https://sputnik-georgia.com/20211121/gamyrelize-waxalisebis-semdeg-acrebze-mimartvianoba-gaotxmagda-262259713.html
გამყრელიძე: წახალისების შემდეგ აცრებზე მიმართვიანობა გაოთხმაგდა
გამყრელიძე: წახალისების შემდეგ აცრებზე მიმართვიანობა გაოთხმაგდა
Sputnik საქართველო
მოსახლეობის სულ მცირე 60% უნდა აიცრას, რათა გარდატეხა მოხდეს ეპიდსიტუაციაში, აღნიშნა გამყრელიძემ. 21.11.2021-ს, Sputnik საქართველო
2021-11-21T15:33+0400
2021-11-21T15:33+0400
2023-08-17T18:15+0400
covid-19 - ბოლო ცნობები
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/07/18/252411587_0:68:1280:788_1920x0_80_0_0_9f469692ac3d4d97caef55eceaf93f66.jpg
თბილისი, 21 ნოემბერი - Sputnik. კორონავირუსის საწინააღმდეგო ვაქცინაციის წახალისების გამოცხადების შემდეგ აცრების მაჩვენებელი გაიზარდა, კვირის სამუშაო დღეებში აიცრა 7 ათასი და ოდნავ მეტი, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.მისი თქმით, მას შემდეგ, რაც ქვეყანაში წახალისების მექანიზმი ამუშავდა და 200 ლარი ეძლევათ 60 წელზე მეტი ასაკის მოქალაქეებს ვაქცინის გაკეთებისთვის, ამ ასაკის მოსახლეობის აცრებზე მიმართვიანობის მაჩვენებელი გაოთხმაგდა, მაგრამ ეს მაინც არ არის საკმარისი.„ძალიან მაღალ დატვირთვაზე მუშაობს ჯანდაცვის სისტემა. დღევანდელი გარდაცვალების რიცხვია არის 76, რაც ძალიან ტრაგიკულია. ამ შემთხვევების პრევენციის ერთდერთი იარაღი არის ვაქცინაცია. ვაქცინაციის მოცვა გვაქვს 34,3%, რაც ძალიან დაბალია... მიუხედავად ამდენი საუბრისა, დამყოლობა ძალიან დაბალია“, – განაცხადა გამყრელიძემ.მისივე თქმით, იმისათვის, რომ ეპიდსიტუაციაში ოდნავი გარდატეხა მოხდეს, მოსახლეობის მინიმუმ 60% უნდა აიცრას.გამყრელიძემ ასევე აღნიშნა, რომ მრავალი მოწოდების მიუხედავად, ქვეყანაში პირბადის ტარების მაჩვენებელი საგრძნობლად დაკლებულია.„დავდივარ რაიონებში, სოფლებში, თბილისში, სამწუხაროდ, პირბადის მაჩვენებელი მაინც დაბალია - 37%, როცა გვინდა, რომ იყოს 80-90%. პირბადე ვაქცინის შემდეგ ერთ-ერთი მთავარი დამცავი იარაღია“, - აღნიშნა გამყრელიძემ.ქვეყანაში 8 ნოემბრიდან ამოქმედდა პროგრამა, რომლის ფარგლებშიც 200-ლარიან დანამატს ის პირები მიიღებენ, ვინც 31 დეკემბრის ჩათვლით პერიოდში აიცრება. გარდა ამისა, დაავადებათა კონტროლის ცენტრის წარმომადგენლები, მათ შორის თავად ამირან გამყრელიძე, რეგიონებს სტუმრობენ და იქ სხვადასხვა წამახალისებელ ღონისძიებებს აწყობენ. მაგალითად, გუშინ ასეთი აქცია გურჯაანსა და მარნეულში ჩატარდა, სადაც ვაქცინაციის სანაცვლოდ მოსახლეობას მობილური იუსტიციის სახლის სხვადასხვა მომსახურება უფასოდ შესთავაზეს. უფასო პირადობის მოწმობის და პასპორტის სანაცვლოდ აიცრა ათობით ადამიანი, მათ შორის პენსიონერები, აღნიშნა დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ.საქართველოში ვაქცინირებული პირებისთვის 1 დეკემბრიდან „მწვანე პასპორტების" კონცეფცია ამოქმედდება. „მწვანე პასპორტის" მოთხოვნა იმოქმედებს 18 წელს ზემოთ მოქალაქეებისთვის, ასევე ტურისტებისთვის. მოქალაქეები სხვადასხვა ობიექტებში (კვების ობიექტები, რესტორნები, კაფე-ბარები, კინოთეატრები, ოპერა, მუზეუმები, საკონცერტო დარბაზები, გასართობი ცენტრები, სამორინეები და სათამაშო ბიზნესის ობიექტები, სპა-ცენტრები, ფიტნეს-დარბაზები, სასტუმროები) მხოლოდ და მხოლოდ „მწვანე პასპორტით" შეძლებენ შესვლას.
https://sputnik-georgia.com/20211121/cicisvilis-bavsvta-klinikasi-erti-pacientis-mdgomareoba-kritikulad-mzimea-262258546.html
https://sputnik-georgia.com/20211119/200-lriani-danabati-pensionerebs-daericxebat-262223250.html
https://sputnik-georgia.com/20211120/piradobis-mowmoba-da-pasporti-ufasod-marneulsi-vaqcinaciis-wamaxalisebeli-programa-daiwyo-262250876.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
გამყრელიძე: წახალისების შემდეგ აცრებზე მიმართვიანობა გაოთხმაგდა
15:33 21.11.2021 (განახლებულია: 18:15 17.08.2023) მოსახლეობის სულ მცირე 60% უნდა აიცრას, რათა გარდატეხა მოხდეს ეპიდსიტუაციაში, აღნიშნა გამყრელიძემ.
თბილისი, 21 ნოემბერი - Sputnik. კორონავირუსის საწინააღმდეგო ვაქცინაციის წახალისების გამოცხადების შემდეგ აცრების მაჩვენებელი გაიზარდა, კვირის სამუშაო დღეებში აიცრა 7 ათასი და ოდნავ მეტი, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.
მისი თქმით, მას შემდეგ, რაც ქვეყანაში წახალისების მექანიზმი ამუშავდა და 200 ლარი ეძლევათ 60 წელზე მეტი ასაკის მოქალაქეებს ვაქცინის გაკეთებისთვის, ამ ასაკის მოსახლეობის აცრებზე მიმართვიანობის მაჩვენებელი გაოთხმაგდა, მაგრამ ეს მაინც არ არის საკმარისი.
„ძალიან მაღალ დატვირთვაზე მუშაობს ჯანდაცვის სისტემა. დღევანდელი გარდაცვალების რიცხვია არის 76, რაც ძალიან ტრაგიკულია. ამ შემთხვევების პრევენციის ერთდერთი იარაღი არის ვაქცინაცია. ვაქცინაციის მოცვა გვაქვს 34,3%, რაც ძალიან დაბალია... მიუხედავად ამდენი საუბრისა, დამყოლობა ძალიან დაბალია“, – განაცხადა გამყრელიძემ.
მისივე თქმით, იმისათვის, რომ ეპიდსიტუაციაში ოდნავი გარდატეხა მოხდეს, მოსახლეობის მინიმუმ 60% უნდა აიცრას.
გამყრელიძემ ასევე აღნიშნა, რომ მრავალი მოწოდების მიუხედავად, ქვეყანაში პირბადის ტარების მაჩვენებელი საგრძნობლად დაკლებულია.
„დავდივარ რაიონებში, სოფლებში, თბილისში, სამწუხაროდ, პირბადის მაჩვენებელი მაინც დაბალია - 37%, როცა გვინდა, რომ იყოს 80-90%. პირბადე ვაქცინის შემდეგ ერთ-ერთი მთავარი დამცავი იარაღია“, - აღნიშნა გამყრელიძემ.
ქვეყანაში 8 ნოემბრიდან ამოქმედდა პროგრამა, რომლის ფარგლებშიც 200-ლარიან დანამატს ის პირები მიიღებენ, ვინც 31 დეკემბრის ჩათვლით პერიოდში აიცრება.
გარდა ამისა, დაავადებათა კონტროლის ცენტრის წარმომადგენლები, მათ შორის თავად ამირან გამყრელიძე, რეგიონებს სტუმრობენ და იქ სხვადასხვა წამახალისებელ ღონისძიებებს აწყობენ. მაგალითად, გუშინ ასეთი აქცია გურჯაანსა და მარნეულში ჩატარდა, სადაც ვაქცინაციის სანაცვლოდ მოსახლეობას მობილური იუსტიციის სახლის სხვადასხვა მომსახურება უფასოდ შესთავაზეს. უფასო პირადობის მოწმობის და პასპორტის სანაცვლოდ აიცრა ათობით ადამიანი, მათ შორის პენსიონერები, აღნიშნა დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ.
საქართველოში ვაქცინირებული პირებისთვის 1 დეკემბრიდან „მწვანე პასპორტების" კონცეფცია ამოქმედდება. „მწვანე პასპორტის" მოთხოვნა იმოქმედებს 18 წელს ზემოთ მოქალაქეებისთვის, ასევე ტურისტებისთვის. მოქალაქეები სხვადასხვა ობიექტებში (კვების ობიექტები, რესტორნები, კაფე-ბარები, კინოთეატრები, ოპერა, მუზეუმები, საკონცერტო დარბაზები, გასართობი ცენტრები, სამორინეები და სათამაშო ბიზნესის ობიექტები, სპა-ცენტრები, ფიტნეს-დარბაზები, სასტუმროები) მხოლოდ და მხოლოდ „მწვანე პასპორტით" შეძლებენ შესვლას.
