https://sputnik-georgia.com/20211224/qurduli-samyaros-wevrobistvis-otxi-piri-daakaves-263127787.html
შსს-მ „ქურდული სამყაროს“ წევრობის ბრალდებით ოთხი პირი დააკავა
შსს-მ „ქურდული სამყაროს“ წევრობის ბრალდებით ოთხი პირი დააკავა
Sputnik საქართველო
თბილისი, 24 დეკემბერი – Sputnik. სამართალდამცველებმა „ქურდული სამყაროს“ წევრობის ბრალდებით თბილისში, ბორჯომში, რუსთავსა და ქუთაისში ოთხი პირი დააკავეს... 24.12.2021-ს, Sputnik საქართველო
2021-12-24T13:40+0400
2021-12-24T13:40+0400
2021-12-24T19:48+0400
საზოგადოება
ახალი ამბები
საქართველო
კრიმინალი საქართველოში
https://cdnn1.img.sputnik-georgia.com/img/23945/44/239454494_0:102:1920:1182_1920x0_80_0_0_0ae3ad327d76c122ea1563e072bc3b60.jpg
თბილისი, 24 დეკემბერი – Sputnik. სამართალდამცველებმა „ქურდული სამყაროს“ წევრობის ბრალდებით თბილისში, ბორჯომში, რუსთავსა და ქუთაისში ოთხი პირი დააკავეს, ნათქვამია შინაგან საქმეთა სამინისტროს მიერ გავრცელებულ ინფორმაციაში.დაკავებულებს, რომელთა ასაკი 33-დან 46 წლამდეა, შვიდიდან ათ წლამდე ვადით თავისუფლების აღკვეთა ემუქრებათ.დაკავებულთაგან ერთ-ერთი რუსეთის მოქალაქეა, რომელიც „ქურდული სამყაროს“ წევრობისა და დიდი ოდენობით ქონების მიღების მიზნით გამოძალვის ბრალდებით თბილისში დააკავეს. უწყების ცნობით, ბრალდებულთაგან ორი პირი ბორჯომის მუნიციპალიტეტში მცხოვრებ ერთ-ერთ ბიზნესმენს სამეწარმეო საქმიანობიდან შემოსული მოგების დიდ ნაწილს სისტემატურად სძალავდა. მათ კრიმინალური გავლენების გამოყენებით, დაშინებითა და მუქარით აღნიშნული პირის ბიზნესის სრულად მითვისება განიზრახეს, ამასთან, მეწარმის შვილს კუთვნილი ავტომანქანა წაართვეს. ამის შემდეგ დაზარალებულმა ბიზნესმენმა დახმარებისთვის ე.წ. კანონიერ ქურდებს მიმართა, რომლებმაც „ქურდული გარჩევის“ გზით ბიზნესმენის სასარგებლო გადაწყვეტილება მიიღეს. კერძოდ, ბრალდებულებს დაეკისრათ ავტომანქანის მესაკუთრისთვის დაბრუნება და მეწარმეზე ზეწოლის შეწყვეტა. აღნიშნული გადაწყვეტილების „ქურდული წესით“ აღსრულება ერთ-ერთ დაკავებულს დაევალა.საგამოძიებო ღონისძიების ფარგლებში სამართალდამცველებმა ფარული აუდიოჩაწერა განახორციელეს, სადაც ბრალდებულების დანაშაულებრივი ქმედებებია ასახული.ნივთმტკიცებად ამოღებულია დანაშაულებრივი გზით მოპოვებული ავტომანქანა, მობილური ტელეფონები და კომპიუტერული ტექნიკა, რომელთა მეშვეობითაც დაკავებულები ერთმანეთს და მათთან დანაშაულებრივ კავშირში მყოფ სხვა პირებს უკავშირდებოდნენ.რაც შეეხება დაკავებულ რუსეთის 33 წლის მოქალაქეს, მან ქუთაისში მცხოვრებ ერთ-ერთ ბიზნესმენს 15.000 აშშ დოლარის ეტაპობრივად გადახდა და ძვირადღირებული ავტომობილის დათმობა მოსთხოვა, წინააღმდეგ შემთხვევაში კი ფიზიკური ანგარიშსწორებით და სიცოცხლის მოსპობით დაემუქრა. ბიზნესმენმა ბრალდებულს ჯამში 16.000 ლარი გადასცა.აღნიშნულ ფაქტებზე გამოძიება სსკ-ის 181-ე მუხლის მეორე ნაწილის „გ“ ქვეპუნქტით, 223-ე პრიმა მუხლის პირველი ნაწილით და 223-ე მეოთხე პრიმა მუხლით დაიწყო.
https://sputnik-georgia.com/20210710/qurduli-samyaros-10-warmomadgeneli-ganaCens-cixeSi-daelodeba-252270750.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/23945/44/239454494_105:0:1816:1283_1920x0_80_0_0_3e5d510de79576cba7a28f9166b68c1e.jpgSputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, კრიმინალი საქართველოში
საზოგადოება, ახალი ამბები, საქართველო, კრიმინალი საქართველოში
თბილისი, 24 დეკემბერი – Sputnik. სამართალდამცველებმა „ქურდული სამყაროს“ წევრობის ბრალდებით თბილისში, ბორჯომში, რუსთავსა და ქუთაისში ოთხი პირი დააკავეს,
ნათქვამია შინაგან საქმეთა სამინისტროს მიერ გავრცელებულ ინფორმაციაში.
დაკავებულებს, რომელთა ასაკი 33-დან 46 წლამდეა, შვიდიდან ათ წლამდე ვადით თავისუფლების აღკვეთა ემუქრებათ.
დაკავებულთაგან ერთ-ერთი რუსეთის მოქალაქეა, რომელიც „ქურდული სამყაროს“ წევრობისა და დიდი ოდენობით ქონების მიღების მიზნით გამოძალვის ბრალდებით თბილისში დააკავეს.
უწყების ცნობით, ბრალდებულთაგან ორი პირი ბორჯომის მუნიციპალიტეტში მცხოვრებ ერთ-ერთ ბიზნესმენს სამეწარმეო საქმიანობიდან შემოსული მოგების დიდ ნაწილს სისტემატურად სძალავდა. მათ კრიმინალური გავლენების გამოყენებით, დაშინებითა და მუქარით აღნიშნული პირის ბიზნესის სრულად მითვისება განიზრახეს, ამასთან, მეწარმის შვილს კუთვნილი ავტომანქანა წაართვეს. ამის შემდეგ დაზარალებულმა ბიზნესმენმა დახმარებისთვის ე.წ. კანონიერ ქურდებს მიმართა, რომლებმაც „ქურდული გარჩევის“ გზით ბიზნესმენის სასარგებლო გადაწყვეტილება მიიღეს. კერძოდ, ბრალდებულებს დაეკისრათ ავტომანქანის მესაკუთრისთვის დაბრუნება და მეწარმეზე ზეწოლის შეწყვეტა. აღნიშნული გადაწყვეტილების „ქურდული წესით“ აღსრულება ერთ-ერთ დაკავებულს დაევალა.
საგამოძიებო ღონისძიების ფარგლებში სამართალდამცველებმა ფარული აუდიოჩაწერა განახორციელეს, სადაც ბრალდებულების დანაშაულებრივი ქმედებებია ასახული.
ნივთმტკიცებად ამოღებულია დანაშაულებრივი გზით მოპოვებული ავტომანქანა, მობილური ტელეფონები და კომპიუტერული ტექნიკა, რომელთა მეშვეობითაც დაკავებულები ერთმანეთს და მათთან დანაშაულებრივ კავშირში მყოფ სხვა პირებს უკავშირდებოდნენ.
რაც შეეხება დაკავებულ რუსეთის 33 წლის მოქალაქეს, მან ქუთაისში მცხოვრებ ერთ-ერთ ბიზნესმენს 15.000 აშშ დოლარის ეტაპობრივად გადახდა და ძვირადღირებული ავტომობილის დათმობა მოსთხოვა, წინააღმდეგ შემთხვევაში კი ფიზიკური ანგარიშსწორებით და სიცოცხლის მოსპობით დაემუქრა. ბიზნესმენმა ბრალდებულს ჯამში 16.000 ლარი გადასცა.
აღნიშნულ ფაქტებზე გამოძიება სსკ-ის 181-ე მუხლის მეორე ნაწილის „გ“ ქვეპუნქტით, 223-ე პრიმა მუხლის პირველი ნაწილით და 223-ე მეოთხე პრიმა მუხლით დაიწყო.