პრემიერ-მინისტრი „სააფთიაქო ნარკომანიას“ ომს უცხადებს

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 22.11.2021
გამოწერა
სააფთიაქო ნარკომანიის გავრცელების აღკვეთის მიზნით სპეციალური მედიკამენტების სია მუდმივად ივსება.
თბილისი, 22 ნოემბერი — Sputnik. საქართველოში ფსიქოტროპული პრეპარატების გაყიდვის წესები გამკაცრდება – პრემიერი ირაკლი ღარიბაშვილი „სააფთიაქო ნარკომანიას“ ომს უცხადებს.

„ბოლო პერიოდში საკმაოდ ლიბერალური გახდა კანონმდებლობა ნარკომანიის მიმართულებით და ჩვენი ახალგაზრდები, ნაცვლად იმისა, რომ დაკავდნენ სპორტით, ისწავლონ, იმუშაონ, დაკავებული არიან მავნე ნივთიერებების მოხმარებით. ამიტომ უნდა გამკაცრდეს ფსიქოტროპული მედიკამენტების გაყიდვა. ამის თაობაზე გვექნება საუბარი მთავრობის სხდომაზე და მე პირადად გავაკონტროლებ აღსრულების პროცესს“, – განაცხადა ღარიბაშვილმა ორშაბათს გამართულ მთავრობის სხდომაზე.

საქართველოში ნარკოტიკული საშუალებების მომხმარებლების მიმართ უფრო ლოიალური მიდგომაა, ვიდრე ნარკორეალიზატორების მიმართ. გარდა ამისა, მარიხუანის მოხმარება დეკრიმინალიზებულია და მისი მცირე ოდენობით შენახვა პირადი მოხმარების მიზნით მხოლოდ ჯარიმას ითვალისწინებს. საქართველოში დანაშაულად ითვლება ნარკოტიკული და ფსიქოტროპული ნივთიერებების ჯგუფში შემავალი პრეპარატების სპეციალური რეცეპტის გარეშე სააფთიაქო ქსელში რეალიზაცია. სააფთიაქო ნარკომანიის გავრცელების აღკვეთის მიზნით ამ მედიკამენტების სია მუდმივად ივსება.
ჰეროინი - Sputnik საქართველო, 1920, 21.11.2021
საქართველოში ნარკოტიკების გასაღებისთვის სასჯელი გამკაცრდება
ამ დროისათვის პარლამენტი განიხილავს კანონპროექტს, რომელიც ითვალისწინებს ნარკოტიკული და ფსიქოტროპული პრეპარატების რეალიზაციისთვის სასჯელის გამკაცრებას. პარლამენტმა სისხლის სამართლის კოდექსში შესატანი ცვლილებები ორი მოსმენით უკვე დაამტკიცა.
შსს-ს მიერ ინიცირებული ცვლილებების თანახმად, ნარკოტიკული საშუალებების ან ახალი ფსიქოაქტიური ნივთიერებების უკანონო რეალიზაცია 6-დან 11 წლამდე ვადით თავისუფლების აღკვეთის ნაცვლად 10-დან 15 წლამდე სასჯელს გამოიწვევს.
გარდა ამისა, ფსიქოტროპული ან ძლიერმოქმედი ნივთიერების უკანონო გასაღება გამოიწვევს თავისუფლების აღკვეთას 4 წლამდე ვადით, ხოლო დამამძიმებელი გარემოებების არსებობის შემთხვევაში – 5-დან 10 წლამდე ვადით, კონკრეტული გარემოებიდან გამომდინარე.
ყველა ახალი ამბავი
0