https://sputnik-georgia.com/20220118/safrangetis-prezidentobis-kandidati-rasizmsi-daadanasaules-263691883.html
ბრალდებულია რასიზმში: პრეზიდენტობის კანდიდატი ისევ დააჯარიმეს
ბრალდებულია რასიზმში: პრეზიდენტობის კანდიდატი ისევ დააჯარიმეს
Sputnik საქართველო
სასამართლომ პრეზიდენტობის კანდიდატი კიდევ ერთხელ დააჯარიმა დიდი თანხით მუსლიმების მიმართ გამონათქვამებისთვის
2022-01-18T11:39+0400
2022-01-18T11:39+0400
2023-07-20T15:53+0400
მსოფლიო დღეს
პოლიტიკა
საფრანგეთი
მსოფლიოს ახალი ამბები
https://cdnn1.img.sputnik-georgia.com/img/07e5/06/0a/251991213_0:214:2048:1366_1920x0_80_0_0_97b76421de82f4956888053c8d063a39.jpg
თბილისი, 18 იანვარი — Sputnik. საფრანგეთის სასამართლომ პრეზიდენტობის კანდიდატი ერიკ ზემური დამნაშავედ ცნო რასიზმისა და სიძულვილის გაღვივებაში, იუწყება ტელეარხი France 24.გავრცელებული ინფორმაციით, საუბარია ზემურის მიერ 2020 წლის სექტემბერში გაკეთებულ განცხადებაზე, რა დროსაც მან მიგრანტ ბავშვებს ქურდები, მკვლელები და მოძალადეები უწოდა და თქვა, რომ საფრანგეთმა ისინი უკან, საკუთარ ქვეყნებში უნდა გააბრუნოს.მიგრანტი ბავშვების მიმართ რასისტული გამონათქვამებისთვის ზემურს 10 ათასი ევროს გადახდა დაეკისრა — დღეში ას-ასი ევრო ოდენობით ასი დღის განმავლობაში.იმ შემთხვევაში, თუ ბრალდებული ჯარიმის გადახდის ვადებს დაარღვევს, მას პატიმრობა ემუქრება.ერიკ ზემურის ადვოკატი სასამართლოს გადაწყვეტილების გასაჩივრებას გეგმავს. როგორც თავად პრეზიდენტობის კანდიდატმა განაცხადა, სასამართლომ მისი სიტყვის თავისუფლება შეზღუდა და „აუცილებელია, რომ სასამართლოებიდან იდეოლოგია სასწრაფოდ განიდევნოს“.აღსანიშნავია, რომ ერიკ ზემური წარსულში უკვე ორჯერ იყო ნასამართლევი სიძულვილის გაღვივების გამო. გარდა ამისა, იმიგრაციისა და ისლამის შესახებ მის წამქეზებლურ გამონათქვამებთან დაკავშირებით 16 გამოძიებაა ჩატარებული.2011 წელს ის 10 ათასი ევროთი დააჯარიმეს ტელევიზიით გაკეთებული განცხადების გამო, რომ „ნარკოტიკებით მოვაჭრეთა უმეტესობა შავკანიანები და არაბები არიან“.კიდევ ერთი ჯარიმა ზემურს 2018 წელს დაეკისრა (3 ათასი ევრო), როდესაც მან მუსლიმებს საფრანგეთში „შეჭრაში“ დასდო ბრალი.ერიკ ზემური გასული წლის ბოლოსთვის მოქმედი პრეზიდენტის, ემანუელ მაკრონის ყველაზე ძლიერ ოპონენტად მოიაზრებოდა, რაც გამოკითხვის შედეგებით დადასტურდა. თუმცა მას შემდეგ ვითარება შეიცვალა. გასულ კვირაში Harris Interactive-ს მიერ ჩატარებული გამოკითხვის თანახმად, მას მოსახლეობის მხოლოდ 13% უჭერს მხარს. ხოლო მის ოპონენტებს — მარინ ლე პენსა და ვალერი პეკრესს 16-16%-იანი მხარდაჭერა აქვთ.რაც შეეხება ემანუელ მაკრონს, რომელსაც ჯერ არ გაუკეთებია ოფიციალური განცხადება მეორე ვადით არჩევასთან დაკავშირებით, საფრანგეთის მოსახლეობის 25% უჭერს მხარს.საპრეზიდენტო არჩევნები საფრანგეთში 2022 წლის გაზაფხულზეა დაგეგმილი — პირველი ტური 10 აპრილს, ხოლო მეორე 24 აპრილს ჩატარდება.წყარო: France 24
https://sputnik-georgia.com/20211206/natodan-gasvla-da-migrantebis-gazeveba-safrangetis-axali-prezidentis-miznebi-262623406.html
საფრანგეთი
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/06/0a/251991213_205:0:2026:1366_1920x0_80_0_0_d84d6ba479e8d5c02e47f35273fe88fc.jpgSputnik საქართველო
media@sputniknews.com
+74956456601
MIA „Rosiya Segodnya“
საფრანგეთი სასამაღთლო რასიზმი სიძულვილის ენა ჯარიმა პრეზიდენტობის კანდიდატი ერიკ ზემური
საფრანგეთი სასამაღთლო რასიზმი სიძულვილის ენა ჯარიმა პრეზიდენტობის კანდიდატი ერიკ ზემური
თბილისი, 18 იანვარი — Sputnik. საფრანგეთის სასამართლომ პრეზიდენტობის კანდიდატი ერიკ ზემური დამნაშავედ ცნო რასიზმისა და სიძულვილის გაღვივებაში, იუწყება ტელეარხი France 24.
გავრცელებული ინფორმაციით, საუბარია ზემურის მიერ 2020 წლის სექტემბერში გაკეთებულ განცხადებაზე, რა დროსაც მან მიგრანტ ბავშვებს ქურდები, მკვლელები და მოძალადეები უწოდა და თქვა, რომ საფრანგეთმა ისინი უკან, საკუთარ ქვეყნებში უნდა გააბრუნოს.
მიგრანტი ბავშვების მიმართ რასისტული გამონათქვამებისთვის ზემურს 10 ათასი ევროს გადახდა დაეკისრა — დღეში ას-ასი ევრო ოდენობით ასი დღის განმავლობაში.
იმ შემთხვევაში, თუ ბრალდებული ჯარიმის გადახდის ვადებს დაარღვევს, მას პატიმრობა ემუქრება.
ერიკ ზემურის ადვოკატი სასამართლოს გადაწყვეტილების გასაჩივრებას გეგმავს. როგორც თავად პრეზიდენტობის კანდიდატმა განაცხადა, სასამართლომ მისი სიტყვის თავისუფლება შეზღუდა და „აუცილებელია, რომ სასამართლოებიდან იდეოლოგია სასწრაფოდ განიდევნოს“.
აღსანიშნავია, რომ ერიკ ზემური წარსულში უკვე ორჯერ იყო ნასამართლევი სიძულვილის გაღვივების გამო. გარდა ამისა, იმიგრაციისა და ისლამის შესახებ მის წამქეზებლურ გამონათქვამებთან დაკავშირებით 16 გამოძიებაა ჩატარებული.
2011 წელს ის 10 ათასი ევროთი დააჯარიმეს ტელევიზიით გაკეთებული განცხადების გამო, რომ „ნარკოტიკებით მოვაჭრეთა უმეტესობა შავკანიანები და არაბები არიან“.
კიდევ ერთი ჯარიმა ზემურს 2018 წელს დაეკისრა (3 ათასი ევრო), როდესაც მან მუსლიმებს საფრანგეთში „შეჭრაში“ დასდო ბრალი.
ერიკ ზემური გასული წლის ბოლოსთვის მოქმედი პრეზიდენტის, ემანუელ მაკრონის ყველაზე ძლიერ ოპონენტად მოიაზრებოდა, რაც გამოკითხვის შედეგებით დადასტურდა. თუმცა მას შემდეგ ვითარება შეიცვალა. გასულ კვირაში Harris Interactive-ს მიერ ჩატარებული გამოკითხვის თანახმად, მას მოსახლეობის მხოლოდ 13% უჭერს მხარს. ხოლო მის ოპონენტებს — მარინ ლე პენსა და ვალერი პეკრესს 16-16%-იანი მხარდაჭერა აქვთ.
რაც შეეხება ემანუელ მაკრონს, რომელსაც ჯერ არ გაუკეთებია ოფიციალური განცხადება მეორე ვადით არჩევასთან დაკავშირებით, საფრანგეთის მოსახლეობის 25% უჭერს მხარს.
საპრეზიდენტო არჩევნები საფრანგეთში 2022 წლის გაზაფხულზეა დაგეგმილი — პირველი ტური 10 აპრილს, ხოლო მეორე 24 აპრილს ჩატარდება.