Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

შრომის ინსპექცია კვების ობიექტებს აფრთხილებს

© photo: Sputnik / Alexander Imedashviliღია კაფე შარდენზე
ღია კაფე შარდენზე - Sputnik საქართველო, 1920, 06.12.2021
გამოწერა
კოვიდ-პასპორტი არის ელექტრონული დოკუმენტი, რომელიც შეიცავს მოქალაქის კოვიდ-სტატუსის შესახებ სრულ ინფორმაციას.
თბილისი, 6 დეკემბერი – Sputnik. რიგი კვების ობიექტების ადმინისტრაცია კოვიდ-პასპორტის არქონის შემთხვევაში ობიექტის ტერიტორიაზევე უზრუნველყოფს მომხმარებლის სწრაფ ტესტირებას, რაც დაუშვებელია, ნათქვამია შრომის ინსპექციის სამსახურის მიერ გავრცელებულ განცხადებაში.
საქართველოში კოვიდ-პასპორტების სისტემა 1 დეკემბერს ამოქმედდა. სპეციალური QR–კოდის გარეშე მოქალაქეები არ დაიშვებიან კვების ობიექტებში, სასტუმროებში, თეატრებში, მუზეუმებში, ფიტნეს-ცენტრებსა და სამთო კურორტების საბაგირო გზებზე.

„შრომის ინსპექცია განმარტავს და მოუწოდებს შესაბამის ბიზნეს-სუბიექტებს, არ შევიდნენ შეცდომაში და არ გამოიყენონ სერვისის შეთავაზების მსგავსი მეთოდი, ვინაიდან კოვიდ-ტესტის აღებაზე უფლებამოსილება მხოლოდ შესაბამისი კვალიფიკაციისა და ნებართვის მქონე პირს/ლაბორატორიას გააჩნია“, – ნათქვამია განცხადებაში.

უწყების განმარტებით, კოვიდ-პასპორტის აღება შეუძლიათ სრულად ვაქცინირებულ ან კოვიდ-გადატანილ მოქალაქეებს, ასევე საქართველოში კოვიდ-გადატანილ უცხოელებს, PCR–ტესტის ან სწრაფი ტესტის უარყოფითი პასუხის მქონე პირებს. PCR–ტესტთან ერთად „მწვანე პასპორტი“ 72 საათის, სწრაფი ტესტის შემთხვევაში კი 24 საათის განმავლობაში მოქმედებს. კოვიდ–ტესტის ჩატარება შეუძლიათ მხოლოდ შესაბამისი ნებართვის მქონე ლაბორატორიებს.
ბექა ფერაძე, შრომის ინსპექციის უფროსი - Sputnik საქართველო, 1920, 05.12.2021
შრომის ინსპექცია ღამის კლუბების ფუნქციონირებასთან დაკავშირებით განცხადებას ავრცელებს
ვაქცინირებული და კოვიდ-გადატანილი მოქალაქეებისთვის კოვიდ-პასპორტები ამ ეტაპზე უვადოდ გაიცემა. თუმცა უწყებათშორისი საკოორდინაციო საბჭო აღნიშნული პუნქტის გადახედვას გეგმავს.
ყველა ახალი ამბავი
0