დევნილთა პრობლემებით ევროკავშირის წარმომადგენლები დაინტერესდნენ

© photo: Sputnik / Seyran Baroyanავარიული სახლი
ავარიული სახლი - Sputnik საქართველო, 1920, 19.01.2022
გამოწერა
Yandex newsTelegram
დევნილებისთვის მიუღებელია სამინისტროს შეთავაზება ალტერნატიულ ფართში ქირით გადასვლის თაობაზე
თბილისი, 19 იანვარი - Sputnik. თბილისის ზღვაზე მდებარე ყოფილ სანატორიუმ „ქართლში“ არსებული ვითარების გაცნობის მიზნით ევროკავშირის წარმომადგენლები მივიდნენ.
ყოფილი სანატორიუმი „ქართლის“ შენობაში მცხოვრებმა დევნილებმა ავარიული კორპუსიდან განსახლებისა და საცხოვრებელი ფართებით დაკმაყოფილების მოთხოვნით მთავრობის ადმინისტრაციის შენობის წინ 14 იანვარს აქცია გამართეს. რამდენიმე დღით ადრე კი პროტესტის ნიშნად ასობით დევნილმა ღამე ქუჩაში გაატარა. მათ თქმით, აღნიშნული შენობა ავარიულია და მასში ცხოვრება მათ სიცოცხლეს საფრთხეს უქმნის.
16 იანვარს ყოფილი სანატორიუმის შენობის სახურავიდან ერთ-ერთი დევნილი, 52 წლის ზურაბჭიჭოშვილი პროტესტის ნიშნად გადმოხტა და გარდაიცვალა. გავრცელებული ინფორმაციით, მამაკაცი ჯანდაცვის სამინისტროსგან და საქართველოს მთავრობისგან ყურადღებას და დევნილების საცხოვრებელი ფართებით დაკმაყოფილებას ითხოვდა.
ნინო ლომჯარია - Sputnik საქართველო, 1920, 17.01.2022
შენობა სიცოცხლისთვის საფრთხის შემცველია: ლომჯარია დევნილების საკითხს ეხმაურება
ყოფილ სანატორიუმ „ქართლში“ მომხდართან დაკავშირებით ჯანდაცვის სამინისტროში განაცხადეს, რომ ეკომიგრანტთა და საარსებო წყაროებით უზრუნველყოფის სააგენტომ შენობაში მცხოვრებ ოჯახებზე გასცა ადმინისტრაციული დაპირება და განსახლების ორი გზა შესთავაზა.
„იძულებით გადაადგილებულ პირებს თბილისში ბინის მოძიება თავად შეუძლიათ, რომლის შესყიდვასაც სააგენტო უზრუნველყოფს. დევნილ ოჯახებს ასევე აქვთ ალტერნატივა, რომ სააგენტოს მიერ შესყიდული ბინების მშენებლობის დასრულებას დაელოდონ. ამ შემთხვევაში სააგენტო, გამგეობასთან ერთად, მათ ქირის თანხით უზრუნველყოფას სთავაზობს“, - აღნიშნეს სამინისტროში.
სამინისტროს მტკიცებით, ყოფილ სანატორიუმ „ქართლში“ მცხოვრები დევნილები ახალ საცხოვრებელ ფართებს 2022 წელს უპირობოდ მიიღებენ.
დევნილებისთვის მიუღებელია ჯანდაცვის სამინისტროს შემოთავაზება და ალტერნატიულ ფართში ქირით გადასვლა. მათი განცხადებით, ამ პირობაზე დათანხმების შემთხვევაში, სახელმწიფომ, შესაძლოა, შეწყვიტოს მათთვის ქირის გადახდა და ამის გაკეთება თავად მოუწიოთ.
ყველა ახალი ამბავი
0