Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რომელი ვაქცინებით გაკეთდება ე.წ. ბუსტერ-დოზა – თამარ გაბუნიამ განმარტა

© photo: Sputnik / Ekaterina Chesnokova / გადასვლა მედიაბანკშივაქცინაცია
ვაქცინაცია - Sputnik საქართველო, 1920, 07.10.2021
გამოწერა
იმუნიზაციის საბჭომ მეორე აცრის გაკეთებიდან 6 თვის შემდეგ ე.წ. ბუსტერ-დოზის გამოყენებას გარკვეულ შემთხვევებში მხარი დაუჭირა.
თბილისი, 7 ოქტომბერი – Sputnik. საქართველოში კორონავირუსის საწინააღმდეგოდ ბუსტერ-დოზის გამოყენება ჯანმრთელობის მსოფლიო ორგანიზაციის მიერ ავტორიზებული სამი ვაქცინით – Pfizer-ის, Sinopharm-ისა და Sinovac-ის ვაქცინებით მოხდება, განაცხადა ჯანდაცვის მინისტრის მოადგილემ თამარ გაბუნიამ.
იმუნიზაციის საბჭომ გარკვეულ შემთხვევებში ვაქცინაციიდან 6 თვის შემდეგ ე.წ. ბუსტერ-დოზის გაკეთებას მხარი დაუჭირა.
კერძოდ, საბჭოს გადაწყვეტილებით, ბუსტერ-დოზის გაკეთება შეუძლიათ 50 წელს გადაცილებულ პირებს, ასევე ნებისმიერი ასაკის იმ პირებს, ვისაც აქვს ქრონიკული დაავადება და მაღალი რისკის პროფესიის მქონე ადამიანებს, მაგალითად, სამედიცინო პერსონალს, ასევე დახურული ტიპის დაწესებულებაში მცხოვრებ პირებსა და იქ დასაქმებულ თანამშრომლებს.
ვაქცინაცია - Sputnik საქართველო, 1920, 07.10.2021
COVID-19 - ბოლო ცნობები
ვის აცრიან ე.წ. ბუსტერ-დოზით: იმუნიზაციის საბჭოს გადაწყვეტილება
„მხოლოდ AstraZeneca-ს გამოყენება არ ხდება ბუსტერის შემთხვევაში, მაგრამ Pfizer-ის, Sinopharm-ის და Sinovac-ის გამოყენება ხდება და მოქალაქეს შეუძლია არჩევანი გააკეთოს სამედიცინო პერსონალთან კონსულტაციით, რომელი ვაქცინით აიცრას", – განმარტავს თამარ გაბუნია.
მინისტრის მოადგილის განცხადებით, მოქალაქისთვის, რომელიც აიცრა Sinopharm-ის ორი დოზით და მას სურვილი აქვს მესამე დოზით ისევ Sinopharm-ით აიცრას, ბუსტერისთვის გამოყენებული იქნება Sinopharm-ი. იგივე ვრცელდება Sinovac-ზეც, თუმცა მოქალაქეს, რომელიც აცრილია ჩინური ვაქცინებით, შეუძლია აიცრას Pfizer-ის მესამე ე.წ. ბუსტერ-დოზითაც.
როგორც თამარ გაბუნიამ აღნიშნა, ე.წ. ბუსტერ-დოზით აცრის შესაძლებლობა ასევე მიეცემათ იმ პირებს რომლებიც ევროპის ქვეყნებში ან აშშ-ში აპირებენ გამგზავრებას და ამ შემთხვევაში კონკრეტულად Pfizer-ით აცრა სჭირდებათ. ისინი ბუსტერ-დოზის გაკეთებას მეორე დოზიდან 28 დღეში შეძლებენ.
რაც შეეხება იმ ადამიანებს, რომლებიც არც რისკ-ჯგუფში შედიან და არც საზღვარგარეთ არ აპირებენ გამგზავრებას, მათთვის ჯერჯერობით ბუსტერ-დოზის აუცილებლობა, კლინიკური საჭიროებიდან და პანდემიური საჭიროებიდან გამომდინარე, დაბალია.
„რა თქმა უნდა, თუ საჭირო არ არის, ვერ მივუთითებთ", – აღნიშნა თამარ გაბუნიამ.
ვაქცინაცია Pfizer-ის ვაქცინით - Sputnik საქართველო, 1920, 27.09.2021
მსოფლიო დღეს
ჯანმო: კოვიდ-ვაქცინების ბუსტერულ დოზებზე მორატორიუმი წლის ბოლომდე უნდა დაწესდეს
სპეციალისტები მიიჩნევენ, რომ მესამე, ე.წ. ბუსტერ-დოზა მკვეთრად ზრდის იმუნიტეტს. ის კეთდება მეორე დოზის გაკეთებიდან 6 თვის შემდეგ როგორც კოვიდ-გადატანილებში, ასევე ვაქცინირებულებში, რადგან ანტისხეულები თანდათან იკლებს.
ბოლო მონაცემებით, საქართველოში ჩატარებულია 1.844.965 აცრა. ამ ეტაპზე მინიმუმ ერთი დოზით აცრილია 995.019 ადამიანი. ერთი ან ორივე დოზით ჯამში აცრილია ზრდასრული მოსახლეობის 35,0%. სრულად (ორჯერადად) ვაქცინირებულია 849.946 ადამიანი – ზრდასრული მოსახლეობის 29,8%. 6 ოქტომბერს აიცრა 7.815 ადამიანი.
ყველა ახალი ამბავი
0