კოსოვოს ფეხბურთის ნაკრების მთავარი მწვრთნელი: საქართველოსთან საინტერესო თამაშს ველოდები

© AFP 2022 / Gazeta Expressკოსოვოს გუნდის მთავარი მწვრთნელი ბერნარ შალანდი
კოსოვოს გუნდის მთავარი მწვრთნელი ბერნარ შალანდი - Sputnik საქართველო, 1920, 01.09.2021
გამოწერა
НовостиTelegram
მწვრთნელმა სინანულით აღნიშნა, რომ მატჩი მაყურებლის გარეშე გაიმართება
თბილისი, 1 სექტემბერი - Sputnik. კოსოვოს ფეხბურთის ნაკრების მთავარ მწვრთნელს, ბერნარ შალანდს მიაჩნია, რომ 2022 წლის მსოფლიო ჩემპიონატის შესარჩევი მატჩი საქართველოსთან საინტერესო იქნება. ამაზე შვეიცარიელმა სპეციალისტმა განაცხადა პრესკონფერენციაზე, რომელიც Facebook-ით გადაიცემოდა.
„ჩვენთვის და საქართველოს ნაკრებისთვის ეს მარტივი ჯგუფი არ არის. ქართული გუნდის შესარჩევი მატჩები ვნახე - მან ხარისხიანი და ლამაზი ფეხბურთი ითამაშა. საკვალიფიკაციო ციკლი ორი მარცხით დავიწყეთ. ვფიქრობ, დადგა დრო, რაღაც ვაჩვენოთ. ჩვენ მართლაც გვჭირდება მაქსიმუმის გამოვლენა და საქართველოდან სამი ქულის წაღება. დამდეგი თამაშიდან საინტერესო ფეხბურთს ველოდები“, - აღნიშნა შალანდმა.
შვეიცარიელმა სინანული გამოთქვა იმის გამო, რომ მატჩს მაყურებელი არ დაესწრება.
ვილი სანიოლი - Sputnik საქართველო, 1920, 01.09.2021
საქართველოს ფეხბურთის ნაკრების მთავარი მწვრთნელი: კოსოვოსთან მატჩი უნდა მოვიგოთ
„სამწუხაროა, რომ მატჩი მაყურებლის გარეშე გაიმართება. მაგრამ ვიცით, რომ ასეთ რთულ ვითარებაში სხვაგვარად არ გამოდის. COVID-შეზღუდვების დაცვა აუცილებელია“, - აღნიშნა მან.
2022 წლის მსოფლიო ჩემპიონატის შესარჩევი მატჩი „В“ ჯგუფში საქართველოსა და კოსოვოს შორის 2 სექტემბერს ბათუმში გაიმართება. შეხვედრა 20:00 საათზე დაიწყება.
2022 წლის მსოფლიო ჩემპიონატის სამი შესარჩევი მატჩის შემდეგ საქართველოს ნაკრებს ერთი ქულა აქვს და ჯგუფში მეოთხე ადგილზეა. რაც შეეხება კოსოვოს, მან ორივე შეხვედრა წააგო და სატურნირო ცხრილის ბოლო ადგილზეა.
ყველა ახალი ამბავი
0