როგორ უნდა მიხვდეთ, რომ თირკმელები დაგიზიანდათ: რამდენიმე მთავარი სიმპტომი

© Pexels / Andrea Piacquadioტკივილი
ტკივილი - Sputnik საქართველო, 1920, 20.12.2021
გამოწერა
თბილისი, 20 დეკემბერი – Sputnik. თირკმელები − ორგანიზმის მთავარი ბიოლოგიური ფილტრი, შარდმდენი სისტემის საკვანძო ნაწილია, რომლის მეშვეობითაც შარდთან ერთად გამოიდევნება მეტაბოლიზმის პროდუქტები, წამლები, მარილები, წყალი. ამ ორგანოს დაზიანება ან მიმდინარე ანთებითი პროცესები სერიოზულ საფრთხეს უქმნის ჯანმრთელობას, აცხადებენ სპეციალისტები.
მათ ჩამოთვალეს ის სიმპტომები, რომლებიც თირკმელების დაავადებაზე მიანიშნეს და, შესაბამისად, აუცილებლად უნდა მიექცეს ყურადღება.
ტკივილი ზურგის არეში - Sputnik საქართველო, 1920, 11.06.2021
აგარიდებთ თირკმელ-კენჭოვან დაავადებას: ექიმი ასახელებს პროდუქტს
ექიმების თქმით, თუ თირკმელები ჯანმრთელია, ყოველწუთიერად დაახლოებით 200 მლ სისხლს ფილტრავს.
თირკმელები არეგულირებს ცილის ცვლას, ახდენს ჰორმონების სინთეზს, წარმოქმნის ერითროპოეტინს − შენაერთს, რომელიც სისხლის წითელი უჯრედების ერითროციტების წარმოებას ასტიმულირებს.
თირკმელების ჯანმრთელობა მნიშვნელოვანია ჩონჩხის სიმტკიცისთვისაც, ვიანიდან სწორედ ეს ორგანო არეგულირებს კალციუმისა და D ვიტამინის გაცვლას.
სპეციალისტების განმარტებით, ხშირ შემთხვევაში ადამიანები დიდი ხნის განმავლობაში ვერ ხვდებიან, რომ თირკმელები დაზიანებული აქვთ, ვინაიდან ვერც ტკივილს და ვერც სხვა სიმპტომებს ვერ გრძნობენ. არადა, ამ დროს შეიძლება თირკმელები უკვე მნიშვნელოვნად იყოს დაავადებული.
ექიმი ბავშვს სინჯავს - Sputnik საქართველო, 1920, 26.01.2021
თირკმელკენჭოვანი დაავადება პატარა ბავშვებში: როგორ ამოვიცნოთ იშვიათი დაავადება

რა სიმპტომები მეტყველებს თირკმლების დაავადებაზე

უროლოგების თქმით, არსებობს რამდენიმე ცვლილება, რომლებიც შფოთვის მიზეზი და ექიმთან წასვლის საბაბი უნდა გახდეს. ესენია:
ქაფი შარდში − შარდში ქაფის მცირე რაოდენობა დასაშვებია იმ შემთხვევაში, თუ შარდის ნაკადი ძლიერია. მაგრამ თუ ბუშტები სწრაფად არ გაქრა და ამასთან სხვა სიმპტომატიკაც შენიშნეთ, აუცილად მიმართეთ ექიმს. ქაფი ჩნდება მაშინ, როცა შარდში არის ცილა, გარკვეული ტოქსინები ან უჯრედები. ეს იმის ნიშანია, რომ თირკმლების ფუნქცია დაქვეითებულია და სრულფასოვნად ვერ ფილტრავს სისხლს.
შარდის ფერის შეცვლა − გარკვეული ფერის პროდუქტებმა (რევანდი, ჭარხალი, მჟაუნა), B ჯგუფის ვიტამინების ან მედიკამენტების გამოყენებამ შეიძლება დროებით შეცვალოს შარდის ფერი. მაგრამ თუ კვება არ იცვლება და შარდი ვარდისფერ ან მოწითალო ელფერს იძენს, ამასთან აქვს მკვეთრი სუნი და ქაფდება – ეს საგანგაშო ნიშანია.
დაკვირვება თავის ტვინზე  - Sputnik საქართველო, 1920, 13.12.2021
ჩნდება ერთი საათით ადრე: თავის ტვინის ინფარქტის წინმსწრები ნიშნები
მღვრიე შარდი − ამღვრეული შარდი ან თეთრი, მოყვითალო ფანტელების გაჩენა მასში შარდკენჭოვან დაავადებაზე ან ანთებით პროცესზე მიანიშნებს პიელონეფრიტის ან გლომერულონეფრიტის დროს. შარდის ერთგვაროვანი სიმღვრივე, ფანტელების გარეშე, შესაძლოა გაუწყლოებამ გამოიწვიოს. თუ წყლის მოხმარების გაზრდა პრობლემას არ მოაგვარებს, მიმართეთ ექიმს.
ტკივილის სინდრომი − თირკმლის ჩხვლეტა ვერაფერში აგერევათ. ეს არის მკვეთრი ტკივილი ნეკნების ქვეშ, რომელიც წარმოიქმნება ტალღებად, ხერხემლის მარჯვენა ან მარცხენა მხარის გასწვრივ, გადაეცემა საზარდულის ან მუცლის ღრუში. მას თან ახლავს გულისრევა ან ღებინება.
გარდა ამისა, თირკმელების დაავადებაზე მეტყველებს:
ზოგადი სისუსტე,
თავის ტკივილი, თავბრუსხვევა,
ტკივილი მუცლის არეში და პირღებინება ან გულისრევის შეგრძნება,
ხშირი შარდვა,
შეშუპებები სახეზე, თვალების გარშემო ან ფეხებზე − ტერფის მიდამოებში,
კანის სიმშრალე და ფერმკრთალობა,
მაღალი წნევა.
ამასთან ექიმები ცალკე აფრთხილებენ ორსულ ქალებს, რომ თირკმლების მდგომარეობა მუდმივად უნდა იკონტროლონ. საქმე ისაა, რომ ფეხმძიმობისას ანთებითი პროცესები უფრო ხშირია და ეს ნეგატიურად აისახება როგორც ორსულის, ისე ნაყოფის ჯანმრთელობაზე.
ყველა ახალი ამბავი
0