https://sputnik-georgia.com/20211214/saqartvelo-vaqcinaciis-programis-gasagrzeleblad-evrokavsirisgan-tanxas-miirebs-262831873.html
საქართველო ვაქცინაციის პროგრამის გასაგრძელებლად ევროკავშირისგან თანხას მიიღებს
საქართველო ვაქცინაციის პროგრამის გასაგრძელებლად ევროკავშირისგან თანხას მიიღებს
Sputnik საქართველო
გამოყოფილი თანხა გამიზნულია პანდემიასთან ბრძოლისთვის სხვადასხვა ქვეყანაში ვაქცინაციის პროცესის გაძლიერების გზით. 14.12.2021-ს, Sputnik საქართველო
2021-12-14T09:44+0400
2021-12-14T09:44+0400
2023-08-17T18:15+0400
covid-19 - ბოლო ცნობები
საზოგადოება
ახალი ამბები
საქართველო
საქართველო-ევროკავშირის ურთიერთობები
covid-19
https://cdnn1.img.sputnik-georgia.com/img/07e5/0b/05/261832882_0:133:1280:853_1920x0_80_0_0_ad5e8b0f5fbe9d5d1576e46ed785a8cc.jpg
თბილისი, 14 დეკემბერი – Sputnik. ევროკომისიამ გაზარდა საქართველოს, აზერბაიჯანის, სომხეთის, ბელარუსის, მოლდოვისა და უკრაინის დახმარების ოდენობა 40 მილიონიდან 75 მილიონ ევრომდე, რომელიც კორონავირუსთან ბრძოლაში გამოიყენება, ნათქვამია საქართველოში ევროკავშირის წარმომადგენლობის განცხადებაში.ევროკომისიამ პოლონეთის მთავრობასთან ერთად შეიმუშავა ინოვაციური შეთანხმება რეგიონში ვაქცინებზე თანაბარი წვდომის გაზრდის მიზნით. 35 მილიონი ევროს ღირებულების შეთანხმება მიზნად ისახავს „აღმოსავლეთ პარტნიორობის“ ქვეყნებისთვის COVID-19 საწინააღმდეგო ვაქცინების მიწოდებას.გამოყოფილი 35 მილიონი დაემატა 40 მლნ ევროს ღირებულების მხარდაჭერის პირველ პაკეტს, რომელიც ჯანმოსთან პარტნიორობით მიმდინარე წლის თებერვალში მოსახლეობის უსაფრთხო და ეფექტური ვაქცინაციისთვის ქვეყნების დაუყოვნებლივი მზადყოფნის გაზრდის მიზნით ამოქმედდაპოლონეთის საგარეო საქმეთა სამინისტრო ხელს შეუწყობს წევრ ქვეყნებში არსებული გასაზიარებელი ვაქცინების ხელმისაწვდომი დოზების განაწილებას „აღმოსავლეთ პარტნიორობის“ ქვეყნებში წარმოქმნილი საჭიროებების შესაბამისად, ასევე ზედამხედველობას გაუწევს ვაქცინების მწარმოებლებთან ნებისმიერ საჭირო შეთანხმებებს.ხელახალი შესყიდვის შემთხვევაში პოლონეთის განვითარების ბანკი (BGK) გამოიყენებს ევროკავშირის შენატანს ვაქცინებთან დაკავშირებით დონორი წევრი სახელმწიფოებისთვის კომპენსაციის გასაწევად არაკომერციულ საფუძველზე. პროგრამა გაგრძელდება 2023 წლის ივნისამდე ან ევროკავშირის შენატანის ამოწურვამდე.გამოყოფილი სახსრები გამიზნულია პანდემიასთან ბრძოლისთვის სხვადასხვა ქვეყანაში ვაქცინაციის პროცესის გაძლიერების გზით. ჯანმოს მონაცემებით, 2021 წლის დეკემბრის დასაწყისში აღნიშნულ ექვს ქვეყანაში COVID-19-ის საწინააღმდეგოდ სრულად ვაქცინირებულთა საშუალო მაჩვენებელი მხოლოდ 28,7%-ს აღწევს, ჯანდაცვის მუშაკებს შორის ეს რიცხვი 70,3%-ია.აღნიშნული მექანიზმი დაეხმარება პარტნიორ ქვეყნებს, მიუახლოვდნენ ჯანმოს ვაქცინაციის გლობალური სტრატეგიის მიზნებს: თითოეული ქვეყნის მოსახლეობის 40% – 2021 წლის ბოლომდე და 70% – 2022 წლის შუა პერიოდისთვის.13 დეკემბრის მონაცემებით, საქართველოში სრულად (ორჯერადად) აცრილია 1.047.569 ადამიანი, რაც ქვეყნის ზრდასრული მოსახლეობის 36,5%-ს შეადგენს.ამ მექანიზმის ფარგლებში უახლოეს კვირებში გათვალისწინებულია პორტუგალიიდან სომხეთში პირველი პარტიის მიწოდება. არაერთმა სხვა წევრმა ქვეყანამ უკვე გამოაცხადა ამ პროგრამაში მონაწილეობის სურვილი.„აღმოსავლეთ პარტნიორობის“ მიმართ ევროკავშირის მხარდაჭერა პანდემიის შედეგებთან გასამკლავებლად 2,5 მილიარდ ევროს შეადგენს, რაც ხელს შეუწყობს ჯანდაცვის კრიზისის დაძლევას და სოციალურ-ეკონომიკურ აღდგენას.„აღმოსავლეთ პარტნიორობის“ ქვეყნებში ვაქცინების ყველა ადმინისტრირებული დოზის დაახლოებით მესამედი ევროკავშირის მიერ არის უზრუნველყოფილი – ან ვაქცინების პირდაპირი გაზიარებით, ან ირიბი გზით, COVAX-პლატფორმის საშუალებით.
https://sputnik-georgia.com/20210921/ratom-ambobs-mosaxleoba-uars-vaqcinaciaze-259771839.html
https://sputnik-georgia.com/20211213/omikronit-pirveli-pacienti-gardaicvala-262820863.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/0b/05/261832882_16:98:1022:853_1920x0_80_0_0_f028d269383de647dc3ef791003c15d9.jpgSputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, საქართველო-ევროკავშირის ურთიერთობები, covid-19
საზოგადოება, ახალი ამბები, საქართველო, საქართველო-ევროკავშირის ურთიერთობები, covid-19
საქართველო ვაქცინაციის პროგრამის გასაგრძელებლად ევროკავშირისგან თანხას მიიღებს
09:44 14.12.2021 (განახლებულია: 18:15 17.08.2023) გამოყოფილი თანხა გამიზნულია პანდემიასთან ბრძოლისთვის სხვადასხვა ქვეყანაში ვაქცინაციის პროცესის გაძლიერების გზით.
თბილისი, 14 დეკემბერი – Sputnik. ევროკომისიამ გაზარდა საქართველოს, აზერბაიჯანის, სომხეთის, ბელარუსის, მოლდოვისა და უკრაინის დახმარების ოდენობა 40 მილიონიდან 75 მილიონ ევრომდე, რომელიც კორონავირუსთან ბრძოლაში გამოიყენება, ნათქვამია საქართველოში ევროკავშირის წარმომადგენლობის
განცხადებაში.
ევროკომისიამ პოლონეთის მთავრობასთან ერთად შეიმუშავა ინოვაციური შეთანხმება რეგიონში ვაქცინებზე თანაბარი წვდომის გაზრდის მიზნით. 35 მილიონი ევროს ღირებულების შეთანხმება მიზნად ისახავს „აღმოსავლეთ პარტნიორობის“ ქვეყნებისთვის COVID-19 საწინააღმდეგო ვაქცინების მიწოდებას.
გამოყოფილი 35 მილიონი დაემატა 40 მლნ ევროს ღირებულების მხარდაჭერის პირველ პაკეტს, რომელიც ჯანმოსთან პარტნიორობით მიმდინარე წლის თებერვალში მოსახლეობის უსაფრთხო და ეფექტური ვაქცინაციისთვის ქვეყნების დაუყოვნებლივი მზადყოფნის გაზრდის მიზნით ამოქმედდა
21 სექტემბერი 2021, 15:38
პოლონეთის საგარეო საქმეთა სამინისტრო ხელს შეუწყობს წევრ ქვეყნებში არსებული გასაზიარებელი ვაქცინების ხელმისაწვდომი დოზების განაწილებას „აღმოსავლეთ პარტნიორობის“ ქვეყნებში წარმოქმნილი საჭიროებების შესაბამისად, ასევე ზედამხედველობას გაუწევს ვაქცინების მწარმოებლებთან ნებისმიერ საჭირო შეთანხმებებს.
ხელახალი შესყიდვის შემთხვევაში პოლონეთის განვითარების ბანკი (BGK) გამოიყენებს ევროკავშირის შენატანს ვაქცინებთან დაკავშირებით დონორი წევრი სახელმწიფოებისთვის კომპენსაციის გასაწევად არაკომერციულ საფუძველზე. პროგრამა გაგრძელდება 2023 წლის ივნისამდე ან ევროკავშირის შენატანის ამოწურვამდე.
გამოყოფილი სახსრები გამიზნულია პანდემიასთან ბრძოლისთვის სხვადასხვა ქვეყანაში ვაქცინაციის პროცესის გაძლიერების გზით. ჯანმოს მონაცემებით, 2021 წლის დეკემბრის დასაწყისში აღნიშნულ ექვს ქვეყანაში COVID-19-ის საწინააღმდეგოდ სრულად ვაქცინირებულთა საშუალო მაჩვენებელი მხოლოდ 28,7%-ს აღწევს, ჯანდაცვის მუშაკებს შორის ეს რიცხვი 70,3%-ია.
აღნიშნული მექანიზმი დაეხმარება პარტნიორ ქვეყნებს, მიუახლოვდნენ ჯანმოს ვაქცინაციის გლობალური სტრატეგიის მიზნებს: თითოეული ქვეყნის მოსახლეობის 40% – 2021 წლის ბოლომდე და 70% – 2022 წლის შუა პერიოდისთვის.
13 დეკემბრის მონაცემებით, საქართველოში სრულად (ორჯერადად) აცრილია 1.047.569 ადამიანი, რაც ქვეყნის ზრდასრული მოსახლეობის 36,5%-ს შეადგენს.
ამ მექანიზმის ფარგლებში უახლოეს კვირებში გათვალისწინებულია პორტუგალიიდან სომხეთში პირველი პარტიის მიწოდება. არაერთმა სხვა წევრმა ქვეყანამ უკვე გამოაცხადა ამ პროგრამაში მონაწილეობის სურვილი.
„აღმოსავლეთ პარტნიორობის“ მიმართ ევროკავშირის მხარდაჭერა პანდემიის შედეგებთან გასამკლავებლად 2,5 მილიარდ ევროს შეადგენს, რაც ხელს შეუწყობს ჯანდაცვის კრიზისის დაძლევას და სოციალურ-ეკონომიკურ აღდგენას.
„აღმოსავლეთ პარტნიორობის“ ქვეყნებში ვაქცინების ყველა ადმინისტრირებული დოზის დაახლოებით მესამედი ევროკავშირის მიერ არის უზრუნველყოფილი – ან ვაქცინების პირდაპირი გაზიარებით, ან ირიბი გზით, COVAX-პლატფორმის საშუალებით.