https://sputnik-georgia.com/20211011/drosebi-sazrvargaret-qartul-dawesebulebebze-dasvebulia-260438654.html
საზღვარგარეთ ქართულ სახელმწიფო დაწესებულებებზე დროშები დაშვებულია
საზღვარგარეთ ქართულ სახელმწიფო დაწესებულებებზე დროშები დაშვებულია
Sputnik საქართველო
ბათუმში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად 11 ოქტომბერი გლოვის დღედ გამოცხადდა. 11.10.2021-ს, Sputnik საქართველო
2021-10-11T15:46+0400
2021-10-11T15:46+0400
2023-08-17T18:41+0400
ახალი ამბები
ბათუმი
https://cdnn1.img.sputnik-georgia.com/img/07e5/0a/0a/260414301_0:250:2400:1600_1920x0_80_0_0_dae029d4048eb11fc9c4744446a3dada.jpg
თბილისი, 11 ოქტომბერი – Sputnik. ბათუმში მომხდარ ტრაგედიასთან დაკავშირებით 11 ოქტომბერს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების შენობებზე სახელმწიფო დროშები დაეშვა. იუწყება საქართველოს საგარეო საქმეთა სამინისტრო.საქართველოს პრემიერ-მინისტრის გადაწყვეტილებით, ბათუმში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად 11 ოქტომბერი გლოვის დღედ გამოცხადდა.განკარგულების თანახმად, 12 ოქტომბრის 00:00 საათამდე სახელმწიფო დროშები დაშვებულია ქვეყნის მასშტაბით ყველა ადმინისტრაციულ შენობაზე.ბათუმში, 26 მაისის ქუჩაზე 8 ოქტომბერს, ნაშუადღევს საცხოვრებელი სახლის ერთი სადარბაზო მთლიანად ჩამოინგრა. ტრაგედიამ იმსხვერპლა ცხრა ადამიანი, მათ შორის სამი ბავშვი. დაღუპულებიდან ოთხი ადამიანი ერთი ოჯახის წევრები არიან. დაშავებულია ერთი მამაკაცი.დროშები დაშვებულია პრეზიდენტის სასახლეზე, პარლამენტის შენობაზე, მთავრობის ადმინისტრაციის, თავდაცვის სამინისტროს ადმინისტრაციულ შენობებსა და ყველა სამხედრო ბაზაზე.საზარელმა ტრაგედიამ მთელი ქვეყანა შეძრა. ქვეყანა მთელი მსოფლიოდან უწყვეტ ნაკადად იღებს სამძიმრის წერილებს. ბათუმში ტრაგედიის ადგილზე „გლოვის კედელი“ მოეწყო, სადაც ბათუმელებს მთელი დღის განმავლობაში ყვავილები და სანთლები მიაქვთ. ისინი გარდაცვლილთა გამო მწუხარებას გამოთქვამენ და დამნაშავეების უმკაცრესად დასჯას მოითხოვენ.მომხდარზე სამი ადამიანია დაკავებული. საგამოძიებო უწყება მათ სამშენებლო სამუშაოს წარმოებისას უსაფრთხოების წესის დარღვევას ედავება, რამაც ადამიანების სიცოცხლის მოსპობა და მძიმე შედეგი გამოიწვია.პროკურატურის მტკიცებით, ბრალდებულებმა მოშალეს როგორც არამზიდი, ასევე მზიდი კონსტრუქცია (კედლები), რითიც დაირღვა საცხოვრებელი კორპუსის სიმტკიცე და მდგრადობა, რამაც გამოიწვია შვიდსართულიანი კორპუსის ნგრევა და ადამიანების სიცოცხლის მოსპობა.დაკავებულებს 5 წლამდე პატიმრობა ემუქრებათ.
https://sputnik-georgia.com/20211011/batumsi-korpusis-camongrevis-gamo-dakavebulebs-patimroba-seefarda-260433452.html
https://sputnik-georgia.com/20211010/ilia-meore-batumis-tragediaze-vloculobt-gardacvliltatvis-260406500.html
ბათუმი
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/0a/0a/260414301_271:240:2084:1600_1920x0_80_0_0_3735c00e68df788592f02c873768864a.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, ბათუმი
საზღვარგარეთ ქართულ სახელმწიფო დაწესებულებებზე დროშები დაშვებულია
15:46 11.10.2021 (განახლებულია: 18:41 17.08.2023) ბათუმში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად 11 ოქტომბერი გლოვის დღედ გამოცხადდა.
თბილისი, 11 ოქტომბერი – Sputnik. ბათუმში მომხდარ ტრაგედიასთან დაკავშირებით 11 ოქტომბერს საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების შენობებზე სახელმწიფო დროშები დაეშვა. იუწყება საქართველოს საგარეო საქმეთა სამინისტრო.
საქართველოს პრემიერ-მინისტრის გადაწყვეტილებით, ბათუმში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად 11 ოქტომბერი გლოვის დღედ გამოცხადდა.
განკარგულების თანახმად, 12 ოქტომბრის 00:00 საათამდე სახელმწიფო დროშები დაშვებულია ქვეყნის მასშტაბით ყველა ადმინისტრაციულ შენობაზე.
ბათუმში, 26 მაისის ქუჩაზე 8 ოქტომბერს, ნაშუადღევს საცხოვრებელი სახლის ერთი სადარბაზო მთლიანად ჩამოინგრა. ტრაგედიამ იმსხვერპლა ცხრა ადამიანი, მათ შორის სამი ბავშვი. დაღუპულებიდან ოთხი ადამიანი ერთი ოჯახის წევრები არიან. დაშავებულია ერთი მამაკაცი.
დროშები დაშვებულია პრეზიდენტის სასახლეზე, პარლამენტის შენობაზე, მთავრობის ადმინისტრაციის, თავდაცვის სამინისტროს ადმინისტრაციულ შენობებსა და ყველა სამხედრო ბაზაზე.
საზარელმა ტრაგედიამ მთელი ქვეყანა შეძრა. ქვეყანა მთელი მსოფლიოდან უწყვეტ ნაკადად იღებს სამძიმრის წერილებს. ბათუმში ტრაგედიის ადგილზე „გლოვის კედელი“ მოეწყო, სადაც ბათუმელებს მთელი დღის განმავლობაში ყვავილები და სანთლები მიაქვთ. ისინი გარდაცვლილთა გამო მწუხარებას გამოთქვამენ და დამნაშავეების უმკაცრესად დასჯას მოითხოვენ.
მომხდარზე სამი ადამიანია დაკავებული. საგამოძიებო უწყება მათ სამშენებლო სამუშაოს წარმოებისას უსაფრთხოების წესის დარღვევას ედავება, რამაც ადამიანების სიცოცხლის მოსპობა და მძიმე შედეგი გამოიწვია.
პროკურატურის მტკიცებით, ბრალდებულებმა მოშალეს როგორც არამზიდი, ასევე მზიდი კონსტრუქცია (კედლები), რითიც დაირღვა საცხოვრებელი კორპუსის სიმტკიცე და მდგრადობა, რამაც გამოიწვია შვიდსართულიანი კორპუსის ნგრევა და ადამიანების სიცოცხლის მოსპობა.
დაკავებულებს 5 წლამდე პატიმრობა ემუქრებათ.