური მიმდინარეობის მიხედვით, არ წარმოადგენს ისეთივე საფრთხეს, როგორსაც „დელტა“. თუმცა ისე არ უნდა განვიხილოთ, რომ „ომიკრონი“ არის სრულიად უწყინარი და ყველა შემთხვევაში მიმდინარეობს მსუბუქად. ბავშვების ჰოსპიტალიზაციის მაჩვენებელი გაცილებით მეტია, ვიდრე წინა პერიოდში“, – განაცხადა ივანე ჩხაიძემ.
საქართველოს საჯარო სკოლებსა და საბავშვო ბაგა-ბაღებში ზამთრის არდადეგები 29 დეკემბერს დაიწყო და 14 იანვრის ჩათვლით გაგრძელდება. სკოლებსა და სკოლამდელ დაწესებულებებში სასწავლო-სააღმზრდელო პროცესი 2022 წლის 17 იანვარს, ორშაბათს განახლდება.
საქართველოში „ომიკრონ" შტამით ინფიცირების პირველი ორი შემთხვევა გასული წლის 20 დეკემბერს გამოვლინდა. ინფიცირებულებიდან ერთს აშშ-ში, მეორეს კი დუბაიში მოგზაურობის ისტორია ჰქონდა. შემდეგ ვირუსი დაუდასტურდა მათთან კონტაქტში მყოფ თითქმის ყველა პირს.
ამირან გამყრელიძე - Sputnik საქართველო, 1920, 09.01.2022
COVID-19 - ბოლო ცნობები
საქართველოში „ომიკრონით“ ინფიცირების მაჩვენებელი დღე-ღამეში შეიძლება გაორმაგდეს
ეპიდემიოლოგები განმარტავენ, რომ „ომიკრონის“ შემთხვევები გაზრდილია 18 წლამდე პირებში.
ჯანმრთელობის მსოფლიო ორგანიზაციამ ბოტსვანასა და სამხრეთ აფრიკის რესპუბლიკაში ნოემბრის ბოლოს გამოვლენილ ახალ შტამ B.1.1.529-ს, რომელიც „შეშფოთების გამომწვევად" შეფასდა, ბერძნული ანბანის მე-15 ასოს მიხედვით „ომიკრონი" უწოდა.
ე.წ. ბუსტერ-დოზით აცრილ ადამიანებში „ომიკრონით“ დაინფიცირების შემთხვევები არ არის>>
ექსპერტების თქმით, ახალ შტამს ახასიათებს ყელის „ფხაჭნის" შეგრძნება, მშრალი ხველა, თავისა და კუნთების მსუბუქად გამოხატული ტკივილი. ამ დროისათვის „ომიკრონი“ მსოფლიოს 100-ზე მეტ ქვეყანაშია გამოვლენილი.
სპეციალისტების თქმით, ამ შტამით, შესაძლოა, დაინფიცირდნენ როგორც კოვიდგადატანილი, ისე ვაქცინირებული ადამიანები.
წყარო: ტელეკომპანია „იმედი"
ყველა ახალი ამბავი
0