Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

პრემიერი: ოპოზიციის კანდიდატებს გამარჯვების შემთხვევაშიც კი პერსპექტივა არ აქვთ

© photo: Sputnik / Stringerმერიის შენობა
მერიის შენობა - Sputnik საქართველო, 1920, 22.10.2021
გამოწერა
თბილისი, 22 ოქტომბერი — Sputnik. არჩევნების მეორე ტურში ყველა მუნიციპალიტეტში რომც გაიმარჯვოს ოპოზიციის კანდიდატებმა, ისინი მაინც ვერაფერს მიაღწევენ, განაცხადა პრემიერ-მინისტრმა ირაკლი ღარიბაშვილმა ჟურნალისტებთან.
ასეთი კომენტარი გააკეთა პრემიერმა სენაკში, სადაც თვითმმართველობის პირველ ტურში მმართველი პარტიის კანდიდატი ოპოზიციის კანდიდატმა დაამარცხა, თუმცა გამარჯვებისთვის საჭირო ხმების რაოდენობა ვერ მოაგროვა, რის გამოც მეორე ტური დაინიშნა. „ქართული ოცნების“ კანდიდატმა ვახტანგ გადელიამ ხმების 40,2% მიიღო, „ნაციონალური მოძრაობის“ კანდიდატმა კობა ნაყოფიამ კი 42,3%.
„ჰიპოთეტურად ვამბობ, ნებისმიერ სხვა მუნიციპალიტეტში სხვა კანდიდატი რომ გავიდეს, ცენტრალური მთავრობის გარეშე მას უბრალოდ პერსპექტივა არ აქვს. ეს არის თავის მოტყუება“, – განაცხადა ღარიბაშვილმა.
სწორედ ცენტრალური ხელისუფლება წყვეტს, თუ რა თანხას მიიღებს ესა თუ ის მუნიციპალიტეტი.
გარდა ამისა, არჩეული მერი და მის მიერ წარდგენილი მთავრობის შემადგენლობა უნდა დაამტკიცოს საკრებულომ, არჩევნების პირველი ტურის შედეგებით კი საკრებულოში უმრავლესობა „ქართულ ოცნებას“ აქვს.
ადრე ამაზე აქცენტი გააკეთა თბილისის მერმა კახა კალაძემაც, რომელიც ახლა მეორე ვადით იყრის კენჭს. მან სასაცილო უწოდა იმ ფაქტს, რომ მისმა მთავარმა კონკურენტმა, „ნაციონალური მოძრაობის“ ლიდერმა და თბილისის მერობის კანდიდატმა ნიკა მელიამ ჩრდილოვანი კაბინეტის პრეზენტაცია გამართა.
თუმცა ოპოზიცია ამაში პრობლემას ვერ ხედავს. თუ საკრებულოს უმრავლესობა დასამტკიცებლად წარდგენილ მთავრობის შემადგენლობას ჩააგდებს, როგორც ექსპერტმა ირაკლი მელაშვილმა განმარტა, მაშინ მერს უფლება ექნება მთავრობის წევრები სამთვიანი ვადით თავად დანიშნოს.
კახა კალაძე - Sputnik საქართველო, 1920, 21.10.2021
არჩევნები 2021
კალაძე კოალიციურ მთავრობაზე: ეს არის დაშლილი და შეერთებული „ნაცმოძრაობა“
„ქართული ოცნების“ მერობის კანდიდატის განცხადება იმასთან დაკავშირებით, რომ ოპოზიციის გამარჯვების შემთხვევაში საკრებულო წარდგენილ მთავრობას არ დაამტკიცებს – ეს მარცხის აღიარებაა. მოქალაქეები სიმართლის მხარეზე დადგებიან“, – განაცხადა პარტიის „ლელო საქართველოსთვის“ ლიდერმა მამუკა ხაზარაძემ, რომელიც კოალიციურ მთავრობაში ვიცე-მერის პოსტზე წარადგინეს.
საქართველოში თვითმმართველობის არჩევნების მეორე ტური 20 მუნიციპალიტეტში 30 ოქტომბერს ჩატარდება.
ყველა ახალი ამბავი
0