https://sputnik-georgia.com/20211005/revmatoiduli-artriti-amerikelma-mecnierebma-vaqcina-seqmnes-260242701.html
რევოლუციური გარღვევა: შექმნილია უკურნებელი სენის ვაქცინა
რევოლუციური გარღვევა: შექმნილია უკურნებელი სენის ვაქცინა
Sputnik საქართველო
თბილისი, 5 ოქტომბერი − Sputnik. ამერიკელმა მეცნიერებმა ამ დროისათვის უკურნებელი აუტოიმუნური დაავადების – რევმატოიდული ართრიტის საწინააღმდეგო ექსპერიმენტული... 05.10.2021-ს, Sputnik საქართველო
2021-10-05T14:27+0400
2021-10-05T14:27+0400
2021-10-05T19:18+0400
მსოფლიო დღეს
მსოფლიო მეცნიერული კვლევები
აშშ
https://cdnn1.img.sputnik-georgia.com/img/07e5/02/04/250791418_0:191:3078:1922_1920x0_80_0_0_b57ff71ed0c104b377b4bacc09e8b190.jpg
თბილისი, 5 ოქტომბერი − Sputnik. ამერიკელმა მეცნიერებმა ამ დროისათვის უკურნებელი აუტოიმუნური დაავადების – რევმატოიდული ართრიტის საწინააღმდეგო ექსპერიმენტული ვაქცინა შექმნეს. შესაბამისი სამეცნიერო სტატია გამოქვეყნებულია ჟურნალში Proceedings of the National Academy of Sciences.რევმატოიდული ართრიტი თავს მაშინ იჩენს, როდესაც ჯანსაღ ქსოვილებს ორგანიზმის საკუთარი იმუნური სისტემა უტევს და ანადგურებს, პირველ რიგში კი ხელების, მაჯების, ტერფებისა და მუხლების სახსრებს.„მიუხედავად იმისა, რომ დაავადება ფართოდაა გავრცელებული, მისი სამკურნალო წამალი არ არსებობს. ჩვენ ბოლომდე არც ვიცით, რა იწვევს მას. ასეა თითქმის ყველა აუტოიმუნური დაავადების შემთხვევაში, რაც მათ მკურნალობასა და პროფილაქტიკას ართულებს“, − ამბობს კვლევის ხელმძღვანელი რიტუ ჩაკრავარტი.ჩაკრავარტი მრავალი წლის განმავლობაში სწავლობდა ცილა 14-3-3 Zeta-ს და მის როლს იმუნურ პათოლოგიებში − აორტის ანევრიზმის ჩათვლით, და ასევე ინტერლეიკინ 17-ს − ციკოტინს, რომელიც აუტოიმუნურ დაავადებებთანაა კავშირში. მკვლევარებმა აღმოაჩინეს, რომ ცილა 14-3-3 Zeta-ს ამოღებამ გენის რედაქტირებისას მძიმე ართრიტი გამოიწვია ლაბორატორიულ ცხოველებში.ივარაუდეს რა, რომ ცილა 14-3-3 Zeta ორგანიზმს რევმატოიდული ართრიტისგან იცავს, მეცნიერებმა ბაქტერიულ უჯრედში გამოზრდილი და გაწმენდილი ცილის საფუძველზე ვაქცინა შექმნეს. ცხოველებზე ჩატარებული შემდგომი კვლევებით მეცნიერებმა დაამტკიცეს, რომ ვაქცინა თანდაყოლილი იმუნური სისტემის ძლიერ, დაუყოვნებელ და ხანგრძლივ პასუხს იწვევს, რაც დაავადებისგან იცავს ორგანიზმს.მისი თქმით, თუ მეცნიერები წარმატებით დაასრულებენ ვაქცინის კლინიკურ კვლევებს, ეს რევოლუციური გარღვევა იქნება მედიცინაში.ექსპერიმენტმა აჩვენა, რომ გარდა ართრიტის დათრგუნვისა, ვაქცინამ ასევე მნიშვნელოვნად გააუმჯობესა ძვლების მდგომარეობა, რაც იმუნიზაციის კიდევ ერთი დამატებითი უპირატესობა იქნება.დღეისათვის რევმატოიდულ ართრიტს ძირითადად ფართო მოქმედების კორტიკოსტეროიდებითა და იმუნოდეპრესანტებით მკურნალობენ, ან კონკრეტული ანთებითი პროცესის საწინააღმდეგო უფრო ახალი პრეპარატებით. მიუხედავად იმისა, რომ ეს საშუალებები ტკივილსაც ამცირებს და დაავადების განვითარებასაც ანელებს, იმავდროულად პაციენტს უფრო მოწყვლადს ხდის ინფექციების მიმართ. ამასთან ეს პრეპარატები ხშირად ძალიან ძვირია.
https://sputnik-georgia.com/20210310/arTritis-uCveulo-simptomebi-251130404.html
https://sputnik-georgia.com/20180427/Drinking-baking-soda-could-be-aninexpensive-safe-way-to-combat-autoimmune-disease-study-240232456.html
აშშ
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მსოფლიო მეცნიერული კვლევები, აშშ
მსოფლიო მეცნიერული კვლევები, აშშ
თბილისი, 5 ოქტომბერი − Sputnik. ამერიკელმა მეცნიერებმა ამ დროისათვის უკურნებელი აუტოიმუნური დაავადების – რევმატოიდული ართრიტის საწინააღმდეგო ექსპერიმენტული ვაქცინა შექმნეს. შესაბამისი სამეცნიერო სტატია გამოქვეყნებულია ჟურნალში
Proceedings of the National Academy of Sciences.
რევმატოიდული ართრიტი თავს მაშინ იჩენს, როდესაც ჯანსაღ ქსოვილებს ორგანიზმის საკუთარი იმუნური სისტემა უტევს და ანადგურებს, პირველ რიგში კი ხელების, მაჯების, ტერფებისა და მუხლების სახსრებს.
„მიუხედავად იმისა, რომ დაავადება ფართოდაა გავრცელებული, მისი სამკურნალო წამალი არ არსებობს. ჩვენ ბოლომდე არც ვიცით, რა იწვევს მას. ასეა თითქმის ყველა აუტოიმუნური დაავადების შემთხვევაში, რაც მათ მკურნალობასა და პროფილაქტიკას ართულებს“, − ამბობს კვლევის ხელმძღვანელი რიტუ ჩაკრავარტი.
ჩაკრავარტი მრავალი წლის განმავლობაში სწავლობდა ცილა 14-3-3 Zeta-ს და მის როლს იმუნურ პათოლოგიებში − აორტის ანევრიზმის ჩათვლით, და ასევე ინტერლეიკინ 17-ს − ციკოტინს, რომელიც აუტოიმუნურ დაავადებებთანაა კავშირში. მკვლევარებმა აღმოაჩინეს, რომ ცილა 14-3-3 Zeta-ს ამოღებამ გენის რედაქტირებისას მძიმე ართრიტი გამოიწვია ლაბორატორიულ ცხოველებში.
ივარაუდეს რა, რომ ცილა 14-3-3 Zeta ორგანიზმს რევმატოიდული ართრიტისგან იცავს, მეცნიერებმა ბაქტერიულ უჯრედში გამოზრდილი და გაწმენდილი ცილის საფუძველზე ვაქცინა შექმნეს. ცხოველებზე ჩატარებული შემდგომი კვლევებით მეცნიერებმა დაამტკიცეს, რომ ვაქცინა თანდაყოლილი იმუნური სისტემის ძლიერ, დაუყოვნებელ და ხანგრძლივ პასუხს იწვევს, რაც დაავადებისგან იცავს ორგანიზმს.
„ჩვენდა გასაოცრად, რევმატოიდული ართრიტი ახალი ვაქცინით აცრილ ცხოველებში სრულად გაქრა“, − ამბობს ჩაკრავარტი.
მისი თქმით, თუ მეცნიერები წარმატებით დაასრულებენ ვაქცინის კლინიკურ კვლევებს, ეს რევოლუციური გარღვევა იქნება მედიცინაში.
ექსპერიმენტმა აჩვენა, რომ გარდა ართრიტის დათრგუნვისა, ვაქცინამ ასევე მნიშვნელოვნად გააუმჯობესა ძვლების მდგომარეობა, რაც იმუნიზაციის კიდევ ერთი დამატებითი უპირატესობა იქნება.
დღეისათვის რევმატოიდულ ართრიტს ძირითადად ფართო მოქმედების კორტიკოსტეროიდებითა და იმუნოდეპრესანტებით მკურნალობენ, ან კონკრეტული ანთებითი პროცესის საწინააღმდეგო უფრო ახალი პრეპარატებით. მიუხედავად იმისა, რომ ეს საშუალებები ტკივილსაც ამცირებს და დაავადების განვითარებასაც ანელებს, იმავდროულად პაციენტს უფრო მოწყვლადს ხდის ინფექციების მიმართ. ამასთან ეს პრეპარატები ხშირად ძალიან ძვირია.
