გადავარდა თუ გადააგდეს ლევან აბლოთია: ქარელში მომხდარი ინციდენტის მდინარაძის ვერსია

© Sputnik / STRINGERმამუკა მდინარაძე
მამუკა მდინარაძე - Sputnik საქართველო, 1920, 15.09.2021
ტელეკომპანია „მთავარის“ ცნობით, ქარელში „ქართული ოცნების“ ოფისში ინტერვიუს ჩასაწერად მისულ გადამღებ ჯგუფს მართველი პარტიის აქტივისტები ფიზიკურად დაუპირისპირდნენ, რა დროსაც ოპოზიციური არხის ოპერატორი მეორე სართულიდან გადააგდეს.
თბილისი, 15 სექტემბერი – Sputnik. ბინძური სპეკულაცია – ასე შეაფასა ქარელში „ქართული ოცნების“ შტაბიდან ტელეკომპანია „მთავარის“ ოპერატორის ლევან აბლოთიას გადავარდნის ფაქტი ფრაქცია „ქართული ოცნების“ თავმჯდომარემ მამუკა მდინარაძემ ბრიფინგზე.

„ეს არის ძალიან ბინძური სპეკულაცია იმასთან დაკავშირებით, თუ როგორ ცდილობენ ნებისმიერი მათ მიერ პროვოცირებული ინციდენტიდან თუ შემთხვევიდან გამოიყვანონ ამორალური ტყუილი და ეს აკადრონ ჩვენს საზოგადოებას“, – განაცხადა მამუკა მდინარაძემ.

საღამოს ოპოზიციური ტელეარხი „მთავარის" გენერალურმა დირექტორმა ნიკა გვარამიამ სოციალურ ქსელში დაწერა, რომ ტელეკომპანიის ოპერატორი ლევან აბლოთია ქარელში მმართველი პარტია „ქართული ოცნება - დემოკრატიული საქართველოს“ ოფისის მეორე სართულიდან გადმოაგდეს. ფაქტს წინ ფიზიკური დაპირისპირება უძღოდა.

„მთელი პასუხისმგებლობით ვაცხადებ, რომ არანაირი ფიზიკური შეხება ოპერატორსა და ჩვენი შტაბის წარმომადგენელს შორის არ ყოფილა და პირდაპირ გადაჭრით შეგვიძლია ვთქვათ, რომ ნიკა გვარამიამ იცრუა“, – განაცხადა მდინარაძემ.

მამუკა მდინარაძის ვერსიით, ტელეკომპანიის ჟურნალისტი ბექა ყორშია და მისი ოპერატორი ლევან აბლოთია მივიდნენ ქარელის შტაბში, სადაც ბექა ყორშია ცდილობდა პროვოკაციის მოწყობას და შეურაცხმყოფელი სიტყვებით მოიხსენიებდა ქარელის მერობის კანდიდატს და შტაბის წარმომადგენელს.
„მას შემდეგ, რაც გამოაძევეს შტაბიდან და მართლაც იყო იქ გარკვეული კამათი და სიტყვიერი დაპირისპირება ჩვენი შტაბის წარმომადგენლებსა და ჟურნალისტს შორის, „მთავარი არხის“ ოპერატორი უკანსვლით ტოვებდა ტერიტორიას, რა დროსაც ე.წ. ტერასაზე ის წამოედო მოაჯირს და გადავარდა და დაეცა კიბის ზედა საფეხურებზე. ეს არ იყო ვარდნა მაღალი სიმაღლიდან“, – განაცხადა მამუკა მდინარაძემ.
სასწრაფო დახმარება - Sputnik საქართველო, 1920, 15.09.2021
„მთავარი არხის" ოპერატორი ქარელში „ქართული ოცნების“ ოფისის მეორე სართულიდან გადმოაგდეს
მისივე თქმით, პირველადი მონაცემებით, ოპერატორს რაიმე სერიოზული დაზიანება არა აქვს, ხოლო რაც შეეხება მომხდარ ინცინდენტს, ამას პოლიცია დეტალურად გამოიძიებს.
„ჩვენი შტაბის წევრებისგან ვიცით, რომ ჩართული იყო ოპერატორის კამერა და გადაღებული იქნება ის მომენტი, როდესაც ის კიბის საფეხურებზე დაეცა. როდესაც „მთავარი არხის“ ეს კადრები გავრცელდება, კიდევ უფრო ნათელი გახდება, რამდენად სწორია ჩემ მიერ მოწოდებული ინფორმაცია და რამდენად ამორალური ტყუილია ნიკა გვარამიას მოწოდებული ინფორმაცია“, – განაცხადა მდინარაძემ.
ტელეკომპანია „მთავარის“ ოპერატორი თავიდან ქარელში, კლინიკა „ევექსში“, შემდეგ კი დიაგნოზის დაზუსტების მიზნით თბილისში გადაიყვანეს.
ქარელის საავადმყოფოში დაშავებული თანამშრომელი არხის ხელმძღვანელმაც მოინახულა. აღსანიშნავია, რომ ნიკა გვარამია კლინიკის შენობაში კარებიდან არ შეუშვეს და მას კლინიკაში შესვლა ფანჯრიდან მოუწია.
„მენჯ-ბარძაყის მოტეხილობა აქვს, ნეკნებთან და ხელთან დაკავშირებით ამ ტექნიკით არაფერი ჩანს", – განაცხადა „მთავარი არხის" გენერალურმა დირექტორმა მას შემდეგ, რაც ოპერატორი მოინახულა.
მედიის ინფორმაციით, „მთავარის“ გადამღები ჯგუფი დღეს ჩავიდა ქარელში მერობის კანდიდატის ჩასაწერად, რა დროსაც შეხლა-შემოხლა მოხდა. ჟურნალისტ ბექა ყორშიას განცხადებით, ოპერატორი „ქართული ოცნების“ აქტივისტებმა მეორე სართულიდან ნადვილად გადააგდეს.

„ზაზა გულიაშვილთან (მერობის კანდიდატი - რედ.) მივედით „ქართული ოცნების“ შტაბში ქარელში. თავიდანვე ძალიან აგრესიულად შეგვეგებნენ, იყო გაწევ-გამოწევა. ყველაფერი გადაღებულია... იქიდან მართლა გადმოისროლეს... პოლიცია მოვიდა ძალიან გვიან... ჩემზეც მოხდა ფიზიკური ზეწოლა“, – განაცხადა ყორშიამ „მთავარის“ ეთერში.

შემთხვევის ადგილზე პოლიცია იმყოფება. ჯერჯერობით უცნობია, რომელი მუხლით დაიწყო გამოძიება და არის თუ არა ვინმე დაკავებული. შსს-ს პრეს-სამსახურში „Sputnik-საქართველოს“ აცნობეს, რომ მომხდართან დაკავშირებით კომენტარს უახლოეს დროში გააკეთებენ.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური