Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

როგორ უნდა შევაჩეროთ ქვეყანაში კორონავირუსის გავრცელება – ჩხაიძის განმარტება

© courtesy of Ivane Chkhaidzeივანე ჩხაიძე
ივანე ჩხაიძე - Sputnik საქართველო, 1920, 20.10.2021
გამოწერა
სპეციალისტები აცხადებენ, რომ ქვეყანა კორონავირუსის მეხუთე ტალღაში შევიდა, მის შესაჩერებლად კი აუცილებელია აცრების რაოდენობის გაზრდა.
თბილისი, 20 ოქტომბერი – Sputnik. ქვეყანაში კიდევ 800 ათასი ორჯერადად აცრილი ადამიანი უნდა იყოს, რათა ვირუსმა ცირკულაცია შეწყვიტოს, განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ ტელეკომპანია „იმედის“ ეთერში საუბრისას.
ჩხაიძე განმარტავს, რომ საქართველოს ყველა ბერკეტი ჰქონდა იმისთვის, რომ პანდემია 2021 წლის ბოლოს დასრულებულიყო, თუმცა აცრების დღიური მაჩვენებლის შემცირების გამო იმუნიზაციის ეროვნული გეგმა ვერ განხორციელდა. მისი თქმით, ქვეყანაში კორონავირუსის გავრცელება კვლავ კრიტიკულ ზღვარზეა.
სპეციალისტები აღნიშნავენ, რომ მეხუთე ტალღა ქვეყანაში დაწყებულია, თანაც საკმაოდ მაღალი ნიშნულით. ერთადერთი, რაც მის შეჩერებას შეძლებს, ეს არის აცრა, უნდა აიცრას რაც შეიძლება მეტი ადამიანი. მათი განმარტებით, თუ ვაქცინაციის და ასევე პირბადის მოხმარების მაჩვენებელი ქვეყანაში არ გაიზრდება, საქართველოში ძალიან რთული ნოემბერი იქნება.
ვაქცინაცია საქართველოში - Sputnik საქართველო, 1920, 19.10.2021
COVID-19 - ბოლო ცნობები
ვაქცინაცია საქართველოში – ბოლო მონაცემები
საქართველოში ახალი კორონავირუსით დაავადებულთა რაოდენობა ბოლო დღე-ღამეში 5.219-ით გაიზარდა და ინფიცირებულთა საერთო რიცხვმა 675.771-ს მიაღწია.
ბოლო დღე-ღამის განმავლობაში გარდაიცვალა 42 ადამიანი და გარდაცვლილთა საერთო რაოდენობამ 9.588-ს მიაღწია.
ქვეყანაში მკვეთრად შემცირდა ვაქცინაციის მაჩვენებელი. ამ დროისათვის სრულად, ორჯერადად აცრილია 910.782 ადამიანი, რაც ზრდასრული მოსახლეობის დაახლოებით 32%-ს შეადგენს. ეპიდემიოლოგების განცხადებით, პანდემიის დასამარცხებლად საჭიროა ზრდასრული მოსახლეობის მინიმუმ 60–70%-ის აცრა.
ყველა ახალი ამბავი
0