დიაბეტის მქონე ბავშვები სისხლში შაქრის დონის განმსაზღვრელ სენსორულ აპარატებს მიიღებენ

© photo: Sputnik / VItaliy Belousov / გადასვლა მედიაბანკშიტესტები გლუკომეტრებისთვის
ტესტები გლუკომეტრებისთვის - Sputnik საქართველო, 1920, 13.10.2021
გამოწერა
ბავშვებისთვის ახალი სენსორული გლუკომეტრების მიწოდება მოკლე ხანში მოხდება.
თბილისი, 13 ოქტომბერი – Sputnik. სისხლში შაქრის დონის გამსაზღვრელი ახალი სენსორული ტიპის აპარატების შესყიდვაზე მუშაობა მიმდინარეობს. ინფორმაციას საქართველოს ჯანდაცვის მინისტრის მოადგილე, თამარ გაბუნია ავრცელებს.
გაბუნიას განცხადებით, დიაბეტის მართვის სახელმწიფო პროგრამის ფარგლებში ჯანდაცვის სამინისტრო 1300-მდე სენსორის ტიპის აპარატს შეიძენს.
აპარატის შესაძენად შვიდ მილიონამდე ლარია საჭირო. როგორც გაბუნია ამბობს, დიაბეტიანი ბავშვებისთვის აპარატების მიწოდება სავარაუდოდ მოკლე პერიოდში იქნება შესაძლებელი.
„მიმდინარეობს მუშაობა ახალი სენსორის ტიპის აპარატის შესყიდვაზე, რომელიც მიმდინარე რეჟიმში იძლევა გლუკოზის დონის კონტროლის შესაძლებლობას. მხოლოდ აპარატის ღირებულება არ არის პროგრამული ხარჯი და ვმუშაობთ ფინანსთა სამინისტროსთან. 2022 წლიდან გვქონდა დაგეგმილი აპარატების მიწოდება ბავშვებისთვის. ვფიქრობთ, მოკლე ხანში შესაძლებელი იქნება პროცედურის დასრულება და ბავშვები ამ აპარატებს მიიღებენ“, – განაცხადა თამარ გაბუნიამ.
ექიმი ლაბორატორიაში - Sputnik საქართველო, 1920, 22.04.2019
დიაბეტის ცნობილ წამალს ახალი თვისება აღმოაჩნდა: კიდევ რას კურნავს ძველი პრეპარატი
ჯანდაცვის სამინისტროს ინფორმაციით, შაქრიანი დიაბეტით დაავადებულ ბავშვთა მომსახურების კომპონენტის დაფინანსება ხორციელდება სრულად (100%-ით) სახელმწიფოს მიერ და არ ითვალისწინებს თანაგადახდას პაციენტის მხრიდან.
დიაბეტის მართვის პროგრამის ფარგლებში, მოსარგებლემ პროგრამით გათვალისწინებული მომსახურების მისაღებად რეგისტრაციისთვის მომსახურების მიმწოდებელ სამედიცინო დაწესებულებას უნდა მიმართოს.
ყველა ახალი ამბავი
0