https://sputnik-georgia.com/20220110/axarasvili-jandacvis-sistema-mzadaa-omikrons-gaumklavdes-263490553.html
ზურაბ აზარაშვილი: ჯანდაცვის სისტემა მზადაა „ომიკრონს“ გაუმკლავდეს
ზურაბ აზარაშვილი: ჯანდაცვის სისტემა მზადაა „ომიკრონს“ გაუმკლავდეს
Sputnik საქართველო
ჯანდაცვის ახალი მინისტრი აცხადებს, რომ ქვეყანა კორონავირუსით ინფიცირებულების სამკურნალოდ ეფექტურ პრეპარატებს მალე მიიღებს
2022-01-10T12:59+0400
2022-01-10T12:59+0400
2023-08-17T18:15+0400
covid-19 - ბოლო ცნობები
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/0b/0d/262039494_0:191:3069:1917_1920x0_80_0_0_d9dbd2773931798fd02b7f4fb9ca71f2.jpg
თბილისი, 10 იანვარი – Sputnik. ჯანდაცვის სისტემა სრულად არის მობილიზებული, რათა „ომიკრონის“ შემთხვევების მნიშვნელოვნად გაზრდის შემთხვევაში კოვიდ-ინფიცირებულების მკურნალობა სათანადოდ უზრუნველყოს, განაცხადა საქართველოს ჯანდაცვის მინისტრმა ზურაბ აზარაშვილმა.მინისტრის თქმით, ქვეყანა რამდენიმე კვირაში დამატებით მიიღებს „ფაიზერისა“ (Pfizer) და „მერკის“ (Merck & Co.) წარმოების მედიკამენტებს, რომლებიც კორონავირუსით ინფიცირებულების სამკურნალოდ ეფექტურია.მისი თქმით, ჯანდაცვის სამინისტროს თანამშრომლებით დაკომპლექტებული მობილური ჯგუფები ჰოსპიტლების ადგილზე მონიტორინგს სისტემატურად ახორციელებენ.„მობილური ჯგუფები ახდენენ ჰოსპიტლების ადგილზე მონიტორინგს როგორც ინფექციის კონტროლის კუთხით, ასევე რეანიმაციის და კოვიდ-ინფიცირებულების მკურნალობის კუთხით. საჭიროების შემთხვევაში ჩვენი მოქალაქეები მშვიდად, უსაფრთხოდ შეძლებენ ჰოსპიტალში მკურნალობას“, – განაცხადა მინისტრმა.საქართველოში „ომიკრონით“ ინფიცირების მაჩვენებელი ბოლო დღე-ღამეში საგრძნობლად გაიზარდა>>ამერიკულმა კომპანია „მერკმა“ შექმნა კორონავირუსის საწინააღმდეგო სამკურნალო აბები. კომპანიაში აცხადებენ, რომ აბები ინფიცირებულებში ჰოსპიტალიზაციისა და გარდაცვალების შემთხვევებს ანახევრებს.საქართველოში „ომიკრონ" შტამით ინფიცირების პირველი ორი შემთხვევა გასული წლის 20 დეკემბერს გამოვლინდა. ინფიცირებულებიდან ერთს აშშ-ში, მეორეს კი დუბაიში მოგზაურობის ისტორია ჰქონდა. შემდეგ ვირუსი დაუდასტურდა მათთან კონტაქტში მყოფ თითქმის ყველა პირს.ჯანმრთელობის მსოფლიო ორგანიზაციამ ბოტსვანასა და სამხრეთ აფრიკის რესპუბლიკაში ნოემბრის ბოლოს გამოვლენილ ახალ შტამ B.1.1.529-ს, რომელიც „შეშფოთების გამომწვევად" შეფასდა, ბერძნული ანბანის მე-15 ასოს მიხედვით „ომიკრონი" უწოდა.ექსპერტების თქმით, ახალ შტამს ახასიათებს ყელის „ფხაჭნის" შეგრძნება, მშრალი ხველა, თავისა და კუნთების მსუბუქად გამოხატული ტკივილი. ამ დროისათვის „ომიკრონი“ მსოფლიოს 100-ზე მეტ ქვეყანაშია გამოვლენილი.10 იანვრის მონაცემებით, საქართველოში ახალი კორონავირუსით დაავადებულთა რაოდენობა ბოლო დღე-ღამის განმავლობაში 2.953-ით გაიზარდა და ინფიცირებულთა საერთო რიცხვმა 962.827-ს მიაღწია.ბოლო დღე-ღამეში „ომიკრონის" 216 ახალი შემთხვევა დადასტურდა. ამჟამად ამ შტამით ინფიცირებული სულ 816 ადამიანია გამოვლენილი.
https://sputnik-georgia.com/20220110/cxaize-omikroni-bavsvebis-hospitalizacia-matulobs-263486572.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
აზარაშვილი მინისტრი ჯანდაცვა კორონავირუსი ომიკრონი
აზარაშვილი მინისტრი ჯანდაცვა კორონავირუსი ომიკრონი
ზურაბ აზარაშვილი: ჯანდაცვის სისტემა მზადაა „ომიკრონს“ გაუმკლავდეს
12:59 10.01.2022 (განახლებულია: 18:15 17.08.2023) ქვეყანა რამდენიმე კვირაში კორონავირუსის საწინააღმდეგო სამკურნალო მედიკამენტებს ელოდება, რომლებიც დიდი ეფექტურობით გამოირჩევა, აღნიშნა მინისტრმა.
თბილისი, 10 იანვარი – Sputnik. ჯანდაცვის სისტემა სრულად არის მობილიზებული, რათა „ომიკრონის“ შემთხვევების მნიშვნელოვნად გაზრდის შემთხვევაში კოვიდ-ინფიცირებულების მკურნალობა სათანადოდ უზრუნველყოს, განაცხადა საქართველოს ჯანდაცვის მინისტრმა ზურაბ აზარაშვილმა.
მინისტრის თქმით, ქვეყანა რამდენიმე კვირაში დამატებით მიიღებს „ფაიზერისა“ (Pfizer) და „მერკის“ (Merck & Co.) წარმოების მედიკამენტებს, რომლებიც კორონავირუსით ინფიცირებულების სამკურნალოდ ეფექტურია.
„ჩვენ შეგვიძლია ვთქვათ, რომ იმ შემთხვევაში, თუ მნიშვნელოვნად იქნება გაზრდილი „ომიკრონის“ შემთხვევების რაოდენობა, ჯანდაცვის სისტემა სრულად არის მობილიზებული. ის მზად არის, გაუმკლავდეს ნებისმიერ გამოწვევას. ჩვენ ადგილზე გვაქვს მედიკამენტები, რითაც სხვადასხვა ეტაპზე ვახორციელებთ კოვიდ-ინფიცირებულების მკურნალობას“, – აღნიშნა აზარაშვილმა.
მისი თქმით, ჯანდაცვის სამინისტროს თანამშრომლებით დაკომპლექტებული მობილური ჯგუფები ჰოსპიტლების ადგილზე მონიტორინგს სისტემატურად ახორციელებენ.
„მობილური ჯგუფები ახდენენ ჰოსპიტლების ადგილზე მონიტორინგს როგორც ინფექციის კონტროლის კუთხით, ასევე რეანიმაციის და კოვიდ-ინფიცირებულების მკურნალობის კუთხით. საჭიროების შემთხვევაში ჩვენი მოქალაქეები მშვიდად, უსაფრთხოდ შეძლებენ ჰოსპიტალში მკურნალობას“, – განაცხადა მინისტრმა.
ამერიკულმა კომპანია „მერკმა“ შექმნა კორონავირუსის საწინააღმდეგო სამკურნალო აბები. კომპანიაში აცხადებენ, რომ აბები ინფიცირებულებში ჰოსპიტალიზაციისა და გარდაცვალების შემთხვევებს ანახევრებს.
საქართველოში „ომიკრონ" შტამით ინფიცირების პირველი ორი შემთხვევა გასული წლის 20 დეკემბერს გამოვლინდა. ინფიცირებულებიდან ერთს აშშ-ში, მეორეს კი დუბაიში მოგზაურობის ისტორია ჰქონდა. შემდეგ ვირუსი დაუდასტურდა მათთან კონტაქტში მყოფ თითქმის ყველა პირს.
ჯანმრთელობის მსოფლიო ორგანიზაციამ ბოტსვანასა და სამხრეთ აფრიკის რესპუბლიკაში ნოემბრის ბოლოს გამოვლენილ ახალ შტამ B.1.1.529-ს, რომელიც „შეშფოთების გამომწვევად" შეფასდა, ბერძნული ანბანის მე-15 ასოს მიხედვით „ომიკრონი" უწოდა.
ექსპერტების თქმით, ახალ შტამს ახასიათებს ყელის „ფხაჭნის" შეგრძნება, მშრალი ხველა, თავისა და კუნთების მსუბუქად გამოხატული ტკივილი. ამ დროისათვის „ომიკრონი“ მსოფლიოს 100-ზე მეტ ქვეყანაშია გამოვლენილი.
10 იანვრის მონაცემებით, საქართველოში ახალი კორონავირუსით დაავადებულთა რაოდენობა ბოლო დღე-ღამის განმავლობაში 2.953-ით გაიზარდა და ინფიცირებულთა საერთო რიცხვმა 962.827-ს მიაღწია.
ბოლო დღე-ღამეში „ომიკრონის" 216 ახალი შემთხვევა დადასტურდა. ამჟამად ამ შტამით ინფიცირებული სულ 816 ადამიანია გამოვლენილი.
