https://sputnik-georgia.com/20210921/ramden-tveshi-gaixsneba-lisi-muxatwyaros-gza-259775727.html
რამდენ თვეში გაიხსნება ლისი–მუხათწყაროს გზა: ვითარებას გერმანელი სპეციალისტები სწავლობენ
რამდენ თვეში გაიხსნება ლისი–მუხათწყაროს გზა: ვითარებას გერმანელი სპეციალისტები სწავლობენ
Sputnik საქართველო
ლისი–მუხათწყარო–მსხალდიდის და ნაფეტვრებთან დამაკავშირებელი გზა 1 ივლისიდან გადაკეტილია. 21.09.2021-ს, Sputnik საქართველო
2021-09-21T17:50+0400
2021-09-21T17:50+0400
2021-09-21T21:56+0400
ახალი ამბები
თბილისი დღეს
https://cdnn1.img.sputnik-georgia.com/img/07e5/03/12/251207493_0:157:3000:1845_1920x0_80_0_0_1cce4521e559551f072ea3a63b30a594.jpg
თბილისი, 21 სექტემბერი – Sputnik. ლისი–მუხათწყაროს დამაკავშირებელ გზაზე მეწყრულ პროცესებთან დაკავშირებით გეოლოგიური კვლევა აქტიურად მიმდინარეობს, იუწყება ტელეკომპანია Imedi.მეწყრული პროცესები სოფელ მსხალდიდის მონაკვეთზე მიმდინარე წლის ივლისში გააქტიურდა, რაც უხვმა ნალექმა და მისმა ჩაჟონვამ გამოიწვია. სპეციალისტების რეკომენდაციით, აღნიშნული მონაკვეთი ჩაიკეტა, შესაბამისად, საავტომობილო გადაადგილება შეიზღუდა. ადგილზე მიმდინარეობს შესაბამისი სამუშაოები, რომელსაც თბილისის მერიის დაკვეთით კომპანია „კავკასუს როუდ პროჯექტი“ ასრულებს. ლისი-მუხათწყაროს გზაზე მეწყრულ პროცესებთან დაკავშირებით შუალედური დასკვნა გამოქვეყნდა>>>გავრცელებული ინფორმაციით, მცხეთა-მთიანეთის სახელმწიფო რწმუნებულის ადმინისტრაციისა და მცხეთის მუნიციპალიტეტის მიერ უკვე შეირჩა კომპანია, რომლის სპეციალისტებიც, გერმანელ პარტნიორებთან ერთად, უახლოეს დღეებში პროექტირებას დაიწყებენ, პარალელურად კი განახორციელებენ ყველა საჭირო ღონისძიებას, მათ შორის შემაჩერებელ-გასამაგრებელ სამუშაოებს.ლისი–მუხათწყაროს მონაკვეთზე, სადაც ზაფხულში მეწყრული პროცესები განვითარდა, ქართველ სპეციალისტებთან ერთად იმყოფებოდა გერმანელი სპეციალისტი პიტერ ნეიმანიც.გავრცელებული ინფორმაციით, კომპანია „კავკასუს როუდ პროჯექტი“ სამუშაოებს დაახლოებით 6 თვის განმავლობაში დაასრულებს, რის შემდეგაც ლისი–მუხათწყაროს აღნიშნული მონაკვეთი გაიხსნება და მოსახლეობა უსაფრთხო გადაადგილებას შეძლებს.სოფლები ლისი, მუხათწყარო, მსხალდიდი, ნაფეტვრები მცხეთის მუნიციპალიტეტს ეკუთვნის, თუმცა ტერიტორიულად თბილისთან ახლოს, ლისის ტბასთან მდებარეობს.ლისის ტბასთან ახლოს, ვაშლიჯვარში მეწყერსაშიში ზონა გაზაფხულზე გაჩნდა – ვაშლიჯვარი–ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდობზე განხორციელებული გარკვეული მოქმედებების გამო მეწყრული პროცესები გააქტიურდა. გეოლოგების პროგნოზით, გაჩნდა ფერდობის ჩამოშლის სერიოზული საფრთხე. მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა. მოგვიანებით დაიწყო ფერდობის გამაგრების სამუშაოები. მაჭავარიანის ქუჩაზე ტრანსპორტის მოძრაობა აგვისტოში აღდგა.
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, თბილისი დღეს
ახალი ამბები, თბილისი დღეს
რამდენ თვეში გაიხსნება ლისი–მუხათწყაროს გზა: ვითარებას გერმანელი სპეციალისტები სწავლობენ
17:50 21.09.2021 (განახლებულია: 21:56 21.09.2021) ლისი–მუხათწყარო–მსხალდიდის და ნაფეტვრებთან დამაკავშირებელი გზა 1 ივლისიდან გადაკეტილია.
თბილისი, 21 სექტემბერი – Sputnik. ლისი–მუხათწყაროს დამაკავშირებელ გზაზე მეწყრულ პროცესებთან დაკავშირებით გეოლოგიური კვლევა აქტიურად მიმდინარეობს, იუწყება ტელეკომპანია
Imedi.
მეწყრული პროცესები სოფელ მსხალდიდის მონაკვეთზე მიმდინარე წლის ივლისში გააქტიურდა, რაც უხვმა ნალექმა და მისმა ჩაჟონვამ გამოიწვია. სპეციალისტების რეკომენდაციით, აღნიშნული მონაკვეთი ჩაიკეტა, შესაბამისად, საავტომობილო გადაადგილება შეიზღუდა. ადგილზე მიმდინარეობს შესაბამისი სამუშაოები, რომელსაც თბილისის მერიის დაკვეთით კომპანია „კავკასუს როუდ პროჯექტი“ ასრულებს.
გავრცელებული ინფორმაციით, მცხეთა-მთიანეთის სახელმწიფო რწმუნებულის ადმინისტრაციისა და მცხეთის მუნიციპალიტეტის მიერ უკვე შეირჩა კომპანია, რომლის სპეციალისტებიც, გერმანელ პარტნიორებთან ერთად, უახლოეს დღეებში პროექტირებას დაიწყებენ, პარალელურად კი განახორციელებენ ყველა საჭირო ღონისძიებას, მათ შორის შემაჩერებელ-გასამაგრებელ სამუშაოებს.
ლისი–მუხათწყაროს მონაკვეთზე, სადაც ზაფხულში მეწყრული პროცესები განვითარდა, ქართველ სპეციალისტებთან ერთად იმყოფებოდა გერმანელი სპეციალისტი პიტერ ნეიმანიც.
„კომპანია „კავკასუს როუდ პროჯექტმა“ შემოგვთავაზა, რომ პრობლემის გადასაჭრელად ერთად გვემუშავა. აღნიშნული სამუშაოები იქნება გზის სტაბილურობის გარანტია, შედეგის მისაღებად კი სწორედ შემოთავაზებული კვლევაა საჭირო. როგორც ვიცით, გეოლოგია რეგიონში რთულია. ჩვენი მიზანია შევაჩეროთ მთის ჩამოშლა. ვფიქრობ, რომ აღნიშნულ საკითხთან დაკავშირებით ჩვენ მიერ დასახული გეგმა კარგად იმუშავებს“, – განაცხადა ნეიმანმა.
გავრცელებული ინფორმაციით, კომპანია „კავკასუს როუდ პროჯექტი“ სამუშაოებს დაახლოებით 6 თვის განმავლობაში დაასრულებს, რის შემდეგაც ლისი–მუხათწყაროს აღნიშნული მონაკვეთი გაიხსნება და მოსახლეობა უსაფრთხო გადაადგილებას შეძლებს.
სოფლები ლისი, მუხათწყარო, მსხალდიდი, ნაფეტვრები მცხეთის მუნიციპალიტეტს ეკუთვნის, თუმცა ტერიტორიულად თბილისთან ახლოს, ლისის ტბასთან მდებარეობს.
ლისის ტბასთან ახლოს, ვაშლიჯვარში მეწყერსაშიში ზონა გაზაფხულზე გაჩნდა – ვაშლიჯვარი–ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდობზე განხორციელებული გარკვეული მოქმედებების გამო მეწყრული პროცესები გააქტიურდა. გეოლოგების პროგნოზით, გაჩნდა ფერდობის ჩამოშლის სერიოზული საფრთხე. მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა. მოგვიანებით დაიწყო ფერდობის გამაგრების სამუშაოები. მაჭავარიანის ქუჩაზე ტრანსპორტის მოძრაობა აგვისტოში აღდგა.
