https://sputnik-georgia.com/20211228/saakasvili-gamojanmrtelda-da-cixesi-unda-dabrundes-bregaze-263221716.html
სააკაშვილი გამოჯანმრთელდა და ციხეში უნდა დაბრუნდეს – იუსტიციის მინისტრი
სააკაშვილი გამოჯანმრთელდა და ციხეში უნდა დაბრუნდეს – იუსტიციის მინისტრი
Sputnik საქართველო
მიხეილ სააკაშვილი გამოჯანმრთელდა და ის რუსთავის მე-12 დაწესებულებაში უნდა დაბრუნდეს.
2021-12-28T17:24+0400
2021-12-28T17:24+0400
2021-12-28T23:07+0400
ახალი ამბები
მიხეილ სააკაშვილი
საქართველო
https://cdnn1.img.sputnik-georgia.com/img/07e5/0b/10/262104397_0:134:1440:944_1920x0_80_0_0_3d90449cbc78e73ee6debea07a4bcab6.jpg
თბილისი, 28 დეკემბერი — Sputnik. პატიმარი არ შეიძლება იმყოფებოდეს საავადმყოფოში, თუ მისი მკურნალობა დასრულდა. ამის შესახებ საქართველოს იუსტიციის მინისტრმა რატი ბრეგაძემ ბრიფინგზე განაცხადა, როდესაც კომენტარი გააკეთა გუშინდელ გადაწყვეტილებაზე საქართველოს ყოფილი პრეზიდენტის მიხეილ სააკაშვილის გორის სამხედრო ჰოსპიტლიდან რუსთავის მე-12 ციხეში გადაყვანის თაობაზე.მიხეილ სააკაშვილი 19 ნოემბერს, 50-დღიანი შიმშილობის შემდეგ, გორის ჰოსპიტალში რეაბილიტაციისთვის მოათავსეს. მისი ადვოკატები, მკურნალი ექიმი და ნათესავები მიიჩნევდნენ, რომ გლდანის ციხის საავადმყოფოში მას შესაბამისი სამედიცინო დახმარება არ ჰქონდა.მინისტრის თქმით, ეს სტანდარტია და გამონაკლისი არ დაიშვება არცერთი პატიმრისთვის, რადგან კანონის წინაშე ყველა თანასწორია.ბრეგაძემ აღნიშნა, რომ სააკაშვილი გორის სამხედრო ჰოსპიტლიდან ოფიციალურად უკვე გაწერილია და სპეციალური პენიტენციური სამსახური ვალდებული იყო მსჯავრდებული ციხეში დაებრუნებინა. თუმცა ის არ დაემორჩილა პენიტენციური სამსახურის თანამშრომლების მოთხოვნას და წინააღმდეგობა გაუწია მათ. ამის გამო მას არტერიული წნევა აეწია.სააკაშვილის გორის სამხედრო ჰოსპიტლიდან ციხეში ეტაპირება დროებით შეჩერდა>>სპეციალურმა პენიტენციურმა სამსახურმა ორშაბათს ექს-პრეზიდენტ მიხეილ სააკაშვილის გორის სამხედრო ჰოსპიტლიდან რუსთავის მე-12 დაწესებულებაში გადაყვანის გადაწყვეტილება მიიღო. უწყებაში ეს იმით ახსნეს, რომ პატიმრის მკურნალობა დასრულდა.სამსახური აცხადებს, რომ გუშინ მიხეილ სააკაშვილის ჯანმრთელობის მდგომარეობა გაუარესდა მას შემდეგ, რაც მას რუსთავის N12 დაწესებულებაში გადაყვანის შესახებ აცნობეს.ბოლო მოვლენებს გორის ჰოსპიტალში ექს-პრეზიდენტის ერთ-ერთმა ადვოკატმა ნიკა გვარამიამ "სააკაშვილის გატაცების მორიგი მცდელობა" უწოდა. მისი თქმით. სამხედრო ჰოსპიტალი ახლა არაფრით გამოირჩევა გლდანის ციხის საავადმყოფოსგან. საბოლოოდ იუსტიციის სამინისტრომ სააკაშვილის კიდევ გარკვეული დროით ჰოსპიტალში დატოვება გადაწყვიტა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
სააკაშვილი მკურნალობა ციხე პატიმარი მკურნალობა
სააკაშვილი მკურნალობა ციხე პატიმარი მკურნალობა
სააკაშვილი გამოჯანმრთელდა და ციხეში უნდა დაბრუნდეს – იუსტიციის მინისტრი
17:24 28.12.2021 (განახლებულია: 23:07 28.12.2021) ექს-პრეზიდენტს წნევა აეწია, როდესაც შეატყობინეს, რომ გორის სამხედრო ჰოსპიტლიდან უკან, ციხეში გადაჰყავდათ.
თბილისი, 28 დეკემბერი — Sputnik. პატიმარი არ შეიძლება იმყოფებოდეს საავადმყოფოში, თუ მისი მკურნალობა დასრულდა. ამის შესახებ საქართველოს იუსტიციის მინისტრმა რატი ბრეგაძემ ბრიფინგზე განაცხადა, როდესაც კომენტარი გააკეთა გუშინდელ გადაწყვეტილებაზე საქართველოს ყოფილი პრეზიდენტის მიხეილ სააკაშვილის გორის სამხედრო ჰოსპიტლიდან რუსთავის მე-12 ციხეში გადაყვანის თაობაზე.
მიხეილ სააკაშვილი 19 ნოემბერს, 50-დღიანი შიმშილობის შემდეგ, გორის ჰოსპიტალში რეაბილიტაციისთვის მოათავსეს. მისი ადვოკატები, მკურნალი ექიმი და ნათესავები მიიჩნევდნენ, რომ გლდანის ციხის საავადმყოფოში მას შესაბამისი სამედიცინო დახმარება არ ჰქონდა.
„თუ შესაძლებელია, რომ პრობლემა შეექმნას ჯანმრთელობას, ამ შემთხვევაში არსებობს გლდანის მე-18 დაწესებულება, სადაც გადაგვყავს ხოლმე ჩვეულებრივად ყველა პატიმარი და ამ შემთხვევაში ისიც იქნება გადაყვანილი მე-18 დაწესებულებაში, როგორც ეს იყო წინა შემთხვევაში", – განაცხადა ბრეგაძემ.
მინისტრის თქმით, ეს სტანდარტია და გამონაკლისი არ დაიშვება არცერთი პატიმრისთვის, რადგან კანონის წინაშე ყველა თანასწორია.
ბრეგაძემ აღნიშნა, რომ სააკაშვილი გორის სამხედრო ჰოსპიტლიდან ოფიციალურად უკვე გაწერილია და სპეციალური პენიტენციური სამსახური ვალდებული იყო მსჯავრდებული ციხეში დაებრუნებინა. თუმცა ის არ დაემორჩილა პენიტენციური სამსახურის თანამშრომლების მოთხოვნას და წინააღმდეგობა გაუწია მათ. ამის გამო მას არტერიული წნევა აეწია.
სპეციალურმა პენიტენციურმა სამსახურმა ორშაბათს ექს-პრეზიდენტ მიხეილ სააკაშვილის გორის სამხედრო ჰოსპიტლიდან რუსთავის მე-12 დაწესებულებაში გადაყვანის გადაწყვეტილება მიიღო. უწყებაში ეს იმით ახსნეს, რომ პატიმრის მკურნალობა დასრულდა.
სამსახური აცხადებს, რომ გუშინ მიხეილ სააკაშვილის ჯანმრთელობის მდგომარეობა გაუარესდა მას შემდეგ, რაც მას რუსთავის N12 დაწესებულებაში გადაყვანის შესახებ აცნობეს.
ბოლო მოვლენებს გორის ჰოსპიტალში ექს-პრეზიდენტის ერთ-ერთმა ადვოკატმა ნიკა გვარამიამ "სააკაშვილის გატაცების მორიგი მცდელობა" უწოდა. მისი თქმით. სამხედრო ჰოსპიტალი ახლა არაფრით გამოირჩევა გლდანის ციხის საავადმყოფოსგან.
საბოლოოდ იუსტიციის სამინისტრომ სააკაშვილის კიდევ გარკვეული დროით ჰოსპიტალში დატოვება გადაწყვიტა.
