https://sputnik-georgia.com/20211025/lindgrenis-premiaze-xuti-mweralia-wardgenili-261465018.html
ასტრიდ ლინდგრენის პრემიაზე 2022 წელს ხუთი ქართველი მწერალია წარდგენილი
ასტრიდ ლინდგრენის პრემიაზე 2022 წელს ხუთი ქართველი მწერალია წარდგენილი
Sputnik საქართველო
საბავშვო ლიტერატურის დარგში პრესტიჟული პრემიის პრეტენდენტი წელს სულ 71 ქვეყნის 283 წარმომადგენელი გახდა. 25.10.2021-ს, Sputnik საქართველო
2021-10-25T16:30+0400
2021-10-25T16:30+0400
2021-10-25T22:50+0400
საზოგადოება
ახალი ამბები
საქართველო
კულტურა საქართველოში
https://cdnn1.img.sputnik-georgia.com/img/07e4/0a/1a/249806792_0:0:3089:1739_1920x0_80_0_0_d7ef7ae8b271e49f7588bde4385a7d3f.jpg
თბილისი, 25 ოქტომბერი — Sputnik. საქართველომ ცნობილი შვედი საბავშვო მწერლის ასტრიდ ლინდგრენის საერთაშორისო პრემიაზე 2022 წლისთვის ხუთი ნომინანტი წარადგინა. ნომინანტების ვინაობა პრემიის ოფიციალურ ვებ-გვერდზეა გამოქვეყნებული.პრემიის ნომინანტებს შორის არიან მწერლები ზაზა აბზიანიძე, ვარლამ ჯმუხაძე, ირმა მალაციძე, თეა თოფურია, მარიამ წიკლაური, ასევე წმინდა ალექსანდრე ოქროპირიძის სახელობის ნიქოზის ხელოვნების სკოლა.ირმა მალაციძე საბავშვო მწერალი, ჟურნალისტი და მთარგმნელია. დაიბადა 1968 წელს ხაშურში. ის საბავშვო ლიტერატურის ფონდის დამფუძნებელი და ხელმძღვანელია. მუშაობდა ჟურნალისტად საზოგადოებრივ მაუწყებელსა და რამდენიმე საინფორმაციო სააგენტოსა და გაზეთში. პირველი გამარჯვებულია კონკურსისა „ახალი სახეები ქართულ საბავშვო ლიტერატურაში". არის კონკურსების „პენ–მარათონისა" და „ლუარსაბ თათქარიძის" ფინალისტი, „საბას" ნომინანტი. 2021 წელს ასევე ნომინირებული იყო ასტრიდ ლინდგრენის ლიტერატურულ პრემიაზე.ზაზა აბზიანიძე ლიტერატურის ისტორიკოსი და ესეისტი, 150-მდე სამეცნიერო ნაშრომისა და 15 წიგნის ავტორია. ხელმძღვანელობს საგამომცემლო პროგრამას „100 ადამიანი, რომელმაც შეცვალა მსოფლიო", „დიდი ქართველები" და „ქართული სიტყვიერება". 2013 წელს ნომინირებული იყო ასტრიდ ლინდგრენის ლიტერატურულ პრემიაზე. თეა თოფურია ქართველი მწერალი, პოეტი, ჟურნალისტი და რედაქტორია. დაიბადა 1977 წელს სოხუმში. 1998 წლიდან მუშაობს ჟურნალისტიკაში, აშუქებს ადამიანის უფლებებთან და გარემოს დაცვასთან დაკავშირებულ თემებს. არის მრავალრიცხოვანი ლიტერატურული კონკურსის ლაურეატი. მისი საბავშვო წიგნის „წყალდიდობა ზოოპარკში" გერმანულმა თარგმანმა, რომელიც თბილისში მომხდარი წყალდიდობის რეალურ მოვლენებს ეფუძნება, გერმანიაში ლიტერატურული ჯილდო მიიღო. 2021 წელს ნომინირებული იყო ასტრიდ ლინდგრენის ლიტერატურულ პრემიაზე.ვარლამ ჯმუხაძე – ქართველი ილუსტრატორი, მრავალი გამოფენის ავტორი, შექმნა ქართული მითოლოგიის გმირთა ილუსტრაციები. ვარლამ ჯმუხაძე რამდენიმე წელია თანამშრომლობს „სულაკაურის" გამომცემლობასთან. ჯმუხაძის ილუსტრაციებით გამოცემულია არაერთი ცნობილი წიგნი.მარიამ წიკლაური არაერთი საბავშვო წიგნის ავტორი და მთარგმნელია. არის რამდენიმე პრესტიჟული ლიტერატურული პრემიის მფლობელი, რომელთა შორისაა „შოთაობა", „საგურამო", იაკობ გოგებაშვილის სახელობის პრემია და სხვ. მარიამ წიკლაურის პოეზია და თარგმანები ჩართულია ბევრ ქართულ და უცხოურ კრებულებსა და სახელმძღვანელოებში. 2021 წელს ნომინირებული იყო ასტრიდ ლინდგრენის ლიტერატურულ პრემიაზე.ასტრიდ ლინდგრენის ხსოვნის პრემია (Astrid Lindgren Memorial Award) არის შვედური პრემია მიღწევებისთვის საბავშვო ლიტერატურაში, რომელიც შვედეთის მთავრობამ 2002 წელს დააწესა. პრემია გაიცემა ყოველ წელს, საპრიზო ფონდი 5 მილიონ შვედურ კრონს (ნახევარ მილიონ აშშ დოლარზე მეტს) შეადგენს.2022 წელს პრესტიჟული პრემიის პრეტენდენტი 71 ქვეყნის 283 წარმომადგენელი გახდა.
https://sputnik-georgia.com/20211017/mweralta-saxli-tbilisis-literaturul-festivals-maspinzlobs-260626408.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, კულტურა საქართველოში
საზოგადოება, ახალი ამბები, საქართველო, კულტურა საქართველოში
ასტრიდ ლინდგრენის პრემიაზე 2022 წელს ხუთი ქართველი მწერალია წარდგენილი
16:30 25.10.2021 (განახლებულია: 22:50 25.10.2021) საბავშვო ლიტერატურის დარგში პრესტიჟული პრემიის პრეტენდენტი წელს სულ 71 ქვეყნის 283 წარმომადგენელი გახდა.
თბილისი, 25 ოქტომბერი — Sputnik. საქართველომ ცნობილი შვედი საბავშვო მწერლის ასტრიდ ლინდგრენის საერთაშორისო პრემიაზე 2022 წლისთვის ხუთი ნომინანტი წარადგინა. ნომინანტების ვინაობა პრემიის ოფიციალურ
ვებ-გვერდზეა გამოქვეყნებული.
პრემიის ნომინანტებს შორის არიან მწერლები ზაზა აბზიანიძე, ვარლამ ჯმუხაძე, ირმა მალაციძე, თეა თოფურია, მარიამ წიკლაური, ასევე წმინდა ალექსანდრე ოქროპირიძის სახელობის ნიქოზის ხელოვნების სკოლა.
აღსანიშნავია, რომ ნომინანტებს საქართველოდან, ტრადიციულად, ილია ჭავჭავაძის სახელობის საქართველოს პარლამენტის ეროვნული ბიბლიოთეკა წარადგენდა ხოლმე, ამიერიდან კი მათ მწერალთა სახლი დაასახელებს.
ირმა მალაციძე საბავშვო მწერალი, ჟურნალისტი და მთარგმნელია. დაიბადა 1968 წელს ხაშურში. ის საბავშვო ლიტერატურის ფონდის დამფუძნებელი და ხელმძღვანელია. მუშაობდა ჟურნალისტად საზოგადოებრივ მაუწყებელსა და რამდენიმე საინფორმაციო სააგენტოსა და გაზეთში. პირველი გამარჯვებულია კონკურსისა „ახალი სახეები ქართულ საბავშვო ლიტერატურაში". არის კონკურსების „პენ–მარათონისა" და „ლუარსაბ თათქარიძის" ფინალისტი, „საბას" ნომინანტი. 2021 წელს ასევე ნომინირებული იყო ასტრიდ ლინდგრენის ლიტერატურულ პრემიაზე.
ზაზა აბზიანიძე ლიტერატურის ისტორიკოსი და ესეისტი, 150-მდე სამეცნიერო ნაშრომისა და 15 წიგნის ავტორია. ხელმძღვანელობს საგამომცემლო პროგრამას „100 ადამიანი, რომელმაც შეცვალა მსოფლიო", „დიდი ქართველები" და „ქართული სიტყვიერება". 2013 წელს ნომინირებული იყო ასტრიდ ლინდგრენის ლიტერატურულ პრემიაზე.
თეა თოფურია ქართველი მწერალი, პოეტი, ჟურნალისტი და რედაქტორია. დაიბადა 1977 წელს სოხუმში. 1998 წლიდან მუშაობს ჟურნალისტიკაში, აშუქებს ადამიანის უფლებებთან და გარემოს დაცვასთან დაკავშირებულ თემებს. არის მრავალრიცხოვანი ლიტერატურული კონკურსის ლაურეატი. მისი საბავშვო წიგნის „წყალდიდობა ზოოპარკში" გერმანულმა თარგმანმა, რომელიც თბილისში მომხდარი წყალდიდობის რეალურ მოვლენებს ეფუძნება, გერმანიაში ლიტერატურული ჯილდო მიიღო. 2021 წელს ნომინირებული იყო ასტრიდ ლინდგრენის ლიტერატურულ პრემიაზე.
ვარლამ ჯმუხაძე – ქართველი ილუსტრატორი, მრავალი გამოფენის ავტორი, შექმნა ქართული მითოლოგიის გმირთა ილუსტრაციები. ვარლამ ჯმუხაძე რამდენიმე წელია თანამშრომლობს „სულაკაურის" გამომცემლობასთან. ჯმუხაძის ილუსტრაციებით გამოცემულია არაერთი ცნობილი წიგნი.
მარიამ წიკლაური არაერთი საბავშვო წიგნის ავტორი და მთარგმნელია. არის რამდენიმე პრესტიჟული ლიტერატურული პრემიის მფლობელი, რომელთა შორისაა „შოთაობა", „საგურამო", იაკობ გოგებაშვილის სახელობის პრემია და სხვ. მარიამ წიკლაურის პოეზია და თარგმანები ჩართულია ბევრ ქართულ და უცხოურ კრებულებსა და სახელმძღვანელოებში. 2021 წელს ნომინირებული იყო ასტრიდ ლინდგრენის ლიტერატურულ პრემიაზე.
ასტრიდ ლინდგრენის ხსოვნის პრემია (Astrid Lindgren Memorial Award) არის შვედური პრემია მიღწევებისთვის საბავშვო ლიტერატურაში, რომელიც შვედეთის მთავრობამ 2002 წელს დააწესა. პრემია გაიცემა ყოველ წელს, საპრიზო ფონდი 5 მილიონ შვედურ კრონს (ნახევარ მილიონ აშშ დოლარზე მეტს) შეადგენს.
2022 წელს პრესტიჟული პრემიის პრეტენდენტი 71 ქვეყნის 283 წარმომადგენელი გახდა.
