თანამშრომლობა სამხედრო სფეროში: რუსეთმა და ინდოეთმა რამდენიმე დოკუმენტს მოაწერეს ხელი
11:26 06.12.2021 (განახლებულია: 15:53 20.07.2023)
© Ministry of Defense of the Russian Federation / გადასვლა მედიაბანკშიინდოეთისა და რუსეთის თავდაცვის მინისტრები
© Ministry of Defense of the Russian Federation
/ გამოწერა
თბილისი, 6 დეკემბერი − Sputnik. მოსკოვმა და ნიუ-დელიმ სამხედრო სფეროში თანამშრომლობის შესახებ რამდენიმე დოკუმენტს მოაწერეს ხელი, იუწყება РИА Новости ინდოეთის თავდაცვის მინისტრ რაჯნათჰ სინგჰის განცხადებაზე დაყრდნობთ.
ორი სახელმწიფოს თავდაცვის მინისტრების შეხვედრა ინდოეთის დედაქალაქში გაიმართა. სინგჰის თქმით, მოლაპარაკებები იყო პროდუქტიული, შინაარსიანი და ნაყოფიერი.
„მოხარული ვარ, რომ ხელი მოეწერა მთელ რიგ შეთანხმებას, კონტრაქტსა და ოქმს, რომლებიც მცირე შეიარაღებასა და სამხედრო თანამშრომლობას შეეხება“, − დაწერა მან Twitter-ზე რუს კოლეგა სერგეი შოიგუსთან შეხვედრის შემდეგ.
ამასთან ინდოელმა მინისტრმა აღნიშნა, რომ ინდოეთი აფასებს რუსეთთან განსაკუთრებულ და პრივილეგირებულ სტრატეგიულ პარტნიორობას.
ამ დროისათვის რუსეთსა და ინდოეთს რამდენიმე ორმხრივი პროექტი აქვთ: უნივერსალური კომპლექსი BrahMos-ი, მეხუთე თაობის გამანადგურებლის ერთობლივი შექმნა (FGFA), თვითმფრინავ СУ-30-ისა და ტანკ Т-90-ის წარმოება ლიცენზიით, მათ 2019 წელს კალაშნიკოვის ავტომატების საწარმო გახსნეს.
Had a productive, fruitful and substantial bilateral discussions on defence cooperation with the Russian Defence Minister, General Sergey Shoigu in New Delhi today. India values its special and privileged strategic partnership with Russia. pic.twitter.com/9WNBx6m7ok
— Rajnath Singh (@rajnathsingh) December 6, 2021
სააგენტოს ცნობით, დღეისათვის ინდოეთის საზღვაო-სამხედრო ძალების 80% რუსული აღჭურვილობითაა დაკომპლექტებული, ხოლო სამხედრო-საჰაერო ძალები − 70%-ით. ექსპერტული შეფასებებით, რუსეთმა სამხედრო-ტექნიკური თანამშრომლობის განმავლობაში ინდოეთს 65 მილიარდ დოლარზე მეტი ღირებულების სამხედრო ტექნიკა მიაწოდა.
2018 წელს მოსკოვმა და ნიუ-დელიმ ხელი მოაწერეს 5 მილიარდი დოლარის ღირებულების კონტრაქტს ხუთი საზენიტო-სარაკეტო კომპლექსი С-400-ის მიწოდებაზე. გარდა ამისა, მსხვილი შეთანხმებების რიცხვში შედის „პროექტ 11356“-ის ოთხი რუსული ფრეგატისა და გადასატანი საზენიტო-სარაკეტო კომპლექსი „იგლას“ დიდი პარტიის გაყიდვაც.