ქართველმა სუმოისტმა კიუშუ ბაშოს პირველი ორთაბრძოლა ტრავმის გამო გამოტოვა

© AFP 2024 / BEHROUZ MEHRIლევან გორგაძე
ლევან გორგაძე - Sputnik საქართველო, 1920, 15.11.2021
გამოწერა
თუ კიუშუ ბაშოზე უარყოფითი ბალანსი დაუფიქსირდება, დიდია ალბათობა, რომ ტოჩინოშინმა უმაღლესი დივიზიონი დატოვოს.
თბილისი, 15 ნოემბერი – Sputnik. ქართველმა სუმოისტმა ლევან გორგაძემ, იგივე ტოჩინოშინმა ტრავმის გამო ნოემბრის ბაშოს პირველ ორთაბრძოლაში მონაწილეობა ვერ მიიღო.
ტურნირის პირველ დღეს ტოჩინოშინი, რომელიც ამჟამად დასავლეთის მე-13 მაეგაშირას რანგშია, აღმოსავლეთის მე-13 მაეგაშირას იუტაკაიამას უნდა შეხვედროდა.
სასწაული არ მომხდარა - ტოჩინოშინმა ტოკიოს ტურნირი უარყოფითი ბალანსით დაასრულა>>
ტოჩინოშინმა ტრავმა ტურნირის დაწყებამდე ერთ-ერთ ბოლო ვარჯიშზე მიიღო. სუმოს იაპონური ასოციაციის განცხადებით, სრული აღდგენისთვის ქართველ სპორტსმენს ორი კვირა დასჭირდება. ეს ნიშნავს, რომ ის კიუშუ ბაშოს გამოტოვებს. თავად გორგაძეს იმედი აქვს, რომ დოჰიოზე უფრო ადრე დაბრუნდება.
გაგა მარუ
 - Sputnik საქართველო, 1920, 14.11.2021
„ვარჯიშის დროს სიკვდილი მინატრია“ - ქართველი სუმოისტის იაპონური თავგადასავალი
ტოჩინოშინმა უკვე ზედიზედ მეხუთედ დაასრულა ტურნირები უარყოფითი ბალანსით. თუ ასეთივე შედეგი დაფიქსირდა კიუშუ ბაშოზე, დიდი ალბათობაა, რომ მას სუმოს უმაღლესი დივიზიონის დატოვება მოუწიოს. ფაქტობრივად ეს 34 წლის გორგაძის კარიერის დასრულება იქნება.
კიუშუ ბაშო 28 ნოემბრამდე გაგრძელდება.
ყველა ახალი ამბავი
0