COVID-19-ით დაავადებული ქალი 45-დღიანი კომიდან „ვიაგრამ“ გამოიყვანა – ვიდეო
12:26 10.01.2022 (განახლებულია: 15:02 10.11.2023)
© photo: Sputnik / Kirill Braga
/ გამოწერა
თბილისი, 10 იანვარი − Sputnik. დიდ ბრიტანეთში COVID-19-ის მძიმე ფორმით დაავადებული პაციენტი, რომელიც კომაში იყო მთელი 45 დღე, უგონო მდგომარეობიდან პრეპარატმა „ვიაგრამ“ გამოიყვანა და საბოლოდ განკურნა კიდეც, წერს გამოცემა Metro.
ბრიტანულმა მასმედიამ მომხდარი საშობაო სასწაულად შეაფასა.
გავრცელებული ინფორმაციით, 37 წლის მონიკა ალმეიდა მედდად მუშაობდა ერთ-ერთ საავადმყოფოში, სადაც ათასობით კოვიდ-პაციენტი მკურნალობდა.
#Monica Almeida,a respiratory #nurse in the #UK. Since the outbreak, she has been fighting in the front line of treating COVID-19 patients at Lincoln County Hospital. The British nurse was infected with COVID-19 in a coma for 28 days and was finally saved by #Viagra. pic.twitter.com/D9gvaQfx2o
— Nadeem Xu (@NadeemXu) January 4, 2022
ქალი სრულად იყო ვაცინირებული კორონავირუსზე, თუმცა მაინც დაინფიცირდა და მძიმედ დაავადდა.
მონიკა საავადმყოფოში გადაიყვანეს და, გამომდინარე იქიდან, რომ მისი მდგომარეობა უფრო და უფრო მძიმდებოდა, 16 ნოემბერს ქალი ხელოვნურ კომაში შეიყვანეს.
სანამ დააძინებდნენ, ალმეიდამ ხელი მოაწერა დოკუმენტს, რომელშიც ის თანხმობას აცხადებდა ექსპერიმენტული პრეპარატების გამოცდაში მონაწილეობაზე.
Elle se réveille d'un coma Covid de 28 jours après que les médecins lui ont donné VIAGRA: asthmatique double vaxx.Monica Almeida, 37 ans a reçu du Viagra.Cela a entraîné une amélioration de son état et une baisse du niveau d'oxygène dont elle avait besoin.https://t.co/77IYl2tKEM pic.twitter.com/zxxqCi0BMe
— Jaime Horta 😎🇵🇹🇨🇵🇧🇷🇪🇦🇨🇮 (@JaimeHorta17) January 3, 2022
გამომდინარე პაციენტის უიმედო მდგომარეობიდან, მისი ფილტვების ხელოვნური ვენტილაციის აპარატიდან გათიშვა გადაწყდა, თუმცა აპარატიდან გამორთვამდე 72 საათით ადრე ექიმებმა, როგორც ექსპერიმენტი, მას „ვიაგრის“ დიდი დოზა მისცეს.
და პრეპარატმა იმუშავა. სულ რამდენიმე დღეში მონიკა ალმეიდას სუნთქვა გაუმჯობესდა, ხოლო ჟანგბადის აუცილებელი დონე განახევრდა.
„ვიაგრამ“ გადამარჩინა. მან 48 საათში გამიხსნა ფილტვები და სუნთქვა დავიწყე“, − ამბობს მონიკა.
მისი თქმით, როდესაც გონებაზე მოვიდა და უთხრეს, რომ მისი გადარჩენა „ვიაგრის“ დამსახურება იყო, ეს ხუმრობა ეგონა. მაგრამ ექიმმა დაუდასტურა, რომ ნამდვილად ამ პრეპარატმა იხსნა სიკვდილისგან.
„ეს ჩემი საშობაო სასწაული იყო“, − ამბობს ქალი.
წარმატებული ექსპერიმენტული მკურნალობის შემდეგ მონიკა ალმეიდა საშობაოდ დაბრუნდა შინ და ოჯახთან ერთად აღნიშნა დღესასწაული.
მანამდე ჰარვარდის სამედიცინო სკოლისა და კემბრიჯის უნივერსიტეტის მეცნიერებმა დაადგინეს, რომ პრეპარატი „ვიაგრა“, რომელიც ერექტილური დისფუნქციის დროს გამოიყენება, ტვინის დაბერების პროცესს ანელებს – მას მძიმე დაავადებების სამკურნალო ეფექტური თვისებები აღმოაჩნდა.
წყარო: Metro
