https://sputnik-georgia.com/20211115/vakhtang-dzagnidze-262081126.html
ენერგეტიკოსი, რომელიც ორიგინალური ფორმის თემატურ სანათებს ამზადებს
ენერგეტიკოსი, რომელიც ორიგინალური ფორმის თემატურ სანათებს ამზადებს
Sputnik საქართველო
სანათები ბინაში მყუდრო გარემოს ქმნის, მაგრამ თუ ამის გარდა ისინი ხელოვნების რანგშია აყვანილი და ორიგინალური ფორმით გამოირჩევა, მაშინ ფუნქციონალურის გარდა... 15.11.2021-ს, Sputnik საქართველო
2021-11-15T15:15+0400
2021-11-15T15:15+0400
2021-11-15T20:13+0400
საზოგადოება
ინტერვიუ
საინტერესო ადამიანები
https://cdnn1.img.sputnik-georgia.com/img/07e5/0b/0f/262073196_0:279:1728:1251_1920x0_80_0_0_6c406e89709639149b40adf1c2239219.jpg
ვახტანგ ძაგნიძე პროფესიით ენერგეტიკოსია და ერთ-ერთ ენერგეტიკულ კომპანიაში მუშაობს. ბოლო დროს მის ცხოვრებაში გაჩნდა ახალი, საინტერესო გატაცება, რომელიც, შეიძლება ითქვას, მისი პროფესიისგან არც ისე შორსაა. მან სხვადასხვა ფორმის სანათების დამზადება დაიწყო და მისმა ნახელავმა უკვე დაიმსახურა მოწონება. თუ როგორ გაუჩნდა მსგავსი იდეა, რისგან ამზადებს მათ და სამომავლოდ რას აპირებს, ამას მასალიდან შეიტყობთ.- ბატონო ვახტანგ, პროფესიით ენერგეტიკოსი ხართ, თავის დროზე ალბათ ტექნიკური საგნები გიზიდავდათ...- დიახ, სკოლის პერიოდში საგნებიდან ყველაზე მეტად ფიზიკა მიზიდავდა და მისი სწავლა მიადვილდებოდა. ჩემს ოჯახში და გარემოცვაში არავინ ყოფილა ენერგეტიკის სფეროში, თუმცა მე მის მიმართ ინტერესი სულ მქონდა. ამიტომ სკოლის დამთავრების მერე შესაბამის ფაკულტეტზე ჩაბარება გადავწყვიტე. ტექნიკური უნივერსიტეტის ენერგეტიკის ფაკულტეტის წარმატებით დასრულების შემდგომ, 2007 წლიდან დღემდე ენერგეტიკულ კომპანია „საქრუსენერგოში“ ვმუშაობ. დღეს კოლეგებთან ერთად ქვეყნის უმნიშვნელოვანესი სტრატეგიული ელექტროგადამცემი ხაზების მუშაობას ვადევნებ თვალყურს.- რატომ გადაწყვიტეთ დეკორატიული და ორიგინალური სანათების კეთება, რაიმე კონკრეტული ფაქტი ხომ არ გახდა ამის ინსპირაცია?- ზოგადად ბავშვობიდან ვხატავ და ვხაზავ. ხაზვა მამაჩემისგან ვისწავლე. ჩემი უფროსი ძმა დღეს საკმაოდ წარმატებული მხატვარი და არქიტექტორია. მოკლედ, ჩვენი ოჯახი ძალიან ახლოსაა ხელოვნებასთან. სანათების შექმნის იდეა ჩვენს სოფელში ყოფნის დროს გამიჩნდა. ესაა ვანის რაიონის სოფელი დიხაშხო. ინსპირაცია გახდა ის ფაქტი, რომ ჩვენთან მრავლადაა ეკლის, აკაციის ხეები და მათ ყოველთვის ინტერესით ვაკვირდებოდი. ერთხელაც, დავფიქრდი, თუ რაში შეიძლებოდა ის გამომეყენებინა და სანათის გაკეთების იდეაც მაშინ დაიბადა.- ანუ თქვენი სანათები თქვენსავე ეზოში არსებული ხეებისგანაა გაკეთებული?- დიახ, ყველა ჩემი სანათისთვის, რომელიც ხისგანაა შექმნილი, ჩემი საკუთარი ეზოს ეკლის ხეებია გამოყენებული. მას ულამაზესი ფაქტურა და მერქანი აქვს.- პირველი სანათი რომელი იყო?- ჩემი პირველი სანათი სოფელში ყოფნის დროს, ერთი წლის წინ შევქმენი, სწორედ ეკლის (აკაციის) ხისგან. იგი იმდენად მოეწონა ყველას, რომ გადავწყვიტე მომავალშიც მეცადა ბედი და პირველისგან განსხვავებული დიზაინის სანათები გამეკეთებინა.- თქვენი ყველაზე ორიგინალური, ფავორიტი სანათი რომელია?- საერთოდ იოლ გზებს არასოდეს ვეძებ, მით უფრო, როცა საქმე ხელოვნებას ეხება. ჩემი ფავორიტი სანათი ძალიან უჩვეულოდაა დამზადებული. სახლის რემონტის დროს გამწოვის მილისთვის კედელი გავხვრიტეთ, რის შედეგადაც დაგვრჩა რკინა-ბეტონის ამონაჭერი, რომელსაც ხელოსანი გადაგდებას უპირებდა. როცა კარგად დავაკვირდი, სპონტანურად გამიჩნდა იდეა, რომ ეს ნაწილი სანათში გამომეყენებინა. მართლაც ორიგინალური გამოვიდა და მიხარია, რომ ჩემი ეს ნამუშევარი დღემდე ყველაზე დიდ მოწონებას იმსახურებს.- ოჯახში როგორ შეხვდნენ თქვენს გატაცებას?- მე მყავს მეუღლე და სამი შვილი. ოჯახში ჩემი გატაცება თავიდან ეუცნაურათ. საერთოდ, თავიდან არც ვამბობ რის გაკეთებას ვაპირებ. ბოლოს, როცა შედეგს ხედავენ, ძალიან მოსწონთ. ახარებთ ის ფაქტიც, რომ რასაც ვაკეთებ, ხალხი დადებითად აფასებს.- თემატურ სანათებსაც ამზადებთ?- მოგვიანებით დამებადა იდეა, რომ დამემზადებინა თემატური სანათები, რომლებსაც მომხმარებლის ცალკე სეგმენტი ეყოლებოდა. ასე შეიქმნა ლეგოების სანათი, რომელიც დღეს ჩემი შვილების სამეცადინო მაგიდაზეა. გულწრფელად გითხრათ, ნამდვილად არ მეგონა, ჩემი უბრალო ჰობი და გატაცება ასეთ მოწონებას თუ დაიმსახურებდა.- ვიცი, რომ 13 ივნისის თბილისის ტრაგედიის დროს სალიკვიდიაციო სამუშაოებში გამოჩენილი განსაკუთრებული წვლილისთვის ოფიციალური მადლობა დაიმსახურეთ...- დიახ, 13 ივნისის ტრაგედიის დროს დილიდან თითქმის ორი თვის მანძილზე სვანიძის ქუჩაზე ვიყავი, თავდაპირველად როგორც მოხალისე. თუმცა შემდეგ გაწმენდით სამუშაოებში ჩემი სამსახურიც ჩაერთო. მახსოვს, ხალხმა, რიგითმა თბილისელებმა როგორი სოლიდარობა გამოიჩინეს, უამრავი მოხალისე იყო. ჩვენ როგორც ტექნიკური ჯგუფი, ბოლოს გამოვედით. ფაქტობრივად იქ მანამდე დავრჩით, სანამ ტერიტორია ბოლომდე არ გაიწმინდა. ზოგადად ჩვენი კომპანია მაღალი საზოგადოებრივი პასუხისმგებლობით გამოირჩევა. ასევე უდიდესი სამუშაო გავწიეთ ბორჯომის ხანძრის სალიკვიდაციო სამუშაოების დროსაც. ჩვენს ყოველდღიურ ურთულეს სამუშაოზე აღარაფერს ვამბობ...- ამჟამად თუ გაქვთ რაიმე „მიმალული“ ოცნება, რომლის განხორციელებასაც სამომავლოდ აპირებთ?- სამომავლოდ ვაპირებ ჩემი ამჟამინდელი ჰობის განვითარებას და მისი მცირე ბიზნესად ქცევას. მინდა გავაკეთო სანათები სხვადასხვა სეგმენტების მიხედვით: საბავშვო, ხის, დეკორატიული ყვავილებით, მეტალის და ა.შ. ასევე ვაპირებ შევქმნა ელექტროგადამცემი ანძის ფორმის მქონე სანათი, რაც უშუალო კავშირია ჩემს პროფესიასთან.- სანათების დამზადების გარდა, ხატავთ კიდეც...- დიახ, თავისუფალ დროს, რომელიც თითქმის არ მაქვს, სულ ვხატავ. ჩემი რამდენიმე ნახატი აკრილითაა შესრულებული. ისინი ძირითადად აბსტრაქციებია და ჩემს გარემოცვაში ყველას მოსწონს. ასევე ვხატავ ფანქარშიც. ხატვა და ჩემი გატაცება დამქანცველი სამუშაო დღის შემდეგ სახლში მოსულს განტვირთვაში მეხმარება და სასიამოვნო განზომილებაში გადავყავარ...
Sputnik საქართველო
media@sputniknews.com
+74956456601
MIA „Rosiya Segodnya“
2021
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
თეონა გოგნიაშვილი
https://cdnn1.img.sputnik-georgia.com/img/22975/95/229759509_20:0:2126:2106_100x100_80_0_0_c3f6aac9ef9e6c4affc8488a71ff51f1.jpg
საზოგადოება, ინტერვიუ, საინტერესო ადამიანები
საზოგადოება, ინტერვიუ, საინტერესო ადამიანები
ენერგეტიკოსი, რომელიც ორიგინალური ფორმის თემატურ სანათებს ამზადებს
15:15 15.11.2021 (განახლებულია: 20:13 15.11.2021) სანათები ბინაში მყუდრო გარემოს ქმნის, მაგრამ თუ ამის გარდა ისინი ხელოვნების რანგშია აყვანილი და ორიგინალური ფორმით გამოირჩევა, მაშინ ფუნქციონალურის გარდა ესთეტიკური დატვირთვაც აქვს.
ვახტანგ ძაგნიძე პროფესიით ენერგეტიკოსია და ერთ-ერთ ენერგეტიკულ კომპანიაში მუშაობს. ბოლო დროს მის ცხოვრებაში გაჩნდა ახალი, საინტერესო გატაცება, რომელიც, შეიძლება ითქვას, მისი პროფესიისგან არც ისე შორსაა. მან სხვადასხვა ფორმის სანათების დამზადება დაიწყო და მისმა ნახელავმა უკვე დაიმსახურა მოწონება. თუ როგორ გაუჩნდა მსგავსი იდეა, რისგან ამზადებს მათ და სამომავლოდ რას აპირებს, ამას მასალიდან შეიტყობთ.
- ბატონო ვახტანგ, პროფესიით ენერგეტიკოსი ხართ, თავის დროზე ალბათ ტექნიკური საგნები გიზიდავდათ...
- დიახ, სკოლის პერიოდში საგნებიდან ყველაზე მეტად ფიზიკა მიზიდავდა და მისი სწავლა მიადვილდებოდა. ჩემს ოჯახში და გარემოცვაში არავინ ყოფილა ენერგეტიკის სფეროში, თუმცა მე მის მიმართ ინტერესი სულ მქონდა. ამიტომ სკოლის დამთავრების მერე შესაბამის ფაკულტეტზე ჩაბარება გადავწყვიტე. ტექნიკური უნივერსიტეტის ენერგეტიკის ფაკულტეტის წარმატებით დასრულების შემდგომ, 2007 წლიდან დღემდე ენერგეტიკულ კომპანია „საქრუსენერგოში“ ვმუშაობ. დღეს კოლეგებთან ერთად ქვეყნის უმნიშვნელოვანესი სტრატეგიული ელექტროგადამცემი ხაზების მუშაობას ვადევნებ თვალყურს.
- რატომ გადაწყვიტეთ დეკორატიული და ორიგინალური სანათების კეთება, რაიმე კონკრეტული ფაქტი ხომ არ გახდა ამის ინსპირაცია?
- ზოგადად ბავშვობიდან ვხატავ და ვხაზავ. ხაზვა მამაჩემისგან ვისწავლე. ჩემი უფროსი ძმა დღეს საკმაოდ წარმატებული მხატვარი და არქიტექტორია. მოკლედ, ჩვენი ოჯახი ძალიან ახლოსაა ხელოვნებასთან. სანათების შექმნის იდეა ჩვენს სოფელში ყოფნის დროს გამიჩნდა. ესაა ვანის რაიონის სოფელი დიხაშხო. ინსპირაცია გახდა ის ფაქტი, რომ ჩვენთან მრავლადაა ეკლის, აკაციის ხეები და მათ ყოველთვის ინტერესით ვაკვირდებოდი. ერთხელაც, დავფიქრდი, თუ რაში შეიძლებოდა ის გამომეყენებინა და სანათის გაკეთების იდეაც მაშინ დაიბადა.
- ანუ თქვენი სანათები თქვენსავე ეზოში არსებული ხეებისგანაა გაკეთებული?
- დიახ, ყველა ჩემი სანათისთვის, რომელიც ხისგანაა შექმნილი, ჩემი საკუთარი ეზოს ეკლის ხეებია გამოყენებული. მას ულამაზესი ფაქტურა და მერქანი აქვს.
- პირველი სანათი რომელი იყო?
- ჩემი პირველი სანათი სოფელში ყოფნის დროს, ერთი წლის წინ შევქმენი, სწორედ ეკლის (აკაციის) ხისგან. იგი იმდენად მოეწონა ყველას, რომ გადავწყვიტე მომავალშიც მეცადა ბედი და პირველისგან განსხვავებული დიზაინის სანათები გამეკეთებინა.
- თქვენი ყველაზე ორიგინალური, ფავორიტი სანათი რომელია?
- საერთოდ იოლ გზებს არასოდეს ვეძებ, მით უფრო, როცა საქმე ხელოვნებას ეხება. ჩემი ფავორიტი სანათი ძალიან უჩვეულოდაა დამზადებული. სახლის რემონტის დროს გამწოვის მილისთვის კედელი გავხვრიტეთ, რის შედეგადაც დაგვრჩა რკინა-ბეტონის ამონაჭერი, რომელსაც ხელოსანი გადაგდებას უპირებდა. როცა კარგად დავაკვირდი, სპონტანურად გამიჩნდა იდეა, რომ ეს ნაწილი სანათში გამომეყენებინა. მართლაც ორიგინალური გამოვიდა და მიხარია, რომ ჩემი ეს ნამუშევარი დღემდე ყველაზე დიდ მოწონებას იმსახურებს.
- ოჯახში როგორ შეხვდნენ თქვენს გატაცებას?
- მე მყავს მეუღლე და სამი შვილი. ოჯახში ჩემი გატაცება თავიდან ეუცნაურათ. საერთოდ, თავიდან არც ვამბობ რის გაკეთებას ვაპირებ. ბოლოს, როცა შედეგს ხედავენ, ძალიან მოსწონთ. ახარებთ ის ფაქტიც, რომ რასაც ვაკეთებ, ხალხი დადებითად აფასებს.
- თემატურ სანათებსაც ამზადებთ?
- მოგვიანებით დამებადა იდეა, რომ დამემზადებინა თემატური სანათები, რომლებსაც მომხმარებლის ცალკე სეგმენტი ეყოლებოდა. ასე შეიქმნა ლეგოების სანათი, რომელიც დღეს ჩემი შვილების სამეცადინო მაგიდაზეა. გულწრფელად გითხრათ, ნამდვილად არ მეგონა, ჩემი უბრალო ჰობი და გატაცება ასეთ მოწონებას თუ დაიმსახურებდა.
- ვიცი, რომ 13 ივნისის თბილისის ტრაგედიის დროს სალიკვიდიაციო სამუშაოებში გამოჩენილი განსაკუთრებული წვლილისთვის ოფიციალური მადლობა დაიმსახურეთ...
- დიახ, 13 ივნისის ტრაგედიის დროს დილიდან თითქმის ორი თვის მანძილზე სვანიძის ქუჩაზე ვიყავი, თავდაპირველად როგორც მოხალისე. თუმცა შემდეგ გაწმენდით სამუშაოებში ჩემი სამსახურიც ჩაერთო. მახსოვს, ხალხმა, რიგითმა თბილისელებმა როგორი სოლიდარობა გამოიჩინეს, უამრავი მოხალისე იყო. ჩვენ როგორც ტექნიკური ჯგუფი, ბოლოს გამოვედით. ფაქტობრივად იქ მანამდე დავრჩით, სანამ ტერიტორია ბოლომდე არ გაიწმინდა. ზოგადად ჩვენი კომპანია მაღალი საზოგადოებრივი პასუხისმგებლობით გამოირჩევა. ასევე უდიდესი სამუშაო გავწიეთ ბორჯომის ხანძრის სალიკვიდაციო სამუშაოების დროსაც. ჩვენს ყოველდღიურ ურთულეს სამუშაოზე აღარაფერს ვამბობ...
- ამჟამად თუ გაქვთ რაიმე „მიმალული“ ოცნება, რომლის განხორციელებასაც სამომავლოდ აპირებთ?
- სამომავლოდ ვაპირებ ჩემი ამჟამინდელი ჰობის განვითარებას და მისი მცირე ბიზნესად ქცევას. მინდა გავაკეთო სანათები სხვადასხვა სეგმენტების მიხედვით: საბავშვო, ხის, დეკორატიული ყვავილებით, მეტალის და ა.შ. ასევე ვაპირებ შევქმნა ელექტროგადამცემი ანძის ფორმის მქონე სანათი, რაც უშუალო კავშირია ჩემს პროფესიასთან.
- სანათების დამზადების გარდა, ხატავთ კიდეც...
- დიახ, თავისუფალ დროს, რომელიც თითქმის არ მაქვს, სულ ვხატავ. ჩემი რამდენიმე ნახატი აკრილითაა შესრულებული. ისინი ძირითადად აბსტრაქციებია და ჩემს გარემოცვაში ყველას მოსწონს. ასევე ვხატავ ფანქარშიც. ხატვა და ჩემი გატაცება დამქანცველი სამუშაო დღის შემდეგ სახლში მოსულს განტვირთვაში მეხმარება და სასიამოვნო განზომილებაში გადავყავარ...
