Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოში სამედიცინო პერსონალის 30% ჯერ კიდევ არ არის ვაქცინირებული

© AP Photo / Armando Francaვაქცინაცია
ვაქცინაცია - Sputnik საქართველო, 1920, 29.10.2021
გამოწერა
ეპიდემიოლოგები სამედიცინო პერსონალს მაღალი რისკის ჯგუფად ასახელებენ, ამიტომ ისინი ექიმების სავალდებულო ვაქცინაციას საჭიროდ მიიჩნევენ.
თბილისი, 29 ოქტომბერი — Sputnik. საქართველოში ვაქცინირებულია სამედიცინო სფეროში დასაქმებულთა 72%, რაც დაბალ მაჩვენებლად ითვლება, განაცხადა იმუნიზაციის მრჩეველთა ეროვნული ტექნიკური ჯგუფის ხელმძღვანელმა, იაშვილის სახელობის ბავშვთა ცენტრალური სააადმყოფოს სამედიცინო დირექტორმა ივანე ჩხაიძემ Palitranews-ის ეთერში.
ჩხაიძის თქმით, აუცილებელია ისეთი მეთოდების მოძიება, რომელიც მნიშვნელოვნად გაზრდის ვაქცინაციის მაჩვენებელს არა მხოლოდ მედპერსონალს შორის, არამედ მთლიანად მოსახლეობაში.
„სამწუხაროდ, ეს მაჩვენებელი გაცილებით დაბალია, ვიდრე უნდა იყოს. რეალურად მედპერსონალის 72%-იც რომ იყოს აცრილი, ჩვენ არავაქცინირებული ექიმების 30% გვრჩება", – განაცხადა ჩხაიძემ.
ირაკლი ღარიბაშვილი აიცრა - Sputnik საქართველო, 1920, 24.10.2021
COVID-19 - ბოლო ცნობები
„არ დავუშვებ“ - ღარიბაშვილი სავალდებულო ვაქცინაციის კატეგორიული წინააღმდეგია
მისი განცხადებით, ვაქცინაციაზე უარის თქმის ერთ-ერთი მიზეზი მოქალაქეებში აცრის თაობაზე არასაკმარისი ინფორმირებულობაა, ამიტომაც ქვეყანაში ვაქცინაციის ტემპის გასაზრდელად საჭიროა სხვადასხვა ქალაქებსა და სოფლებში საზოგადოების მეტად ინფორმირება.
„ადამიანებს არ სჯერათ კორონავირუსის, როგორც სერიოზული დაავადების. არ სჯერათ მასთან დაკავშირებული რისკების, ეჭვი ეპარებათ ვაქცინების ეფექტურობასა და მათ უსაფრთხოებაში", – განმარტავს ჩხაიძე.
როგორც მედიკოსმა აღნიშნა, აუცილებელია სისტემატურად მოხდეს ვაქცინაციის სარგებლიანობის შესახებ საზოგადოებისთვის ინფორმაციის მიწოდება.

„ასეთია მაგალითად, „მწვანე პასპორტის" იდეა – ადამიანებს, რომელთაც ჩატარებული აქვთ ორჯერადი აცრა, ჰქონდეთ შესაძლებლობა, შეზღუდვის გარეშე მიიღონ ის სერვისები, რომლებიც ჯერჯერობით ასეთი ღია არ არის – თეატრი, ბიბლიოთეკა, რესტორანი, ბარი, ღამის კლუბი. ეს ჩამონათვალი შეიძლება ძალიან ფართო იყოს. ადამიანი, რომელმაც მაღალი პასუხისმგებლობა გამოიჩინა და ჩაიტარა ვაქცინაცია, ამ სერვისებით უნდა სარგებლობდეს", – განაცხადა ჩხაიძემ.

ბოლო მონაცემებით, საქართველოში ვაქცინაციის სრული კურსი ზრდასრული მოსახლეობის დაახლოებით 33%-ს აქვს გავლილი.
პანდემიის დაწყებიდან დღემდე საქართველოში კორონავირუსის 711.255 შემთხვევაა დადასტურებული, გარდაიცვალა 9.961 ადამიანი. კორონავირუსით დაავადებულთა რაოდენობა ბოლო დღე-ღამის განმავლობაში 3.965-ით გაიზარდა.
ყველა ახალი ამბავი
0