https://sputnik-georgia.com/20211221/loginis-garvizebistanave-alageba-akrzalulia-263037752.html
იკრძალება კატეგორიულად: ნუ გაასწორებთ ლოგინს ადგომისთანავე – ეს სახიფათო ჩვევაა
იკრძალება კატეგორიულად: ნუ გაასწორებთ ლოგინს ადგომისთანავე – ეს სახიფათო ჩვევაა
Sputnik საქართველო
თბილისი, 21 დეკემბერი − Sputnik. ლოგინის გაღვიძებისთანავე გასწორება ცუდი ჩვევაა, ვინაიდან ამას ალერგიისა და ასთმის პროვოცირება შეუძლია, აცხადებენ ბრიტანელი... 21.12.2021-ს, Sputnik საქართველო
2021-12-21T17:21+0400
2021-12-21T17:21+0400
2021-12-21T22:02+0400
სასარგებლო რჩევები
მსოფლიო მეცნიერული კვლევები
ექიმის რჩევები
https://cdnn1.img.sputnik-georgia.com/img/07e5/0c/15/263037588_0:160:3073:1888_1920x0_80_0_0_0510e6a3c2fbc13b4323231b3fbf7ac1.jpg
თბილისი, 21 დეკემბერი − Sputnik. ლოგინის გაღვიძებისთანავე გასწორება ცუდი ჩვევაა, ვინაიდან ამას ალერგიისა და ასთმის პროვოცირება შეუძლია, აცხადებენ ბრიტანელი მკვლევარები, რომელთა ნაშრომიც გამოქვეყნებულია სამეცნიერო პორტალზე Springer Link.მკვლევარების თქმით, საქმე ისაა, რომ ნებისმიერი ადამიანის ლოგინში ცხოვრობენ მიკროსკოპული არსებები − მტვრის ტკიპები (Dermatophagoides), რომლებიც ადამიანის კანის მკვდარი უჯრედებით იკვევებიან. ამ ტკიპებს განსაკუთრებული ზიანის მიყენება არ შეუძლიათ, თუმცა მათი ექსკრემენტები ზოგ ადამიანში სერიოზულ ალერგიულ რეაქციას იწვევს. მათ შორისაა:ექიმების თქმით, ბრონქიალური ასთმით დაავადებული ბავშვების 70%-ს ტკიპის ალერგია უდასტურდება.როგორც მკვლევარები განმარტავენ, ტკიპას განვითარება–გამრავლებისთვის თბილი და ნოტიო გარემო ესაჭიროება. მისთვის იდეალურია დაახლოებით 25 გრადუსი სითბო და 55%-ზე მაღალი ტენიანობა. ამიტომაც ზამთრობით თბილ საბანში გახვეული, ხოლო ზაფხულში ოფლმდინარე სხეული კომფორტულ პირობებს უქმნის მტვრის ტკიპებს.მეცნიერების თქმით, ყველაზე უხეში გათვლებითაც კი, დილაობით ნებისმიერ ლოგინში დაახლოებით მილიონ-ნახევარი ტკიპა ბუდობს. შესაბამისად, თუ ლოგინს გაღვიძებისთანავე გაასწორებთ, საბნის ქვეშ არსებული ეს გარემო ხელუხლებლად შენარჩუნდება და ტკიპები გამრავლება–განვითარებას განაგრძობენ.ამიტომაც სპეციალისტები გვირჩევენ, რომ ლოგინი გაღვიძებისთანავე კი არ გავასწოროთ, არამედ, პირიქით, საბანი ბოლომდე გადავხადოთ საწოლს და ოთახი გავანიავოთ. კიდევ უკეთესი იქნება, თუ თეთრეულსა და ბალიშებს სუფთა ჰაერზე ათიოდე წუთით დავტოვებთ, ან გავფერთხავთ მაინც. მხოლოდ ამის მერეღა შეგიძლიათ გაასწოროთ ლოგინი.
https://sputnik-georgia.com/20211215/manqanis-savarzlebisgatboba-saxifatoa-mamakacebistvis-262883485.html
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სასარგებლო რჩევები , მსოფლიო მეცნიერული კვლევები, ექიმის რჩევები
სასარგებლო რჩევები , მსოფლიო მეცნიერული კვლევები, ექიმის რჩევები
თბილისი, 21 დეკემბერი − Sputnik. ლოგინის გაღვიძებისთანავე გასწორება ცუდი ჩვევაა, ვინაიდან ამას ალერგიისა და ასთმის პროვოცირება შეუძლია, აცხადებენ ბრიტანელი მკვლევარები, რომელთა ნაშრომიც გამოქვეყნებულია სამეცნიერო პორტალზე
Springer Link.
მკვლევარების თქმით, საქმე ისაა, რომ ნებისმიერი ადამიანის ლოგინში ცხოვრობენ მიკროსკოპული არსებები − მტვრის ტკიპები (Dermatophagoides), რომლებიც ადამიანის კანის მკვდარი უჯრედებით იკვევებიან. ამ ტკიპებს განსაკუთრებული ზიანის მიყენება არ შეუძლიათ, თუმცა მათი ექსკრემენტები ზოგ ადამიანში სერიოზულ ალერგიულ რეაქციას იწვევს. მათ შორისაა:
ექიმების თქმით, ბრონქიალური ასთმით დაავადებული ბავშვების 70%-ს ტკიპის ალერგია უდასტურდება.
როგორც მკვლევარები განმარტავენ, ტკიპას განვითარება–გამრავლებისთვის თბილი და ნოტიო გარემო ესაჭიროება. მისთვის იდეალურია დაახლოებით 25 გრადუსი სითბო და 55%-ზე მაღალი ტენიანობა. ამიტომაც ზამთრობით თბილ საბანში გახვეული, ხოლო ზაფხულში ოფლმდინარე სხეული კომფორტულ პირობებს უქმნის მტვრის ტკიპებს.
მეცნიერების თქმით, ყველაზე უხეში გათვლებითაც კი, დილაობით ნებისმიერ ლოგინში დაახლოებით მილიონ-ნახევარი ტკიპა ბუდობს. შესაბამისად, თუ ლოგინს გაღვიძებისთანავე გაასწორებთ, საბნის ქვეშ არსებული ეს გარემო ხელუხლებლად შენარჩუნდება და ტკიპები გამრავლება–განვითარებას განაგრძობენ.
„ჩვენ ვიცით, რომ ტკიპები მხოლოდ იმ შემთხვევაში ცოცხლობენ, თუ ატმოსფეროდან ტენის შთანთქმის საშუალება აქვთ სხეულზე არსებული მცირე ჯირყვლების მეშვეობით. ისეთი მარტივი რამ, როგორიცაა აულაგებელი ლოგინი, ლეიბიდან და ზეწრიდან ზედმეტი ტენის აორთქლებას უწყობს ხელს. შესაბამისად, ტკიპები გაუწყლოვდებიან და დაიხოცებიან“, − აცხადებენ კვლევის ავტორები.
ამიტომაც სპეციალისტები გვირჩევენ, რომ ლოგინი გაღვიძებისთანავე კი არ გავასწოროთ, არამედ, პირიქით, საბანი ბოლომდე გადავხადოთ საწოლს და ოთახი გავანიავოთ. კიდევ უკეთესი იქნება, თუ თეთრეულსა და ბალიშებს სუფთა ჰაერზე ათიოდე წუთით დავტოვებთ, ან გავფერთხავთ მაინც. მხოლოდ ამის მერეღა შეგიძლიათ გაასწოროთ ლოგინი.
