ქართული კომპანიების ფასიანი ქაღალდები ლონდონის ბირჟაზე: ერთი კვირის ვაჭრობის შედეგები

© AFP 2024 / TOLGA AKMENლონდონის საფონდო ბირჟა
ლონდონის საფონდო ბირჟა - Sputnik საქართველო, 1920, 16.11.2021
გამოწერა
ლონდონის საფონდო ბირჟაზე საქართველოს მთავრობის ფასიანი ქაღალდების ღირებულება გასულ კვირაში შემცირდა.
თბილისი, 16 ნოემბერი — Sputnik. საქართველოს სუვერენული ობლიგაციების ღირებულება ლონდონის საფონდო ბირჟაზე გასულ კვირაში 0,36%-ით შემცირდა და 100,24 დოლარი შეადგინა, მოგება შეადგენს 2,69%-ს, ნათქვამია საინვესტიციო კომპანია Galt&Taggart-ის ანგარიშში.
კორპორაციული ობლიგაციებით ვაჭრობა
საინვესტიციო კომპანიის მონაცემებით, „საქართველოს ბანკის" ევროობლიგაციების ღირებულება ერთ კვირაში 0,01%-ით გაიზარდა, ვაჭრობა დაიხურა 2,22% მოგებით 106,25 პუნქტის ფასით. კომპანია Georgia Capital-ის გარიგებები ევროობლიგაციებზე დაიხურა 103,03 პუნქტის ფასით, 4,72% მოგებით, ფასი ერთ კვირაში 0,17%-ით შემცირდა.
საქართველოში იპოთეკით უზრუნველყოფილი ობლიგაციების გამოშვება შესაძლებელი ხდება>>
„საქართველოს რკინიგზის" ევროობლიგაციების ღირებულება გასულ კვირაში 0,05%-ით შემცირდა 101,35 პუნქტამდე, მოგება შეადგენს 3,77%-ს.
აქციებით ვაჭრობა
ფასი „საქართველოს ბანკის" აქციებზე ლონდონის საფონდო ბირჟაზე ერთ კვირაში 2,43%-ით გაიზარდა და ერთ აქციაზე 16,0 ფუნტი სტერლინგი შეადგინა. სულ კვირის განმავლობაში ბანკის 117 ათასი ფასიანი ქაღალდის ყიდვა–გაყიდვის გარიგება შედგა, ამასთან ფასი მერყეობდა ერთ აქციაზე 15,2–16,96 ფუნტის დიაპაზონში.
ლონდონის საფონდო ბირჟა - Sputnik საქართველო, 1920, 06.08.2021
2025 წლისთვის კაპიტალის ბაზარზე სახელმწიფო კომპანიების აქციების გატანა იგეგმება
კომპანია Georgia Capital-ის აქციების ფასი კვირის განმავლობაში გაიზარდა 3,99%-ით და ერთ აქციაზე 6,26 ფუნტი შეადგინა. სულ კვირის განმავლობაში კომპანიის 205 ათასი ფასიანი ქაღალდის ყიდვა–გაყიდვის გარიგება შესრულდა, ამასთან ფასი მერყეობდა ერთ აქციაზე 5,97–6,29 ფუნტის დიაპაზონში.
TBC Bank-ის აქციები ერთ კვირაში 0,76%-ით გაიზარდა 16,0 ფუნტამდე ერთ აქციაზე. სულ კვირის განმავლობაში კომპანიის 148 ათასი ფასიანი ქაღალდის ყიდვა–გაყიდვის გარიგება შედგა, ფასი მერყეობდა ერთ აქციაზე 15,58–16,04 ფუნტის დიაპაზონში.
ყველა ახალი ამბავი
0