https://sputnik-georgia.com/20210917/nona-gaprindashvili-neftlixisgan-xut-milion-dolars-itxovs-259668144.html
ნონა გაფრინდაშვილი Netflix-სგან 5 მილიონ დოლარს მოითხოვს
ნონა გაფრინდაშვილი Netflix-სგან 5 მილიონ დოლარს მოითხოვს
Sputnik საქართველო
ცნობილი ქართველი მოჭადრაკე ცნობილი კინოკომპანიისგან ზარალის ანაზღაურებას მოითხოვს. 17.09.2021-ს, Sputnik საქართველო
2021-09-17T11:01+0400
2021-09-17T11:01+0400
2023-08-17T12:57+0400
ქართველი ცნობადი სახეები
https://cdnn1.img.sputnik-georgia.com/img/23764/83/237648388_0:106:2049:1258_1920x0_80_0_0_529a3a88d554f53bd3161ff8d15f7a41.jpg
თბილისი, 17 სექტემბერი — Sputnik. ლეგენდარულმა ქართველმა მოჭადრაკემ ნონა გაფრინდაშვილმა კინოკომპანია Netflix-ს უჩივლა და მისგან 5 მილიონ დოლარს მოითხოვს. ინფორმაციას „ნიუ-იორკ ტაიმსი“ ავრცელებს.ნონა გაფრინდაშვილი Netflix-ს უჩივის მოჭადრაკე ქალზე გადაღებული მისი სერიალის „დედოფლის სვლა“ ფინალური ეპიზოდის იმ ნაწილის გამო, რომელშიც მის მიღწევებს პერსონაჟ ბეტ ჰარმონის წარმატებას ადარებენ. კერძოდ, ეპიზოდში, როდესაც ბეტ ჰარმონი მოსკოვში თამაშობს, მატჩის კომენტატორი ამბობს: „ერთადერთი უჩვეულო რამ მის [ჰარმონის] შესახებ მისი სქესია და ესეც არ არის გასაკვირი რუსეთში. აქ ნონა გაფრინდაშვილია, მაგრამ ის ქალი მსოფლიო ჩემპიონია და არასოდეს უთამაშია კაცთან“.გაფრინდაშვილის 25-გვერდიან საჩივარში წერია: „ბრალდება, რომ ნონა გაფრინდაშვილს არასდროს უთამაშია კაცთან, არის სიცრუე, ასევე უკიდურესად სექსისტური და დამამცირებელი. 1968 წლისთვის, ანუ იმ დროისთვის, როცა მოქმედება ხდება, მას სულ მცირე 59 მოჭადრაკე კაცთან ჰქონდა მატჩი ჩატარებული, მათ შორის ჭადრაკის სულ მცირე ათ დიდოსტატთან“.„ნეტფლიქსის“ წინააღმდეგ სასამართლო დავაში ნონა გაფრინდაშვილის ინტერესებს ამერიკელი და ქართველი იურისტების ჯგუფი იცავს.ნონა გაფრინდაშვილი არის ქართველი მოჭადრაკე, დიდოსტატი (1978). მსოფლიოს ხუთგზის ჩემპიონი (1962-1978). 11 გუნდური და 9 პირადი ოლიმპიური ოქროს მფლობელი. ფიდეს ქალთა კომისიის თავმჯდომარე (1980-1986). საქართველოს ეროვნული ოლიმპიური კომიტეტის პირველი პრეზიდენტი 1989-1996 წლებში, 1996 წლიდან მისი საპატიო პრეზიდენტი. საქართველოს ჭადრაკის ფედერაციის პრეზიდენტი (2000-2002).თავისი თაობის მსოფლიოს უძლიერესი მოჭადრაკე ქალი. 1978 წელს ნონა გაფრინდაშვილი გახდა პირველი ქალი მოჭადრაკე, ვისაც საერთაშორისო დიდოსტატის წოდება მიენიჭა მამაკაცთა შორის. 1997 წელს ფიდეს 68-ე კონგრესის გადაწყვეტილებით დაწესდა ნონა გაფრინდაშვილის სახელობის თასი საჭადრაკო ოლიმპიადებზე, რომელიც გადაეცემა ქვეყნის ვაჟთა და ქალთა გუნდებს საუკეთესო ჯამური შედეგისათვის. 2001 წელს მისი სახელი მიენიჭა თბილისის ჭადრაკის სასახლეს.რაც შეეხება მინი-სერიალს The Queen’s Gambit, ის მაყურებელმა 2020 წელს იხილა. სერიალის მთავარი გმირი 8 წლის ობოლი ბეტ ჰარმონია, მშვიდი, პირქუში და ერთი შეხედვით ჩვეულებრივი გოგონა, თუმცა მაშინ, როცა პირველად თამაშობს ჭადრაკის პარტიას, ის გრძნობს, თუ როგორ ძლიერდება, როგორ აზროვნებს უკეთ და პირველად გრძნობს, რომ ცხოვრებაში ყველაფერს აკონტროლებს.16 წლის ასაკში ის შეერთებული შტატების ღია ჩემპიონატში იღებს მონაწილეობას, თუმცა რაც უფრო მეტად მიიწევს პროფესიონალური წრისკენ, მით უფრო რთულდება ყველაფერი. სერიალი დაფუძნებულია უოლტერ რევისის წიგნზე.
https://sputnik-georgia.com/20191217/---------247289889.html
https://sputnik-georgia.com/20191004/qartveli-gogo-romelic-netflixis-tanamshromeli-gaxda-246668024.html
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ნონა გაფრინდაშვილი netflix the queen's gambit
ნონა გაფრინდაშვილი netflix the queen's gambit
ნონა გაფრინდაშვილი Netflix-სგან 5 მილიონ დოლარს მოითხოვს
11:01 17.09.2021 (განახლებულია: 12:57 17.08.2023) ცნობილი ქართველი მოჭადრაკე ცნობილი კინოკომპანიისგან ზარალის ანაზღაურებას მოითხოვს.
თბილისი, 17 სექტემბერი — Sputnik. ლეგენდარულმა ქართველმა მოჭადრაკემ ნონა გაფრინდაშვილმა კინოკომპანია Netflix-ს უჩივლა და მისგან 5 მილიონ დოლარს მოითხოვს. ინფორმაციას
„ნიუ-იორკ ტაიმსი“ ავრცელებს.
ნონა გაფრინდაშვილი Netflix-ს უჩივის მოჭადრაკე ქალზე გადაღებული მისი სერიალის „დედოფლის სვლა“ ფინალური ეპიზოდის იმ ნაწილის გამო, რომელშიც მის მიღწევებს პერსონაჟ ბეტ ჰარმონის წარმატებას ადარებენ. კერძოდ, ეპიზოდში, როდესაც ბეტ ჰარმონი მოსკოვში თამაშობს, მატჩის კომენტატორი ამბობს: „ერთადერთი უჩვეულო რამ მის [ჰარმონის] შესახებ მისი სქესია და ესეც არ არის გასაკვირი რუსეთში. აქ ნონა გაფრინდაშვილია, მაგრამ ის ქალი მსოფლიო ჩემპიონია და არასოდეს უთამაშია კაცთან“.
გაფრინდაშვილის 25-გვერდიან საჩივარში წერია: „ბრალდება, რომ ნონა გაფრინდაშვილს არასდროს უთამაშია კაცთან, არის სიცრუე, ასევე უკიდურესად სექსისტური და დამამცირებელი. 1968 წლისთვის, ანუ იმ დროისთვის, როცა მოქმედება ხდება, მას სულ მცირე 59 მოჭადრაკე კაცთან ჰქონდა მატჩი ჩატარებული, მათ შორის ჭადრაკის სულ მცირე ათ დიდოსტატთან“.
„ნეტფლიქსის“ წინააღმდეგ სასამართლო დავაში ნონა გაფრინდაშვილის ინტერესებს ამერიკელი და ქართველი იურისტების ჯგუფი იცავს.
ნონა გაფრინდაშვილი არის ქართველი მოჭადრაკე, დიდოსტატი (1978). მსოფლიოს ხუთგზის ჩემპიონი (1962-1978). 11 გუნდური და 9 პირადი ოლიმპიური ოქროს მფლობელი. ფიდეს ქალთა კომისიის თავმჯდომარე (1980-1986). საქართველოს ეროვნული ოლიმპიური კომიტეტის პირველი პრეზიდენტი 1989-1996 წლებში, 1996 წლიდან მისი საპატიო პრეზიდენტი. საქართველოს ჭადრაკის ფედერაციის პრეზიდენტი (2000-2002).
თავისი თაობის მსოფლიოს უძლიერესი მოჭადრაკე ქალი. 1978 წელს ნონა გაფრინდაშვილი გახდა პირველი ქალი მოჭადრაკე, ვისაც საერთაშორისო დიდოსტატის წოდება მიენიჭა მამაკაცთა შორის. 1997 წელს ფიდეს 68-ე კონგრესის გადაწყვეტილებით დაწესდა ნონა გაფრინდაშვილის სახელობის თასი საჭადრაკო ოლიმპიადებზე, რომელიც გადაეცემა ქვეყნის ვაჟთა და ქალთა გუნდებს საუკეთესო ჯამური შედეგისათვის. 2001 წელს მისი სახელი მიენიჭა თბილისის ჭადრაკის სასახლეს.
რაც შეეხება მინი-სერიალს The Queen’s Gambit, ის მაყურებელმა 2020 წელს იხილა. სერიალის მთავარი გმირი 8 წლის ობოლი ბეტ ჰარმონია, მშვიდი, პირქუში და ერთი შეხედვით ჩვეულებრივი გოგონა, თუმცა მაშინ, როცა პირველად თამაშობს ჭადრაკის პარტიას, ის გრძნობს, თუ როგორ ძლიერდება, როგორ აზროვნებს უკეთ და პირველად გრძნობს, რომ ცხოვრებაში ყველაფერს აკონტროლებს.
16 წლის ასაკში ის შეერთებული შტატების ღია ჩემპიონატში იღებს მონაწილეობას, თუმცა რაც უფრო მეტად მიიწევს პროფესიონალური წრისკენ, მით უფრო რთულდება ყველაფერი. სერიალი დაფუძნებულია უოლტერ რევისის წიგნზე.
