საქართველოს ფეხბურთის ნაკრებმა ფიფას რეიტინგში პოზიციები გაიუმჯობესა

© Sputnik / Alex Shlamovფეხბურთი
ფეხბურთი - Sputnik საქართველო, 1920, 21.10.2021
გამოწერა
ამჟამად საქართველოს ნაკრების აქტივში 1.243,88 ქულაა, ამ მაჩვენებლით გუნდი ლიბანსა და ლუქსემბურგს შორის განთავსდა.
თბილისი, 21 ოქტომბერი – Sputnik. საქართველოს საფეხბურთო ნაკრები ფიფას განახლებულ რეიტინგში სამი პოზიციით დაწინაურდა – 96-ე ადგილიდან 93-ე ადგილზე გადაინაცვლა.
ნაკრების პროგრესი ოქტომბერში 2022 წლის მსოფლიო ჩემპიონატის შესარჩევ მატჩებში თამაშს უკავშირდება. ვილი სანიოლის გუნდმა საბერძნეთთან სახლში წააგო (0:2), თუმცა გასვლით მატჩში კოსოვოს მოუგო (2:1).
ამჟამად საქართველოს ნაკრების აქტივში 1.243,88 ქულაა და ამ მაჩვენებლით გუნდი ლიბანსა (1.250,08) და ლუქსემბურგს (1.234,13) შორის განთავსდა.
ვილი სანიოლი - Sputnik საქართველო, 1920, 13.10.2021
სანიოლი: ფეხბურთელებმა ბოლო წუთამდე იბრძოლეს
რაც შეეხება საქართველოს ნაკრების მეტოქეებს შესარჩევ В ჯგუფში, ესპანეთი მე-7 ადგილზეა, შვედეთი მე-17, საბერძნეთი 47-ე და კოსოვო – 113-ე ადგილზე.
ეროვნული გუნდი ნოემბერში კალენდარული წლის ორ დასკვნით მატჩს გამართავს. 2022 წლის მსოფლიო ჩემპიონატის საკვალიფიკაციო მატჩს 11 ნოემბერს შვედეთთან საკუთარ მინდორზე ჩაატარებს, ხოლო 15 ნოემბერს ტესტ-მატჩში უზბეკეთს დაუპირისპირდება.
ფიფას რეიტინგის ლიდერია ბელგიის ნაკრები (1.832,33 ქულა), მეორე ადგილზეა ბრაზილია (1.820,36), ხოლო მესამეზე – საფრანგეთი (1.779,24).
ყველა ახალი ამბავი
0