ევროკავშირი და ნატო ახალ ერთობლივ დეკლარაციას ამუშავებენ: მთავარი მიმართულებები
09:33 06.10.2021 (განახლებულია: 15:52 20.07.2023)
© photo: Sputnik / Alexey Vitvitskiy
/ გამოწერა
თბილისი, 6 ოქტომბერი — Sputnik. ევროკავშირი და ნატო ჩრდილოატლანტიკური ალიანსის მომავალი სამიტისთვის ახალ ერთობლივ დეკლარაციას შეიმუშავებენ, განაცხადა ევროკავშირის საბჭოს პრეზიდენტმა შარლ მიშელმა.
„ახალ პოლიტიკურ დეკლარაციას ნატოსთან ერთად ნატოს სამიტამდე, 2022 წლის ივნისამდე შევიმუშავებთ“, — ნათქვამია მიშელის განცხადებაში, რომელიც მან სლოვენიაში ევროპელ ლიდერთა არაფორმალური სამიტის შემდეგ გაავრცელა.
Tonight we address the EU's role on the international stage.
— Charles Michel (@eucopresident) October 5, 2021
Especially after the latest geopolitical developments in Afghanistan, in the Indo-Pacific, also our relations with China.
We are fully committed to the multilateral approach and need strong partners, strong allies. pic.twitter.com/HeyVSfoRRw
გარდა ამისა, მისი თქმით, ევროკავშირი გეგმავს ავტონომიურად მოქმედებების შესაძლებლობები გაიფართოვოს ისეთ სფეროებში, როგორებიცაა თავდაცვა და ეკონომიკა.
„იმისათვის, რომ უფრო ეფექტურები და აქტიურები გავხდეთ საერთაშორისო არენაზე, ევროკავშირისთვის აუცილებელია, როგორც ეკონომიკურმა ძალამ, გააფართოვოს ავტონომიურად მოქმედების შესაძლებლობები და სტანდარტები უსაფრთხოებისა და თავდაცვის სფეროში“, — აღნიშნა ევროპული საბჭოს პრეზიდენტმა.
ამასთან, მიშელის თქმით, ევროკავშირი „შეამცირებს დამოკიდებულებას და სტაბილურობას მიაღწევს ისეთ სფეროებში, როგორებიცაა: ენერგეტიკა, ციფრული ტექნოლოგიები, კიბერუსაფრთხოება, სამრეწველო პოლიტიკა, ვაჭრობა და ერთიანი ბაზრის განმტკიცება“.
გავრცელებული ინფორმაციით, სლოვენიაში გამართულ არაფორმალურ სამიტზე ევროპელი ლიდერების განხილვის მთავარი თემები იყო ევროკავშირის თავდაცვის სისტემის ახალი კონცეფცია — სახელწოდებით „ევროკავშირის სტრატეგიული კომპასი“, ასევე ევროკავშირის სწრაფი რეაგირების ძალების ჩამოყალიბების საკითხი. შარლ მიშელის განცხადებით, სწრაფი რეაგირების ძალების შექმნის სტრატეგია და გეგმები 2022 წლის მარტისთვის უნდა იყოს დამტკიცებული.
