ახალი კონსერვატიზმი: ექსპერტის კომენტარი რუსეთის პრეზიდენტის სიტყვებზე

© photo: Sputnik / Максим Блинов / გადასვლა მედიაბანკშივლადიმირ პუტინი
ვლადიმირ პუტინი - Sputnik საქართველო, 1920, 21.10.2021
გამოწერა
თბილისი, 21 ოქტომბერი — Sputnik. რუსეთის პრეზიდენტის ვლადიმერ პუტინის განცხადებამ ახალ კონსერვატიზმზე შესაძლოა დააინტერესოს „ბებერი ევროპა“, რომლის ნაწილისთვისაც ეს ჩვეული ფასეულობებია, განუცხადა „რია ნოვოსტის“ პოლიტიკურ მეცნიერებათა დოქტორმა ალექსანდრე გუსევმა.

„რა არის ევროპა დღეს? ეს მიგრანტებისთვის ღია კარის პროგრამის სრული ჩავარდნაა, ეს მულტიკულტურიზმის თეორიის, თავისუფლებების საკითხის, ტოლერანტობის პრაქტიკული ჩავარდნაა. ევროპული საზოგადოება ფაქტობრივად „დაფლეთილია“ ამ წინააღმდეგობებით: იქ არიან ტრადიციული ფასეულობების მიმდევრები, რასაც ჩვენც ვიზიარებთ — ოჯახის, მშობლების ცნება და ასე შემდეგ — მაგრამ ევროპის მოსახლეობის დიდი ნაწილი სხვა შეხედულებებისაა, ახალ მიმდინარეობებსა და ტენდენციებს, მათ შორის ლგბტ და სხვა თემებზე. და პუტინმა სცადა, მიემართა ყველასთვის. ეს იყო მცდელობა განვითარების საკუთარი ხედვის, ერთგვარი საერთო კონცეფციის გაცხადებისა“, — თქვა ექსპერტმა.

მისი თქმით, მიუხედავად იმისა, რომ კონცეპტუალურად მთელ რიგ ქვეყნებში რუსეთის ლიდერს შეიძლებოდა დათანხმებოდნენ კიდეც — მაგალითად, პოლონეთში, სადაც კონსერვატიული განწყობები ძლიერია — მაგრამ ასეთი ქვეყნები ღიად არასდროს დაუჭერენ მხარს რუსეთს, გამომდინარე სუბიექტური და პოლიტიკური მოსაზრებებიდან.
გაეროს შტაბბინა - Sputnik საქართველო, 1920, 21.10.2021
გაეროს საფრთხეების რეესტრი: იურისტმა პუტინის იდეა შეაფასა
„მას ყველა არ დაეთანხმება, მაგალითად, ამერიკელებმა არ მგონია, მხარი დაუჭირონ ამ ზომიერ კონსერვატიზმს. რაც შეეხება ევროპას, იქაც საკმაოდ პოლარიზებული შეხედულებებია. მაგალითად, პოლონელები, ბალტიისპირელები, არაფერს იღებენ იქიდან, რაც რუსეთისგან მოდის. ხოლო გერმანული თუ ფრანგული საზოგადოება შეიძლება უფრო ტოლერანტულად მოეკიდოს ამ პოზიციას, პუტინის ამ წინადადებას“, — თქვა ექსპერტმა.
„ანუ, ზომიერი კონსერვატიზმი რაღაც დოზით ახასიათებს მათი საზოგადოების ნაწილს. იგივე შეიძლება ითქვას ბრიტანული საზოგადოების ნაწილზეც. „ბებერი ევროპა“ ამას შეიძლება დაეთანხმოს. იქ ბევრი იზიარებს ამ შეხედულებებს და ამაში წინააღმდეგობა არ არის“, — მიაჩნია გუსევს.
ყველა ახალი ამბავი
0