https://sputnik-georgia.com/20211012/iaponiis-premierma-kurilis-kunzulebze-tokios-suverenitetis-sesaxeb-ganacxadae-260460075.html
ფუმიო კისიდა: კურილის სადავო კუნძულებზე ტოკიოს სუვერენიტეტი ვრცელდება
ფუმიო კისიდა: კურილის სადავო კუნძულებზე ტოკიოს სუვერენიტეტი ვრცელდება
Sputnik საქართველო
თბილისი, 12 ოქტომბერი — Sputnik. იაპონიის ახალ პრემიერ-მინისტრს ფუმიო კისიდას მიაჩნია, რომ ტოკიოს სუვერენიტეტი რუსეთთან სადავო ჩრდილოეთის ტერიტორიებზეც (ასე... 12.10.2021-ს, Sputnik საქართველო
2021-10-12T09:31+0400
2021-10-12T09:31+0400
2023-07-20T15:52+0400
მსოფლიო დღეს
რუსეთი
ახალი ამბები
იაპონია
მსოფლიოს ახალი ამბები
https://cdnn1.img.sputnik-georgia.com/img/07e5/0a/07/260329054_0:313:2761:1866_1920x0_80_0_0_e0be2307bc0f0994c76978c27e020643.jpg
თბილისი, 12 ოქტომბერი — Sputnik. იაპონიის ახალ პრემიერ-მინისტრს ფუმიო კისიდას მიაჩნია, რომ ტოკიოს სუვერენიტეტი რუსეთთან სადავო ჩრდილოეთის ტერიტორიებზეც (ასე ეწოდება იაპონიაში კურილის კუნძულების სამხრეთ ნაწილს) ვრცელდება. ამის შესახებ მან პარლამენტში დებატებისას განაცხადა.კისიდას თქმით, ის მოსკოვთან „შეუპოვარ მოლაპარაკებებს“ გეგმავს კურილების თემაზე იმ შეთანხმებებზე დაყრდნობით, რომლებსაც მხარეებმა მანამდე მიაღწიეს, მათ შორის, 2018 წელს.აღსანიშნავია, რომ 8 ოქტომბერს პარლამენტში საპროგრამო სიტყვით გამოსვლისას ფუმიო კისიდამ განაცხადა, რომ ტერიტორიული პრობლემის დარეგულირების გარეშე რუსეთთან სამშვიდობო შეთანხმება არ გაფორმდება.მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის სამხრეთ კურილის ოთხი კუნძულის საკითხს დღემდე პრობლემად ტოვებს. აღნიშნული კუნძულები საბჭოთა კავშირს მეორე მსოფლიო ომის შედეგების საფუძველზე გადაეცა. თუმცა 1951 წელს საბჭოთა დელეგაციამ ხელი არ მოაწერა სან-ფრანცისკოს ზავს, რომელშიც იაპონიასთან ომის შედეგები მტკიცდებოდა, მაგრამ არ იყო შესული სსრკ-ის სუვერენიტეტის საკითხი კურილებზე.1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას მას შემდეგ, რაც ორ ქვეყანას შორის სამშვიდობო ხელშეკრულება გაფორმდებოდა, მაგრამ შემდგომმა მოლაპარაკებებმა ვითარება ვერანაირად ვერ შეცვალა.
https://sputnik-georgia.com/20210311/kurisli-kunZulebis-sakiTxi-251135502.html
იაპონია
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/0a/07/260329054_464:325:2761:2048_1920x0_80_0_0_fe5168c3c1e40ace10f0b5fd9464a9b7.jpgSputnik საქართველო
media@sputniknews.com
+74956456601
MIA „Rosiya Segodnya“
რუსეთი, ახალი ამბები, იაპონია , მსოფლიოს ახალი ამბები
რუსეთი, ახალი ამბები, იაპონია , მსოფლიოს ახალი ამბები
თბილისი, 12 ოქტომბერი — Sputnik. იაპონიის ახალ პრემიერ-მინისტრს ფუმიო კისიდას მიაჩნია, რომ ტოკიოს სუვერენიტეტი რუსეთთან სადავო ჩრდილოეთის ტერიტორიებზეც (ასე ეწოდება იაპონიაში კურილის კუნძულების სამხრეთ ნაწილს) ვრცელდება. ამის შესახებ მან პარლამენტში დებატებისას განაცხადა.
„ჩრდილოეთის ტერიტორიებზე ჩვენი ქვეყნის სუვერენიტეტი ვრცელდება. ეს საკითხი ჩვენ უნდა გადავჭრათ, მომავალ თაობებს არ უნდა დავუტოვოთ. მთავრობა განწყობილია, რომ რუსეთთან სამშვიდობო ხელშეკრულება გაფორმდეს და ამ კუნძულების კუთვნილების პრობლემა გადაიჭრას“, — აღნიშნა პრემიერმა.
კისიდას თქმით, ის მოსკოვთან „შეუპოვარ მოლაპარაკებებს“ გეგმავს კურილების თემაზე იმ შეთანხმებებზე დაყრდნობით, რომლებსაც მხარეებმა მანამდე მიაღწიეს, მათ შორის, 2018 წელს.
აღსანიშნავია, რომ 8 ოქტომბერს პარლამენტში საპროგრამო სიტყვით გამოსვლისას ფუმიო კისიდამ განაცხადა, რომ ტერიტორიული პრობლემის დარეგულირების გარეშე რუსეთთან სამშვიდობო შეთანხმება არ გაფორმდება.
მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის სამხრეთ კურილის ოთხი კუნძულის საკითხს დღემდე პრობლემად ტოვებს. აღნიშნული კუნძულები საბჭოთა კავშირს მეორე მსოფლიო ომის შედეგების საფუძველზე გადაეცა. თუმცა 1951 წელს საბჭოთა დელეგაციამ ხელი არ მოაწერა სან-ფრანცისკოს ზავს, რომელშიც იაპონიასთან ომის შედეგები მტკიცდებოდა, მაგრამ არ იყო შესული სსრკ-ის სუვერენიტეტის საკითხი კურილებზე.
1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას მას შემდეგ, რაც ორ ქვეყანას შორის სამშვიდობო ხელშეკრულება გაფორმდებოდა, მაგრამ შემდგომმა მოლაპარაკებებმა ვითარება ვერანაირად ვერ შეცვალა.