https://sputnik-georgia.com/20211028/moldovis-meri-parlamentsa-da-mtavrobis-senobebsi-gatbobis-gamortvas-moitxovs-261562461.html
მერის ინიციატივა: გამოირთოს გათბობა პარლამენტისა და მთავრობის შენობებში
მერის ინიციატივა: გამოირთოს გათბობა პარლამენტისა და მთავრობის შენობებში
Sputnik საქართველო
თბილისი, 28 ოქტომბერი — Sputnik. კიშინიოვის მერი იონ ჩებანი ქვეყნის მთავრობისა და პარლამენტის შენობებში გათბობის გამორთვას მოითხოვს, რათა გაზის კრიზისის... 28.10.2021-ს, Sputnik საქართველო
2021-10-28T13:02+0400
2021-10-28T13:02+0400
2023-07-20T15:53+0400
მსოფლიო დღეს
პოლიტიკა
საზოგადოება
მსოფლიოს ახალი ამბები
https://cdnn1.img.sputnik-georgia.com/img/23905/48/239054899_0:98:1920:1178_1920x0_80_0_0_124c991a1a384f33b89c5b42c7c8d388.jpg
თბილისი, 28 ოქტომბერი — Sputnik. კიშინიოვის მერი იონ ჩებანი ქვეყნის მთავრობისა და პარლამენტის შენობებში გათბობის გამორთვას მოითხოვს, რათა გაზის კრიზისის პირობებში ენერგორესურსები დაიზოგოს. ამის შესახებ მან საკუთარ Facebook-ზე დაწერა და შესაბამისი ვიდეომიმართვაც გაავრცელა.მისი თქმით, ჩამოთვლილი დაწესებულებებიდან ბევრის სისტემა ავტონომიურია და, შესაბამისად, „ლოგიკურია, რომ მათ თავად გათიშონ გათბობა ადამიანების სასარგებლოდ“.იონ ჩებანის აზრით, გათბობა პირველ რიგში იმ ოჯახებს უნდა მიეწოდოს, რომლებშიც პატარა ბავშვები არიან და რომლებიც იძულებული არიან, სხვადასხვა გზებით გაათბონ საცხოვრებლები მაშინ, როდესაც „ვიღაც სითბოში ზის და ეშინია, რომ ყველაფერს თავისი სახელი დაარქვას“.კიშინიოვის მერი დარწმუნებულია, რომ ჩინოვნიკები ენერგეტიკულ კრიზისს უფრო მალე გადაჭრიან, თუ თავად შესცივდებათ.მოლდოვის პარლამენტმა 22 ოქტომბერს საგანგებო მდგომარეობა გამოაცხადა ქვეყანაში ენერგეტიკული კრიზისის გამო.მანამდე „გაზპრომის“ ოფიციალურმა წარმომადგენელმა სერგეი კუპრიანოვმა განაცხადა, რომ მოლდოვას კომპანიის მიმართ უზარმაზარი ვალი დაუგროვდა. მისი თქმით, ძირითადი ვალის მოცულობა 433 მლნ დოლარია, ხოლო გადახდების დაგვიანების გათვალისწინებით, ვალის მთლიანი რაოდენობა 709 მლნ დოლარს აღწევს. ამასთან მან განაცხადა, რომ „გაზპრომი“ მზადაა გაახანგრძლივოს კონტრაქტი მოლდოვასთან, თუ ის ვალს სრულად დაფარავს, ხოლო თუ „გაზის მიწოდების საფასური სრულად არ დაიფარება და ახალ კონტრაქტს 1 დეკემბრამდე არ მოეწერება ხელი, „გაზპრომი“ შეაჩერებს მოლდოვისთვის გაზის მიწოდებას“.მოგვიანებით მოლდოვამ 1 მლნ კუბომეტრი ბუნებრივი აირი საცდელი ვადით შეიძინა პოლონეთისგან, რაც მოლდოვის რესპუბლიკის ისტორიაში ალტერნატიული წყაროებიდან გაზის შესყიდვის პირველი შემთხვევა იყო. კონტრაქტი გაზის საცდელ შესყიდვაზე 25 ოქტომბერს გაფორმდა მოლდოვურ კომპანია Energocom-სა და პოლონურ კონცერნ PGNiG-ს შორის.
https://sputnik-georgia.com/20211026/moldovam-gazi-polonetisgan-seizina-261486274.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
პოლიტიკა, საზოგადოება, მსოფლიოს ახალი ამბები
პოლიტიკა, საზოგადოება, მსოფლიოს ახალი ამბები
თბილისი, 28 ოქტომბერი — Sputnik. კიშინიოვის მერი იონ ჩებანი ქვეყნის მთავრობისა და პარლამენტის შენობებში გათბობის გამორთვას მოითხოვს, რათა გაზის კრიზისის პირობებში ენერგორესურსები დაიზოგოს.
ამის შესახებ მან საკუთარ Facebook-ზე დაწერა და შესაბამისი ვიდეომიმართვაც გაავრცელა.
„გთავაზობთ, გათბობა გამოვრთოთ მთავრობისა და პარლამენტის შენობებში, პრეზიდენტის სასახლეში, სამინისტროებში, ყველა ჩინოვნიკის კაბინეტში და ის ხალხს მივცეთ. მერია ასევე გათიშავს გათბობას ამ დღეებში“, — აცხადებს მოლდოვის დედაქალაქის თავი.
მისი თქმით, ჩამოთვლილი დაწესებულებებიდან ბევრის სისტემა ავტონომიურია და, შესაბამისად, „ლოგიკურია, რომ მათ თავად გათიშონ გათბობა ადამიანების სასარგებლოდ“.
იონ ჩებანის აზრით, გათბობა პირველ რიგში იმ ოჯახებს უნდა მიეწოდოს, რომლებშიც პატარა ბავშვები არიან და რომლებიც იძულებული არიან, სხვადასხვა გზებით გაათბონ საცხოვრებლები მაშინ, როდესაც „ვიღაც სითბოში ზის და ეშინია, რომ ყველაფერს თავისი სახელი დაარქვას“.
კიშინიოვის მერი დარწმუნებულია, რომ ჩინოვნიკები ენერგეტიკულ კრიზისს უფრო მალე გადაჭრიან, თუ თავად შესცივდებათ.
მოლდოვის პარლამენტმა 22 ოქტომბერს საგანგებო მდგომარეობა გამოაცხადა ქვეყანაში ენერგეტიკული კრიზისის გამო.
მანამდე „გაზპრომის“ ოფიციალურმა წარმომადგენელმა სერგეი კუპრიანოვმა განაცხადა, რომ მოლდოვას კომპანიის მიმართ უზარმაზარი ვალი დაუგროვდა. მისი თქმით, ძირითადი ვალის მოცულობა 433 მლნ დოლარია, ხოლო გადახდების დაგვიანების გათვალისწინებით, ვალის მთლიანი რაოდენობა 709 მლნ დოლარს აღწევს. ამასთან მან განაცხადა, რომ „გაზპრომი“ მზადაა გაახანგრძლივოს კონტრაქტი მოლდოვასთან, თუ ის ვალს სრულად დაფარავს, ხოლო თუ „გაზის მიწოდების საფასური სრულად არ დაიფარება და ახალ კონტრაქტს 1 დეკემბრამდე არ მოეწერება ხელი, „გაზპრომი“ შეაჩერებს მოლდოვისთვის გაზის მიწოდებას“.
მოგვიანებით მოლდოვამ 1 მლნ კუბომეტრი ბუნებრივი აირი საცდელი ვადით შეიძინა პოლონეთისგან, რაც მოლდოვის რესპუბლიკის ისტორიაში ალტერნატიული წყაროებიდან გაზის შესყიდვის პირველი შემთხვევა იყო. კონტრაქტი გაზის საცდელ შესყიდვაზე 25 ოქტომბერს გაფორმდა მოლდოვურ კომპანია Energocom-სა და პოლონურ კონცერნ PGNiG-ს შორის.
