ტიკარაძე: ვერ ვხედავ ვერანაირ საჭიროებას, რომ სააკაშვილმა უცხოეთში გააგრძელოს მკურნალობა

© Government of Georgiaეკატერინე ტიკარაძე
ეკატერინე ტიკარაძე - Sputnik საქართველო, 1920, 25.11.2021
გამოწერა
სააკაშვილი სასჯელს სისხლის სამართლის ორ საქმეზე იხდის. ის ამჟამად გორის სამხედრო ჰოსპიტალში იმყოფება, სადაც ციხის საავადმყოფოდან შიმშილობის 50 დღის შემდეგ გადაიყვანეს.
თბილისი, 25 ნოემბერი - Sputnik. საქართველოს ჯანდაცვის მინისტრი ეკატერინე ტიკარაძე მიიჩნევს, რომ საქართველოს მესამე პრეზიდენტის, მიხეილ სააკაშვილის ჯანმრთელობის მდგომაროება ამ ეტაპზე გაცილებით გაუმჯობესებულია.
მიხეილ სააკაშვილი ამჟამად გორის სამხედრო ჰოსპიტალში, ინტენსიური თერაპიის განყოფილებაში იმყოფება. მან 50-დღიანი შიმშილობა შაბათს ღამით გლდანის ციხის საავადმყოფოდან გორის ჰოსპიტალში გადაყვანისთანავე შეწყვიტა.
ჯანდაცვის მინისტრი ვერ ხედავს იმის საჭიროებას, რომ ექს-პრეზიდენტმა მკურნალობა უცხოეთში გააგრძელოს.
„პაციენტი დღესღეობით მკურნალობს თერაპიულ საწოლზე, თერაპიული კოდით. ჩვენს ექიმებს აქვთ სრული გამოცდილება იმისა, თუ როგორ უნდა მართონ მსგავსი პაციენტი. მას ჰყავს რამდენიმე მკურნალი ექიმი და ჩემთვის გაცილებით უფრო კომპეტენტური იქნება ამ ექიმების შეფასება და რეკომენდაცია და არა მათი, რომლებსაც ერთხელაც არ ჰყავთ პაციენტი ნანახი“, – განაცხადა ეკატერინე ტიკარაძემ.
მინისტრის განცხადებით, ჯანდაცვის სამინისტრომ ექსპერტებთან ერთად შეიმუშავა დამატებითი, საერთაშორისო გამოცდილებაზე დაყრდნობილი პროტოკოლი, რომლის მიხედვით მიმდინარეობს მიხეილ სააკაშვილის მკურნალობის კურსი.
მიხეილ სააკაშვილი - Sputnik საქართველო, 1920, 23.11.2021
ექიმები: შიმშილობის შემდეგ სააკაშვილი თავიდან სწავლობს სიარულს
მკურნალობის პროცესის დასრულების შემდეგ ექს-პრეზიდენტს დააბრუნებენ რუსთავის ციხეში, სადაც სააკაშვილი სისხლის სამართლის ორ საქმეზე 6-წლიანი პატიმრობის მოხდას გააგრძელებს. ვადის ათვლა დაიწყო მისი დაკავების მომენტიდან – მიმდინარე წლის 1 ოქტომბრიდან.
არ არის გამორიცხული, რომ ექს-პრეზიდენტის პატიმრობის ვადა გაიზარდოს. ამჟამად სასამართლოში მის წინააღმდეგ განიხილება სამი საქმე, ერთ-ერთზე მაქსიმალური სასჯელი 9 წლით პატიმრობას ითვალისწინებს.
ყველა ახალი ამბავი
0