https://sputnik-georgia.com/20211209/saqartvelosi-medikamentebis-xarisxis-axal-standartze-gadasvla--kvlav-gadavadda-262707108.html
საქართველოში მედიკამენტების ხარისხის ახალ სტანდარტზე გადასვლა კვლავ გადავადდა
საქართველოში მედიკამენტების ხარისხის ახალ სტანდარტზე გადასვლა კვლავ გადავადდა
Sputnik საქართველო
საერთაშორისო GMP სტანდარტზე გადასვლა 2016 წლიდან იგეგმებოდა, მაგრამ ფარმაცევტული კომპანიების თხოვნით ამ ვადამ რამდენჯერმე გადაიწია. 09.12.2021-ს, Sputnik საქართველო
2021-12-09T10:00+0400
2021-12-09T10:00+0400
2021-12-09T14:05+0400
საზოგადოება
ახალი ამბები
საქართველო
ჯანდაცვა საქართველოში
https://cdnn1.img.sputnik-georgia.com/img/07e5/05/06/251654786_0:157:3000:1845_1920x0_80_0_0_4b461e2f9d871818843ecaf427112e80.jpg
თბილისი, 9 დეკემბერი — Sputnik. საქართველოს ბაზარზე მოქმედი ფარმაცევტული კომპანიები ხარისხის ახალ – GMP სტანდარტზე ახალი წლის 1 იანვრის ნაცვლად, ეტაპობრივად, 2022 წლის განმავლობაში გადავლენ – იმ კონკრეტულ თვემდე, როდესაც ფარმაცევტული პროდუქტის წარმოების ნებართვა აქვთ მიღებული, ნათქვამია ჯანდაცვის სამინისტროს განცხადებაში.ქართულ ბაზარზე მედიკამენტების ხარისხის გაუმჯობესების მიზნით ფარმაცევტულ კომპანიებს მოუწევთ GMP („კარგი საწარმოო პრაქტიკა“) და GDP („კარგი დისტრიბუციის პრაქტიკა“) სტანდარტების დაკმაყოფილება. საერთაშორისო GMP სტანდარტზე გადასვლა 2016 წლიდან იგეგმებოდა, მაგრამ ფარმაცევტული დაწესებულებების თხოვნით ეს თარიღი ჯერ 2018 წლის 1 იანვრამდე, შემდეგ კი 2022 წლის 1 იანვრამდე გადავადდა.გარდამავალი პერიოდის დაწესების შესახებ ინფორმაცია ფარმაცევტული ასოციაციების წარმომადგენლებს ჯანდაცვის მინისტრმა ეკატერინე ტიკარაძემ პირადად მიაწოდა. მინისტრის თქმით, იგივე შეღავათებით ისარგებლებენ საბითუმო დისტრიბუტორებიც.შეხვედრაზე მხარეებმა ფარმაცევტული კუთხით 2022 წლიდან დაგეგმილი ცვლილებები განიხილეს.სამედიცინო და ფარმაცევტული საქმიანობის რეგულირების სააგენტოს დირექტორის ზაალ კაპანაძის განცხადებით, დადგენილებაში შედის ცვლილება და იმ მწარმოებლებს, რომლებიც GMP სტანდარტს ვერ დააკმაყოფილებენ, მედიკამენტების ექსპორტის საშუალება ისევ ექნებათ.„იქიდან გამომდინარე, რომ ადგილობრივ მწარმოებლებს წლებია გარკვეული ბაზრები მეზობელ ქვეყნებში მოძიებული აქვთ და ისინი ვერ ახერხებენ ამ სტანდარტზე გადასვლას, მათ 2025 წლამდე ექნებათ უფლება, რომ მოახდინონ აღნიშნული პროდუქციის ექსპორტი“, – განაცხადა ზაალ კაპანაძემ.შეხვედრაზე ჯანდაცვის მინისტრის მოადგილემ თამარ გაბუნიამ ახალი ინიციატივის შესახებ ისაუბრა, რომლის მიხედვითაც შეიქმნება ფარმაციის საბჭო, რომელიც აღნიშნულ სფეროში არსებულ მდგომარეობას და დაგეგმილ ცვლილებებს განიხილავს.GMP/GDP სისტემების დანერგვით საქართველო აღიარებს ევროკავშირის სტანდარტებს ფარმაცევტული პროდუქტების ხარისხის კონტროლის მიმართულებით. GMP პრაქტიკა საქართველოს შესაძლებლობას მისცემს, გახდეს „ფარმაცევტული ინსპექციების თანამშრომლობის სისტემის“ (PIC\S) წევრი, რომელშიც წარმოდგენილი არიან მედიკამენტების უმაღლესი ხარისხის სტანდარტების მქონე ქვეყნები.ამასთან ერთად საქართველოში ფარმაცევტული ბაზრის რეგულირების გამკაცრება იგეგმება. ხელისუფლების წარმომადგენლებმა განაცხადეს, რომ მედიკამენტების ფასები ძალიან მაღალია, რაც დროულ რეაგირებას მოითხოვს.მათი თქმით, საქართველოს ფარმაცევტული ბაზარი საჭიროებს საკანონმდებლო ცვლილებებს, რომელთა შორისაა, მაგალითად, ელექტრონული რეცეპტების სისტემის შემოღება; საჭიროა წამლებზე ფასების რეგულირების მექანიზმის შექმნა. შედეგად ბაზარი უფრო კონკურენტუნარიანი გახდება, რაც შესაბამისად უნდა აისახოს მედიკამენტების ღირებულებაზე. მთავრობის გეგმებშია რაც შეიძლება სწრაფად მოხდეს პარლამენტში საკანონმდებლო ინიციატივის წარდგენა, რომლის შემუშავებაც ჯანდაცვის სამინისტროს დაევალა.
https://sputnik-georgia.com/20211112/raribasvili-medikamentebis-fasebze-262014099.html
https://sputnik-georgia.com/20210728/saqartveloshi-ukanono-parmacevtuli-saqmianobis-62-paqtia-gamovlenili-252446761.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, ჯანდაცვა საქართველოში
საზოგადოება, ახალი ამბები, საქართველო, ჯანდაცვა საქართველოში
საქართველოში მედიკამენტების ხარისხის ახალ სტანდარტზე გადასვლა კვლავ გადავადდა
10:00 09.12.2021 (განახლებულია: 14:05 09.12.2021) საერთაშორისო GMP სტანდარტზე გადასვლა 2016 წლიდან იგეგმებოდა, მაგრამ ფარმაცევტული კომპანიების თხოვნით ამ ვადამ რამდენჯერმე გადაიწია.
თბილისი, 9 დეკემბერი — Sputnik. საქართველოს ბაზარზე მოქმედი ფარმაცევტული კომპანიები ხარისხის ახალ – GMP სტანდარტზე ახალი წლის 1 იანვრის ნაცვლად, ეტაპობრივად, 2022 წლის განმავლობაში გადავლენ – იმ კონკრეტულ თვემდე, როდესაც ფარმაცევტული პროდუქტის წარმოების ნებართვა აქვთ მიღებული, ნათქვამია ჯანდაცვის სამინისტროს
განცხადებაში.
ქართულ ბაზარზე მედიკამენტების ხარისხის გაუმჯობესების მიზნით ფარმაცევტულ კომპანიებს მოუწევთ GMP („კარგი საწარმოო პრაქტიკა“) და GDP („კარგი დისტრიბუციის პრაქტიკა“) სტანდარტების დაკმაყოფილება. საერთაშორისო GMP სტანდარტზე გადასვლა 2016 წლიდან იგეგმებოდა, მაგრამ ფარმაცევტული დაწესებულებების თხოვნით ეს თარიღი ჯერ 2018 წლის 1 იანვრამდე, შემდეგ კი 2022 წლის 1 იანვრამდე გადავადდა.
„ამავე დროს დამატებითი შეღავათი განესაზღვრათ იმ მწარმოებლებს, რომლებსაც წარმოების ნებართვის ვადა ივნისის თვემდე აქვთ მიღებული, მათ ხარისხის სერტიფიკატი 30 ივნისამდე უნდა მოიპოვონ“, – ნათქვამია განცხადებაში.
გარდამავალი პერიოდის დაწესების შესახებ ინფორმაცია ფარმაცევტული ასოციაციების წარმომადგენლებს ჯანდაცვის მინისტრმა ეკატერინე ტიკარაძემ პირადად მიაწოდა. მინისტრის თქმით, იგივე შეღავათებით ისარგებლებენ საბითუმო დისტრიბუტორებიც.
შეხვედრაზე მხარეებმა ფარმაცევტული კუთხით 2022 წლიდან დაგეგმილი ცვლილებები განიხილეს.
სამედიცინო და ფარმაცევტული საქმიანობის რეგულირების სააგენტოს დირექტორის ზაალ კაპანაძის განცხადებით, დადგენილებაში შედის ცვლილება და იმ მწარმოებლებს, რომლებიც GMP სტანდარტს ვერ დააკმაყოფილებენ, მედიკამენტების ექსპორტის საშუალება ისევ ექნებათ.
„იქიდან გამომდინარე, რომ ადგილობრივ მწარმოებლებს წლებია გარკვეული ბაზრები მეზობელ ქვეყნებში მოძიებული აქვთ და ისინი ვერ ახერხებენ ამ სტანდარტზე გადასვლას, მათ 2025 წლამდე ექნებათ უფლება, რომ მოახდინონ აღნიშნული პროდუქციის ექსპორტი“, – განაცხადა ზაალ კაპანაძემ.
შეხვედრაზე ჯანდაცვის მინისტრის მოადგილემ თამარ გაბუნიამ ახალი ინიციატივის შესახებ ისაუბრა, რომლის მიხედვითაც შეიქმნება ფარმაციის საბჭო, რომელიც აღნიშნულ სფეროში არსებულ მდგომარეობას და დაგეგმილ ცვლილებებს განიხილავს.
GMP/GDP სისტემების დანერგვით საქართველო აღიარებს ევროკავშირის სტანდარტებს ფარმაცევტული პროდუქტების ხარისხის კონტროლის მიმართულებით. GMP პრაქტიკა საქართველოს შესაძლებლობას მისცემს, გახდეს „ფარმაცევტული ინსპექციების თანამშრომლობის სისტემის“ (PIC\S) წევრი, რომელშიც წარმოდგენილი არიან მედიკამენტების უმაღლესი ხარისხის სტანდარტების მქონე ქვეყნები.
ამასთან ერთად საქართველოში ფარმაცევტული ბაზრის რეგულირების გამკაცრება იგეგმება. ხელისუფლების წარმომადგენლებმა განაცხადეს, რომ მედიკამენტების ფასები ძალიან მაღალია, რაც დროულ რეაგირებას მოითხოვს.
მათი თქმით, საქართველოს ფარმაცევტული ბაზარი საჭიროებს საკანონმდებლო ცვლილებებს, რომელთა შორისაა, მაგალითად, ელექტრონული რეცეპტების სისტემის შემოღება; საჭიროა წამლებზე ფასების რეგულირების მექანიზმის შექმნა. შედეგად ბაზარი უფრო კონკურენტუნარიანი გახდება, რაც შესაბამისად უნდა აისახოს მედიკამენტების ღირებულებაზე. მთავრობის გეგმებშია რაც შეიძლება სწრაფად მოხდეს პარლამენტში საკანონმდებლო ინიციატივის წარდგენა, რომლის შემუშავებაც ჯანდაცვის სამინისტროს დაევალა.
