თბილისის საკრებულომ ტრანსპორტზე ახალი ტარიფები დაამტკიცა

© Sputnik / Alexander Imedashviliავტობუსები თბილისში
ავტობუსები თბილისში - Sputnik საქართველო, 1920, 28.12.2021
გამოწერა
უფასო და შეღავათიანი ტარიფებით მოსარგებლე მოქალაქეებზე მგზავრობის შეცვლილი ტარიფები არ ვრცელდება
თბილისი, 27 დეკემბერი − Sputnik. თბილისის საზოგადოებრივი ტრანსპორტი 2022 წლის 1 თებერვლიდან მგზავრობის საფასურის გადახდის ულიმიტო ანუ სააბონემენტო სისტემაზე გადადის, ასეთი გადაწყვეტილება ორშაბათს საღამოს საკრებულოს დეპუტატებმა მიიღეს.
საკრებულოს შესაბამის დადგენილებაში შესული ცვლილებებით, ავტობუსით, მიკროავტობუსით, „უნივერსიტეტი-ბაგების“ საბაგირო გზით და მეტროთი მგზავრობის საფასურის გადახდა ახალი სისტემით მოხდება.
თბილისელები ადრეც იყენებდნენ გადახდის სისტემას, რომლის დროსაც მეტროთი, ავტობუსით თუ მიკროავტობუსით მგზავრობის საფასურის გადახდა ხორციელდებოდა მხოლოდ ერთხელ იმ შემთხვევაში, თუ მგზავრობებს შორის ინტერვალი არ აღემატებოდა 90 წუთს და ამ შემთხვევაში მგზავრობის საფასური 50 თეთრი იყო. 1 თებერვლიდან კი ამავე ხანგრძლივობის მგზავრობის საფასური 1 ლარი იქნება.
პირველი გადახდის შემდეგ 90 წუთის განმავლობაში მგზავრი იმგზავრებს უფასოდ იმ პირობით, თუ ყოველი მომდევნო მგზავრობის დასაწყისში ბილეთს აიღებს.
აღსანიშნავია, რომ უფასო და შეღავათიანი ტარიფებით მოსარგებლე მოქალაქეებზე მგზავრობის შეცვლილი ტარიფები არ ვრცელდება.
საზოგადოებრივი ტრანსპორტით ერთჯერადად მგზავრობა ძვირდება >>
დროებითი აბონემენტების საფასური შემდეგია: 1 დღე - 3 ლარი, ერთი კვირა - 20 ლარი, ერთი თვე - 40 ლარი, სამი თვე - 100 ლარი, ექვსი თვე - 150 ლარი, ერთი წელი - 250 ლარი.
აბონემენტის გამოყენებისას ორ გადახდას შორის ინტერვალი არ უნდა იყოს ნაკლები 15 წუთზე, მაგრამ ბარათი ყოველი მომდევნო მგზავრობის დასაწყისში უნდა დაფიქსირდეს.
ყველა ახალი ამბავი
0