სკანდალი IPSOS-ის კვლევასთან დაკავშირებით: ვინ გააყალბა მონაცემები

© photo: Sputnik / Stringerთბილისი
თბილისი - Sputnik საქართველო, 1920, 29.10.2021
გამოწერა
ქართული ოპოზიციური არხის მიერ ჩატარებული გამოკითხვის შედეგები არ დაემთხვა კომპანიის ვებგვერდზე გამოქვეყნებულ მონაცემებს
თბილისი, 29 ოქტომბერი — Sputnik. ოპოზიციური ტელეკომპანია „მთავარი არხის" დაკვეთით კომპანია IPSOS-ის მიერ ჩატარებული გამოკითხვის შედეგები არჩევნების წინ დიდი პოლიტიკური სკანდალის საბაბი გახდა.
„მთავარმა არხმა" IPSOS-ის კვლევის შედეგები ოთხშაბათს გაავრცელა, რომლის თანახმად, „ნაციონალური მოძრაობის" კანდიდატებს ზუგდიდში, რუსთავში, ქუთაისსა და ბათუმში მერების არჩევნებში გამარჯვების შანსები აქვთ.
რაც შეეხება თბილისს, აქ მოქმედი მერი და მმართველი პარტია „ქართული ოცნების" მერობის კანდიდატი კახა კალაძე უსწრებს თავის კონკურენტს – „ნაციონალური მოძრაობის" ლიდერს ნიკა მელიას.
ნიკა მელიას საარჩევნო ბანერი - Sputnik საქართველო, 1920, 28.10.2021
IPSOS-ის კვლევა მეორე ტურის წინ: თბილისის გარდა ყველა დიდ ქალაქში – პოზიცია თუ ოპოზიცია?
მაგრამ მეორე დღეს მმართველმა პარტიამ ბრიფინგი ჩაატარა და გამოკითხვის მონაცემები გააპროტესტა, რადგან „მთავარი არხის“ მიერ გამოცხადებული და Ipsos-ის ვებ-გვერდზე გამოქვეყნებული მონაცემები ერთმანეთს არ დაემთხვა.

„ფაქტები ადასტურებს, რომ ეს კვლევა მანიპულაციაა. ზუგდიდში „ნაცმოძრაობას" ხმები 5-6%-ით მომატებული აქვს, მაშინ როცა Ipsos-ის ვებ-გვერდზე გამოქვეყნებული შედეგებით ზუგდიდში „ქართული ოცნების" კანდიდატი მამუკა წოწერია იმარჯვებს", – განაცხადა მმართველი პარტიის ერთ-ერთმა ლიდერმა შალვა პაპუაშვილმა Ipsos-ის უკრაინულ ვერსიაზე გამოქვეყნებულ მონაცემებზე დაყრდნობით.

კომპანიის ვებ-გვერდზე გამოკითხვის შედეგების გამოქვეყნებამ „მთავარი არხის" ხელმძღვანელობის უკმაყოფილება გამოიწვია.
„სრულიად გამაოგნებელია ის ფაქტი, რომ ტელეკომპანია თავისი დიდი ხნის კეთილსაიმედო პარტნიორი კომპანიის Ipsos Global-ის პოზიციას პირველად ისმენს „ქართული ოცნების" მიერ გამართულ ბრიფინგზე. იმედს ვიტოვებთ, რომ სამწუხარო გაუგებრობასთან გვაქვს საქმე და უახლოეს საათებში მივიღებთ შესაბამის ახსნა-განმარტებას და ეს ინციდენტი ამით ამოიწურება. წინააღმდეგ შემთხვევაში ჩვენ საკუთარ პოზიციას ხვალ, 12:00 საათზე გავაცნობთ საზოგადოებას", – განაცხადა „მთავარი არხის" გენერალურმა დირექტორმა ნიკა გვარამიამ.
ტელეკომპანია „მთავარმა არხმა" კომპანია IPSOS-ს არჩევნების წინ არა მარტო გამოკითხვები, არამედ კენჭისყრის დღეს ეგზიტპოლებიც დაუკვეთა.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური