https://sputnik-georgia.com/20211210/belarusis-bankebi-swiftis-rusul-analogze-gadavidnen-262749753.html
ბელარუსის ყველა ბანკი SWIFT-ის რუსულ ანალოგზე გადაერთო
ბელარუსის ყველა ბანკი SWIFT-ის რუსულ ანალოგზე გადაერთო
Sputnik საქართველო
თბილისი, 10 დეკემბერი − Sputnik. ბელარუსის ყველა ბანკი უკვე შეუერთდა ფინანსური შეტყობინებების გადაცემის რუსულ სისტემას (SPFS), იუწყება Deutsche Wellle რუსეთის... 10.12.2021-ს, Sputnik საქართველო
2021-12-10T11:57+0400
2021-12-10T11:57+0400
2023-08-17T12:45+0400
მსოფლიო დღეს
პოლიტიკა
ეკონომიკა
ბელარუსი
მსოფლიოს ახალი ამბები
რუსეთი
https://cdnn1.img.sputnik-georgia.com/img/23083/18/230831821_0:160:3077:1890_1920x0_80_0_0_acb1382bb4a4fb73d3300eedd7331aec.jpg
თბილისი, 10 დეკემბერი − Sputnik. ბელარუსის ყველა ბანკი უკვე შეუერთდა ფინანსური შეტყობინებების გადაცემის რუსულ სისტემას (SPFS), იუწყება Deutsche Wellle რუსეთის ბანკის წარმომადგენელ დენის ბარიშკოვზე დაყრდნობით. აღნიშნული განცხადება ბარიშკოვმა VIII ეროვნული საგადასახადო ფორუმის ვიდეოსტრიმზე გააკეთა. მისი თქმით, 2021 წლის მდგომარეობით, SPFS-ში უკვე ჩართულია 335 მომხმარებელი. აქედან 38 უცხოურია − მსოფლიოს ცხრა ქვეყნიდან, მათ შორის, ბელარუსის ყველა საკრედიტო დაწესებულება.SPFS − რუსეთის ბანკის საკუთარი სერვისია, რომელიც SWIFT-ის ფორმატში მუშაობს. რუსული გადახდის სისტემა 2014 წლის დეკემბერში ამოქმედდა, მას შემდეგ, რაც რუსეთის ფედერაციის SWIFT-დან გათიშვის მუქარა პირველად გამოითქვა. SWIFT-ს მსოფლიოს 12 ათასზე მეტი ბანკი და ორგანიზაცია იყენებს 215 ქვეყანაში. კონკრეტულად რუსეთში მისით 600-ზე მეტი ბანკი და ორგანიზაცია სარგებლობს.რაც შეეხება ბელარუსს, იქაურმა ოპოზიციამ მიმდინარე წლის ნოემბრის შუა რიცხვებში SWIFT-დან შესაძლო გათიშვის თემის განხილვა წამოიწყო, რათა ლუკაშენკოს რეჟიმზე ზეწოლა გაეზარდა. პრეზიდენტობის ყოფილი კანდიდატის სვეტლანა ტიხანოვსკაიას ოფისმა „გოლოსის“ ონლაინ პლატფორმაზე გამოკითხვა ჩაატარა იმის შესახებ, უჭერენ თუ არა მხარს ბელარუსები ქვეყნის SWIFT-დან გათიშვას. შედეგად – 406 ათასი გამოკითხულიდან 60%-ზე მეტმა დადებითი პასუხი გასცა კითხვას. ბელარუსი SWIFT-ის მომხმარებელია 1994 წლიდან.აღინიშნება, რომ დღემდე ისეთი უკიდურესი ზომა, როგორიცაა SWIFT-დან გათიშვა, მხოლოდ ორჯერ იყო გამოყენებული ირანისა და ჩრდილოეთ კორეის მიმართ. 2012 წელს ევროკავშირმა, რომელიც თეირანის ბირთვული პროგრამის დაბლოკვას ცდილობდა, გადაწყვიტა, რომ SWIFT-დან 24 ირანული ბანკი, მათ შორის, ცენტრალური ბანკიც გაეთიშა.მოგვიანებით, 2017 წელს SWIFT-მა სამი ჩრდილოკორეული ბანკი გათიშა სისტემიდან, რომლებიც გაერომ სანქციების სიაში შეიყვანა.ამა თუ იმ ქვეყნის SWIFT-დან გათიშვაზე გადაწყვეტილების მიღების კომპეტენცია ევროკავშირის საბჭოს აქვს, ხოლო თავად კომპანია, რომელიც ამ საერთაშორისო სისტემას მართავს, ბრიუსელში მდებარეობს.
https://sputnik-georgia.com/20211209/amerikasi-rusetze-gamafrtxilebeli-dartymis-mitana-moitxoves-262709858.html
https://sputnik-georgia.com/20210601/lavrovi-SWIFT-is-sistemidan-ruseTis-gaTiSvis-winadadeba-axali-ar-aris-251889421.html
ბელარუსი
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
პოლიტიკა, ეკონომიკა, ბელარუსი , მსოფლიოს ახალი ამბები, რუსეთი
პოლიტიკა, ეკონომიკა, ბელარუსი , მსოფლიოს ახალი ამბები, რუსეთი
თბილისი, 10 დეკემბერი − Sputnik. ბელარუსის ყველა ბანკი უკვე შეუერთდა ფინანსური შეტყობინებების გადაცემის რუსულ სისტემას (SPFS), იუწყება
Deutsche Wellle რუსეთის ბანკის წარმომადგენელ დენის ბარიშკოვზე დაყრდნობით.
აღნიშნული განცხადება ბარიშკოვმა VIII ეროვნული საგადასახადო ფორუმის
ვიდეოსტრიმზე გააკეთა.
მისი თქმით, 2021 წლის მდგომარეობით, SPFS-ში უკვე ჩართულია 335 მომხმარებელი. აქედან 38 უცხოურია − მსოფლიოს ცხრა ქვეყნიდან, მათ შორის, ბელარუსის ყველა საკრედიტო დაწესებულება.
SPFS − რუსეთის ბანკის საკუთარი სერვისია, რომელიც SWIFT-ის ფორმატში მუშაობს. რუსული გადახდის სისტემა 2014 წლის დეკემბერში ამოქმედდა, მას შემდეგ, რაც რუსეთის ფედერაციის SWIFT-დან გათიშვის მუქარა პირველად გამოითქვა. SWIFT-ს მსოფლიოს 12 ათასზე მეტი ბანკი და ორგანიზაცია იყენებს 215 ქვეყანაში. კონკრეტულად რუსეთში მისით 600-ზე მეტი ბანკი და ორგანიზაცია სარგებლობს.
რაც შეეხება ბელარუსს, იქაურმა ოპოზიციამ მიმდინარე წლის ნოემბრის შუა რიცხვებში SWIFT-დან შესაძლო გათიშვის თემის განხილვა წამოიწყო, რათა ლუკაშენკოს რეჟიმზე ზეწოლა გაეზარდა. პრეზიდენტობის ყოფილი კანდიდატის სვეტლანა ტიხანოვსკაიას ოფისმა „გოლოსის“ ონლაინ პლატფორმაზე გამოკითხვა ჩაატარა იმის შესახებ, უჭერენ თუ არა მხარს ბელარუსები ქვეყნის SWIFT-დან გათიშვას. შედეგად – 406 ათასი გამოკითხულიდან 60%-ზე მეტმა დადებითი პასუხი გასცა კითხვას. ბელარუსი SWIFT-ის მომხმარებელია 1994 წლიდან.
აღინიშნება, რომ დღემდე ისეთი უკიდურესი ზომა, როგორიცაა SWIFT-დან გათიშვა, მხოლოდ ორჯერ იყო გამოყენებული ირანისა და ჩრდილოეთ კორეის მიმართ. 2012 წელს ევროკავშირმა, რომელიც თეირანის ბირთვული პროგრამის დაბლოკვას ცდილობდა, გადაწყვიტა, რომ SWIFT-დან 24 ირანული ბანკი, მათ შორის, ცენტრალური ბანკიც გაეთიშა.
მოგვიანებით, 2017 წელს SWIFT-მა სამი ჩრდილოკორეული ბანკი გათიშა სისტემიდან, რომლებიც გაერომ სანქციების სიაში შეიყვანა.
ამა თუ იმ ქვეყნის SWIFT-დან გათიშვაზე გადაწყვეტილების მიღების კომპეტენცია ევროკავშირის საბჭოს აქვს, ხოლო თავად კომპანია, რომელიც ამ საერთაშორისო სისტემას მართავს, ბრიუსელში მდებარეობს.
