Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

QR-კოდის გააქტიურების შემთხვევაში კოვიდ-ბარათის აღება საჭირო აღარ იქნება

© Sputnik / Alexander Imedashviliეპიდემია საქართველოში
ეპიდემია საქართველოში - Sputnik საქართველო, 1920, 30.11.2021
გამოწერა
1 დეკემბრიდან „მწვანე პასპორტის" მოთხოვნა იმოქმედებს 18 წელს ზემოთ მოქალაქეებისთვის, ასევე ტურისტებისთვის.
თბილისი, 30 ნოემბერი – Sputnik. ელექტრონული QR-კოდის გააქტიურების შემთხვევაში მოქალაქეებისთვის კოვიდ-პასპორტის აღება საჭირო აღარ იქნება, ნათქვამია იუსტიციის სახლის მიერ გავრცელებულ განცხადებაში.
საქართველოში 1 დეკემბრიდან ორი სახის – შიდა და გარე მოხმარების კოვიდ-პასპორტი ამოქმედდება.

„იმ შემთხვევაში, თუ მოქალაქეს რაიმე მიზეზით არ შეუძლია ციფრული კოვიდ-სერტიფიკატისთვის საჭირო აპლიკაციის ჩამოტვირთვა, მან უნდა მიმართოს იუსტიციის სახლს და აიღოს კოვიდ-პასპორტი“, – აღნიშნულია განცხადებაში.

მას, ვისაც სმარტფონი არ აქვს, QR–კოდის მქონე „მწვანე პასპორტის“ მიღება შეუძლია იუსტიციის სახლებსა და სახელმწიფო სერვისების სააგენტოს ფილიალებში.
აპლიკაციაში QR–კოდის გააქტიურების შემდეგ როგორც ქვეყნის შიგნით, ისე ციფრული კოვიდ-პასპორტების ერთიან სივრცეში გაწევრიანებულ 49-ვე ქვეყანაში მოგზაურობისთვის კოვიდ-ბარათის ტარება საჭირო აღარ არის.
ეპიდემია საქართველოში - Sputnik საქართველო, 1920, 29.11.2021
COVID-19 - ბოლო ცნობები
ყველაზე ხშირად დასმული კითხვები კოვიდ-პასპორტთან დაკავშირებით: რა არ ვიცით
ციფრული კოვიდ-პასპორტის გასააქტიურებლად მომხმარებელმა App Store-დან ან Google Store-დან უნდა გადმოწეროს აპლიკაცია Georgia e-Health, რომელიც ე.წ. მწვანე პასპორტის ფუნქციას შეასრულებს.
აპლიკაციის ჩამოტვირთვისა და რეგისტრაციის გავლის შემდეგ გააქტიურდება QR–კოდი, რომელიც შეიცავს ვაქცინაციასთან დაკავშირებულ ინფორმაციას:
ვაქცინაციის ჩატარების თარიღი და ვაქცინის ტიპი
ბოლოს ჩატარებულ PCR და ანტიგენის ტესტის შედეგები
ინფიცირების სტატუსი
ვის შეუძლია აიღოს კოვიდ–პასპორტი?
სრულად ვაქცინირებულ პირს
72–საათიანი ვალიდურობის უარყოფითი პასუხის PCR–ტესტის მქონე პირს
24–საათიანი ვალიდურობის უარყოფითი პასუხის ანტიგენ–სწრაფი ტესტის მქონე პირს
კოვიდ-გადატანილი პირს
1 დეკემბრიდან რესტორნებში, კაფე-ბარებში, გასართობ ცენტრებში, კინოთეატრებში, თეატრებში, მუზეუმებში, საკონცერტო დარბაზებში, სპა-ცენტრებში, სასტუმროებსა და ფიტნეს-დარბაზებში შესვლას მხოლოდ კოვიდ-პასპორტის მქონე პირები შეძლებენ.
18 წლამდე პირებისთვის კოვიდ-პასპორტის ფლობა აუცილებელი არ არის.
ყველა ახალი ამბავი
0