ახალგაზრდა ქალის მკვლელობა ლაგოდეხში: ყოფილ ქმარს ბრალი წარედგინა

© photo: Sputnikპროკურატურა
პროკურატურა - Sputnik საქართველო, 1920, 17.01.2022
გამოწერა
Yandex newsTelegram
გამოძიების ინფორმაციით, დანაშაულის კვალის დაფარვის მიზნით ბრალდებულმა გაზქურის ონკანი გახსნა, რათა გარდაცვლილის ბუნებრივი გაზით ინტოქსიკაციის ინსცენირება მოეხდინა
თბილისი, 17 იანვარი – Sputnik. საქართველოს პროკურატურამ მამაკაცს ბრალი წარუდგინა ყოფილი მეუღლის დამამძიმებელ გარემოებებში განზრახ მკვლელობაში, ნათქვამია უწყების მიერ გავრცელებულ განცხადებაში.
გამოძიებით დადგინდა, რომ 15 იანვარს ბრალდებულმა ლაგოდეხში კონფლიქტის დროს ყოფილი მეუღლე მისსავე საცხოვრებელ სახლში ყელის არეში ხელის მოჭერით გაგუდა.
პროკურატურის ინფორმაციით, დანაშაულის კვალის დაფარვის მიზნით, ბრალდებულმა გაზქურის ონკანი გახსნა, რათა მოეხდინა გარდაცვლილის ბუნებრივი გაზით ინტოქსიკაციის ინსცენირება, ხოლო თავად შემთხვევის ადგილიდან მიიმალა.
გაგუდა და გაზი მოუშვა: ლაგოდეხში ქალის გარდაცვალების ფაქტზე მისი ყოფილი ქმარი დააკავეს >>
პოლიციამ ეჭვმიტანილი 16 იანვარს დააკავა. მას 13-დან 17 წლამდე პატიმრობა ემუქრება.
წყარო - საქართველოს გენერალური პროკურატურა
ყველა ახალი ამბავი
0