ზამირ ქაბულოვმა „მოსკოვის ფორმატის“ დეტალებზე ისაუბრა

© photo: Sputnik / Nina Zotinaზამირ ქაბულოვი
ზამირ ქაბულოვი - Sputnik საქართველო, 1920, 25.10.2021
გამოწერა
თბილისი, 25 ოქტომბერი — Sputnik. მოსკოვი თალიბებისგან მეტი ლიბერალიზმის გამოვლენას ელის მოსახლეობისადმი, განაცხადა რუსეთის პრეზიდენტის სპეცწარმომადგენელმა ავღანეთის საკითხებში ზამირ ქაბულოვმა.
დღეს საერთაშორისო საინფორმაციო სააგენტო Россия Сегодня-ს პრესცენტრში ქაბულოვის პრესკონფერენცია გაიმართა, სადაც მან ავღანეთის დროებითი მთავრობის წარმომადგენლებთან „მოსკოვის ფორმატის“ შეხვედრის დეტალებსა და მიღწეულ შეთანხმებებზე ისაუბრა.

„[ავღანეთის] ახალი ხელისუფლებისგან ჩვენ ველით მეტ ლიბერალიზმს. დიახ, საკუთარ კულტურულ-რელიგიურ ტრადიციებზე დაყრდნობით, მაგრამ მეტ ლიბერალიზმს“, — განაცხადა მან პრესკონფერენციაზე.

ამასთან ქაბულოვმა აღნიშნა, რომ თალიბებისთვის ინკლუზიური მთავრობის ფორმირების საკითხში არანაირი დროითი ჩარჩოები არ არსებობს.
„არანაირი ვადები არ არის დადგენილი. ეს არ ყოფილა „მოსკოვის ფორმატის“ ამოცანა. ჩვენ იმისთვის არ შევკრებილვართ, რომ თალიბებისთვის მათი შემდგომი საქმიანობის გრაფიკი დაგვეწესებინა“, — აღნიშნა სპეცწარმომადგენელმა.
თალიბები მოსკოვის ფორმატის სხდომაზე - Sputnik საქართველო, 1920, 25.10.2021
მსოფლიო დღეს
შავი სიიდან ამოღება შესაძლებელია: თალიბანი კმაყოფილია რუსეთის პრეზიდენტის სიტყვებით
ქაბულოვის თქმით, მოსკოვი აღმაშფოთებლად მიიჩნევს ევროპისა და აშშ-ის პოზიციას, რომლებიც ქაბულის ფინანსური აქტივების განბლოკვას არ აპირებენ.

„საუბარია ქვეყნის ეროვნულ ავუარებზე და არა მოძრაობა „თალიბანისა“, რომელიც ახლა ხელისუფლებაშია... რამდენადაც ვიცით, დაახლოებით 9 მილიარდზე მეტი ავუარიდან რვაზე მეტი აშშ-შია განთავსებული, ხოლო მილიარდნახევარი ევროპაშია დაბლოკილი. ეს აბსულუტურად აღმაშფოთებელია და ისინი უნდა განიბლოკოს“, — მიაჩნია ქაბულოვს.

მისი თქმით, ვაშინგტონის განცხადებები, რომ აშშ ავღნალების კეთილდღეობაზე ზრუნავს, ამ კონტექსტში პირფერულია.
„ეს აუცილებლად უნდა გადაიჭრას. ჩვენ ვეცდებით მივაღწიოთ [განბლოკვას] სხვა საერთაშორისო პარტნიორებთან... აქ აუცილებელია ელემენტარული წესიერება, რომ აღარაფერი ვთქვათ საერთაშორისო სამართალზე“, — აღნიშნა დიპლომატმა.
ვლადიმირ პუტინი - Sputnik საქართველო, 1920, 22.10.2021
კლუბ „ვალდაის“ სხდომა: რაზე ისაუბრა რუსეთის პრეზიდენტმა
რაც შეეხება რუსეთს, ქაბულოვის თქმით, ავღანელ ხალხზე ზრუნვის ფარგლებში, სავარაუდოდ უკვე ამ კვირაში გაგზავნის იქ ჰუმანიტარულ დახმარებას, მათ შორის, მედიკამენტებს.

„ახლა მუშავდება ოპტიმალური თარიღები, თუ როდის გაკეთდება ეს, ვინაიდან ოპერაცია მოიცავს არა მარტო ჰუმანიტარული დახმარების ჩატანას, არამედ იქიდან რუსეთის მოქალაქეებისა და [ავღანელი] სტუდენტების გამოყვანას. უნდა დამუშავდეს ყველა დეტალი, რათა უსიამოვნო სიურპტოზები არ მოხდეს. განსაკუთრებით, ადამიანებისთვის. ამიტომაც სჭირდება ამას დრო, თორემ პრეზიდენტმა პრინციპული გადაწყვეტილება უკვე დიდი ხანია, მიიღო“, — განაცხადა ქაბულოვმა.

ამასთან მან აღნიშნა, რომ რუსეთი მონაწილეობას მიღებს ავღანეთთან დაკავშირებულ კონფერენციაში, რომელიც ირანში გაიმართება 27 ოქტომბერს.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური