ღარიბაშვილმა ქართველ მზვერავებს მათი პროფესიული დღესასწაული მიულოცა

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 19.09.2021
გამოწერა
მზვერავების მუშაობას დიდი მნიშვნელობა აქვს სახელმწიფოს სტაბილური განვითარებისთვის, აღნიშნა პრემიერმა
თბილისი, 19 სექტემბერი – Sputnik. საქართველოს პრემიერ-მინისტრმა ირაკლი ღარიბაშვილმა დაზვერვის სამსახურის მოსამსახურეებსა და უწყების ვეტერანებს მათი პროფესიული დღე მიულოცა.
„დღეს საქართველოს დაზვერვის სამსახურის მოსამსახურეთა პროფესიული დღეა. გილოცავთ ამ დღეს დაზვერვის სამსახურის თანამშრომლებსა და ვეტერანებს. თქვენი საქმიანობა უმნიშვნელოვანესია ჩვენი ქვეყნის უსაფრთხოების, განვითარების, სტაბილური გარემოს ჩამოყალიბების პროცესში. თქვენი რთული, მაღალი რისკის შემცველი პროფესიული მოვალეობის შესრულება საამაყოა და პატივსაცემი“, - დაწერა ღარიბაშვილმა თავის Facebook-გვერდზე.
როგორც პრემიერმა აღნიშნა, „ნაბიჯ-ნაბიჯ, საერთო ძალისხმევით, ჩვენ აუცილებლად მივაღწევთ მიზანს, რომელსაც ძლიერი, გაერთიანებული ქართული სახელმწიფო ჰქვია“.
მთავრობის კანცელარია - Sputnik საქართველო, 1920, 23.04.2021
დაზვერვის სამსახურს შალვა ლომიძე უხელმძღვანელებს
აპრილში პრემიერ-მინისტრმა დაზვერვის სამსახურის ხელმძღვანელის პოსტზე დანიშნა შალვა ლომიძე, რომელმაც ამ პოსტზე ლევან იზორია შეცვალა. იზორიამ, თავის მხრივ, მოღვაწეობა დიპლომატიურ სფეროში გააგრძელა.
საქართველოს დაზვერვის სამსახური არის აღმასრულებელი ხელისუფლების სპეციალური დანიშნულების დაწესებულება, რომელიც უშუალოდ პრემიერ-მინისტრს ემორჩილება. სამსახურის ძირითადი ამოცანებია გარე საფრთხეების და რისკების გამოვლენა, ქვეყნის საჯარო-პოლიტიკური მოხელეების უზრუნველყოფა სადაზვერვო ინფორმაციით, რომელიც აუცილებელია გადაწყვეტილებების მისაღებად ეროვნული უსაფრთხოების პოლიტიკურ, ეკონომიკურ და სხვა სფეროებში.
ყველა ახალი ამბავი
0