ბათუმში ავარიული სახლიდან ათობით ოჯახი გაიყვანეს

© photo: Sputnik / Vladimir Umikashviliბათუმში სახლის ჩამონგრევა
ბათუმში სახლის ჩამონგრევა - Sputnik საქართველო, 1920, 19.10.2021
გამოწერა
ბათუმში ჩამონგრეული სახლის უშუალო სიახლოვეს მდებარე კიდევ ერთი შენობა ავარიულად მიიჩნიეს
თბილისი, 19 ოქტომბერი — Sputnik. ბათუმში უსაფრთხოების მიზნით 40 ოჯახის ევაკუაცია განხორციელდა მემედ აბაშიძის ქუჩაზე მდებარე სახლიდან, რომელიც 8 ოქტომბერს ჩამონგრეული სახლის მომიჯნავედ მდებარეობს, იუწყება ქალაქის მერია.
მერიის მონაცემებით, ლევან სამხარაულის სახელობის ექსპერტიზის ეროვნულმა ბიურომ დაადგინა, რომ მემედ აბაშიძის №56-ში მდებარე საცხოვრებელი სახლი ავარიულ მდგომარეობაშია და სასწრაფო გამაგრებას საჭიროებს.
ბათუმში სახლი ჩამოინგრა - Sputnik საქართველო, 1920, 15.10.2021
ბათუმში ჩამონგრეული კორპუსის ადგილზე ახალი სახლი აშენდება
რაც შეეხება კიდევ ერთხ სახლს, რომელიც 8 ოქტომბრის ტრაგედიის ადგილის უშუალო სიახლოვეს მდებარეობს, მისი ტექნიკური მდგომარეობა დამაკმაყოფილებელია.
„აღნიშნული ნაკვეთური დღეის მდგომარეობით გადაუდებელი გამაგრებითი ღონისძიებების ჩატარებას არ საჭიროებს, თუმცა ორივე ნაკვეთური საჭიროებს როგორც მშენებლობის, ასევე ექსპლუატაციის პერიოდში მიღებული კონსტრუქციული გადაწყვეტილებების გადამოწმებას. კვლევით ნაწილში არსებული დეფექტები საჭიროა აღმოიფხვრას“, - ნათქვამია მერიის განცხადებაში.
ბათუმში, 26 მაისის ქუჩაზე 8 ოქტომბერს, შუადღისას საცხოვრებელი სახლის ერთი სადარბაზო მთლიანად ჩამოინგრა. ნანგრევებს შორის მოყვა 11 ადამიანი – მათგან მხოლოდ ორი გადარჩა, დაიღუპა ცხრა ადამიანი, მათ შორის სამი ბავშვი. დაღუპულებიდან ოთხი ადამიანი ერთი ოჯახის წევრია. წინასწარი ვერსიით, სახლის ჩამონგრევის მიზეზი სარდაფის გაფართოების მიზნით პირველ სართულზე მზიდი კედლების მოშლა გახდა.
ყველა ახალი ამბავი
0