ძიუდო: საქართველოს შერეულმა ნაკრებმა ევროპის გუნდური ჩემპიონატი მოიგო

© Facebook / Georgian Judo Federationსაქართველოს ძიუდოს ნაკრები (შერეული)
საქართველოს ძიუდოს ნაკრები (შერეული) - Sputnik საქართველო, 1920, 27.11.2021
გამოწერა
საქართველოს ნაკრებმა ფინალურ დაპირისპირებაში ნიდერლანდებს დაძაბულ ბრძოლაში მოუგო და ისტორიაში პირველად შერეულ გუნდებს შორის გამარჯვება იზეიმა.
თბილისი, 27 ნოემბერი - Sputnik. რუსეთის ქალაქ უფაში ძიუდოს ევროპის ჩემპიონატზე შერეულ გუნდებს შორის საქართველოს ნაკრებმა პირველი ადგილი დაიკავა.
საქართველომ საჩემპიონო გზაზე ავსტრიის, საფრანგეთის, თურქეთისა და ნიდერლანდების ნაკრებები დაამარცხა.
ტურნირი კაცებსა (-73, -90 და +90 კგ) და ქალებში (-57, -70 და +70 კგ) სხვადასხვა წონით კატეგორიებში დაკომპლექტებული გუნდებით ტარდება. საქართველოს ნაკრებმა ავსტრია ანგარიშით 4:0 დაამარცხა, საფრანგეთს 4:2 მოუგო და ამავე ანგარიშით სძლია თურქეთის ნაკრებს ნახევარფინალურ ეტაპზე.
საქართველოს ძიუდოს ახალგაზრდული ნაკრები - Sputnik საქართველო, 1920, 07.11.2021
საქართველოს ძიუდოისტთა ნაკრებმა ევროპის ახალგაზრდული ჩემპიონატის ფინალში რუსეთი დაამარცხა
ფინალურ ეტაპზე ქართველი ძიუდოისტები ნიდერლანდელ სპორტსმენებს დაუპირისპირდნენ. ფინალური შეხვედრა, რომელიც საკმაოდ დაძაბული გამოდგა, ახალგაზრდა ძიუდოისტმა საბა ინანეიშვილმა გამარჯვებით დააგვირგვინა. გუნდებს შორის ანგარიში 3:3 იყო, როდესაც ინანეიშვილმა ნიდერლანდელი მეტოქე იპონით დაამარცხა. საბოლოო ანგარიში 4:3 დადგა.
საქართველოს შერეული ნაკრების შემადგენლობაში ევროპის ჩემპიონები გახდნენ:
მამაკაცები: ფრიდონ გიგანი და ალეკო მამიაშვილი (ორივე -73 კგ), ბექა ღვინიაშვილი და ლუკა მაისურაძე (ორივე -90 კგ), გელა ზაალიშვილი და საბა ინანეიშვილი (ორივე +93 კგ).
ქალები: ეთერ ლიპარტელიანი (-57 კგ), მარიამ ჭანტურია და ნინო გულბანი (ორივე -70 კგ), სოფია სომხიშვილი (+70 კგ).
აღსანიშნავია, რომ ძიუდოს შერეულ გუნდებს შორის ეს საქართველოს ნაკრების პირველი ტიტულია.
ყველა ახალი ამბავი
0